Search

Us bewafa ka shahar hai aur ham hain dosto
ashk-e-rawan ki nehar hai aur ham hain dosto

Sham-e-alam Dhali to chali dard ki hawa !
raton ka pichla pehar hai aur ham hain dosto

Ankhon mein urr rahi hai luti mehafilon ki dhool
ibrat saraye dehar hai aur ham hain dosto

Ye ajanabi si manzilein aur raftagaan ki yaad
tanhaiyon ka zehar hai aur ham hain dosto

Main kisi aur ka hoon itna bata kar roya
Woh mujhe mehndi lagay hath dikha kar roya

Mujhe anjaam-e- mohabbat nahi maloom hargiz
Yeh kaha aur mujhe seenay se laga kar roya

Jo mujhe zabt ki talqeen kiya karta tha
Woh zamanay ko mera haal suna kar roya

Aansu ban kar nikl na jaun kahin, is Deer se
Apne ashkoon ko wo aankhoon mein chhupa kar roya

Wasl ka aakhri lamha jo muyassar tha humain
Usi lamhay mein wo sadiyoon ko sama kar roya