Search

Talab ko ajar na doon, fikar-e-rahguzar na karoon!
Safar main ab ke hawa ko bhi hamsafar na karoon

Ubhartay doobtay sooraj se torr loon rishta
Main sham orh ke so jaon aur sahar na karoon

Ab is se barh ke bhala kya ho ehtiyat-e-wafa
Main tere sheher se guzroon, tujhe khaber na karoon!

Ye meray dard ki daulat, meri maata-e-firaaq
In ansuon ki wazahat main umer bhar na kroon!

Ujaar shab ki khalish ban ke main kho jaoon
Main chandni ki terha khud ko darbadar na karoon!

Wo aik pal ko dikhai to de kaheen Mohsin
Main jan gunwa ke bhi us pal ko mukhtasir na karoon...!

Ana Peh Chot Parey Bhi Toa Kaun Dekhta Hay..??
Dhuwaan Sa Dil Say Uthey Bhi To Kaun Dekhta Hay..??

Ujaar Ghar Kay Kisi Be sadaa Darechay Mein..!!
Koi Chiragh Jalay Bhi Toa Kaun Dekhta Hay..??

Hajoom-e-Shaher Say hatt kar, Hadood-e-Shaher Kay Bad..!!
Woh Muskara Kar Milay Bhi To Kaun Dekhta Hay..??

Jis Aankh Mein Koi Chehra Na Koi Aks-e-Talab...!!
Woh Aankh Jal Kay Bujhey Bhi Toa Kaun Dekhta Hay..??

Hajoom-e-Dard Mein Kia Muskurana K Yahan ..!!
Khizaan Mein Phool Khilay Bhi Toa Kaun Dekhta Hay..??

Milay Baghair Jo Mujse Bichar Gaya Mohsin..!!
Woh Raastay Mein Rukay Bhi Toa Kaun Dekhta Hay..??

saharay torh kar saray, saharay dhoondhne niklay
qadam rakkh kar bhanwar mai ham kinaray dhoondhne niklay

nahi baikar ikk pal bhi guzari zindagi hamm nay
kisi k naam say apnay sitaray dhoondhne niklay

hamaray houslon ne hi nibhaai umr bhar ham say
milay hain haadsay hamko, nazaray dhoondhne niklay

bhala kaisay na hota harr qadam par saamna unn ka
hamain jab chaar soo dushman hamaray dhoondhne niklay

sila apni wafaon ka mila hamko magar aisay
gaye jab chhorh kar dunya to pyaray dhoondhne niklay

nahi KHURSHEED dunya mai koi bhi aik ham jaisa
bhula kar faiday saray khasaray dhoondhne niklay...!

Mohabbat Ka Irada Badal Jana Bhi Mushkil Hai,
Unko Khona Bhi Mushkil Hai Unko Pana Bhi Mushkil Hai...

zara Si Baat Pe Aankhe Bhigokar Baith Jate Hain,
Unko To Apne DIL Ka Haal Batana Bhi Mushkil Hai...

Udasi Unke Chehre Par Gawara Bhi Nahi,
Uski Khatir Sitare Toor kar Lana Bhi Mushkil Hai...

Yaha Logon Ne Khud Par Itne Parde Daal Rakhe Hain,
Kis Ke DIL Me Kya Hai Nazar Aana Bhi Mushkil Hai...

Maana Ki Khwab Me Mulakat Hogi Unse Magar,
Unke Bina Neend Aa Pana Bhi Mushkil Hai...!

Aankhon Men Baaqi Reh Gaye, Ab Teray Khad o Khaal Sey
Lab Pey Hain Kuch Sawal Sey,Dil Men Hain Kuch Malaal Sey

Tu Jo Gaya To Youn Laga, Tanha Hoon Kainaat Main
Raatain Thaki Thaki Meri, Din Bhi Meray Nidhaal Sey

Itney Qareeb Hoon Teray, Rasta Na Wehem Ko Milay
Soun Teray Hisaar Main, Jagoon Teray Jamal Sey

Mujh Ko Hain Kaam Aur Bhi, Kuch To Karo Mera Khayal
Aatay Ho Jab Khayal Main, Jatay Nahi Khayal Sey

Tujh Si Haseen Ghazal Koi, Mujh Sa Ghazal Sara Koi
Duniya Main Ho Ager Kaheen, Waazeh Karo Misaal Sey

Uss Se Gila Ay Dosto, Itna Sa Hai K Wo Mujhey
Samjha Nahi Hai Aaj Tak, Ghaafil Hai Meray Haal Sey...!

jo bhi kehna hay kaho phir ankaha reh jaay ga,
qurbaton k darmyan bhi faasla reh jaay ga.....,

wo guzar jaay ga in rastoon say misl e baad e saba,
or tou in rehguzaaron me khara reh jaay ga....

band kanon say sunay ga tou khanakti guftugu
bheegi aankhon say usy bus daikhta reh jaay ga..

chean lay gi subh ik aahat ka jhoota khuab bhi
aankh ki soni gali me rat jaga reh jaay gaa,,

titlian hijrat karein gi mosamon k sath sath,
or shehr e gul me aashob e hawa reh jaay ga

baadlon say aag barsy gi fiza e shehr per,
naqsh mit jaein gay ik naqsh e fana reh jay ga...!

Jiss Ko Chaha Wohi Kehta Hai Wafa Kuch Bhi Nahi....

Aisa Lagta Hai Mere Pass Raha Kuch Bhi Nahi..

Youn Bhi Uss Ne Mujhy Faramosh Kiya...

Sun K Har Baat Meri Jaise Suna Kuch Bhi Nahi...

Boht Veeraan Si Ho Gayi Hai Zindagi Meri.....

Woh Jab Se Chorr K Gaya, Mere Pass Raha Kuch Bhi Nahi..

Mujh Se Pochay Koi Kya Dil Pe Mere Beet Gayi....?

Uss Se Kya Pochtay Ho Jiss Ka Gya Kuch Bhi Nahi...!

kia khabar tum ko dosti kia hai
Ye roshni bhi hai andhera bhi hai
Khwahishon say bhara jazeera bhi hai
Bohat anmol ik heera bhi hai
Dosti ik haseen khwab bhi hai
Pass say dekho tou sarab bhi hai
Dukh milnay pe ye azab bhi hai
Aur ye piyar ka jawaz bhi hai
Dosti yoon tou maaya jaal bhi hai
Ik haqeeqat bhi hai khayal bhi hai
Kabhi furqat kabhi vissal bhi hai
Kabhi zameen kabhi falak bhi hai
Dosti jhoot bhi hai such bhi hai
Dil main reh jay to kassak bhi hai
Kabhi ye haar kabhi jeet bhi hai
Dosti saaz bhi sangeet bhi hai
Sheir bhi nazam bhi geet bhi hai
Wafa kia hai wafa bhi dosti hai
Dil say nikli dua bhi dosti hai
Bus itna samajh lay tou
Piyar ki inteha bhi dosti hai...!

khud apney dil main khowishain utaarna hongi
abhi to jaag k raatain guzaarna hon gi

terey liye mujhe hans hans k bolna hoga
merey liye tuje zulafain sanwarna hongi

teri sada se tujhi ko tarashna hoga
hava ki chaap se shakalain ubhaarna hongi

abhi to teri tabyat ko jeetnay k liye
dil o nigah ki shartain bhi haarna hongi

terey vasal ki khowishon k tez rangon se
terey firaaq ki subhain nikhaarna hongi

yeh shairy yeh kitabain yeh ayatain dil ki
nishaniyan yeh sabhi tujh pe vaarna hongi...!