Search

Baat Din Ki Nahi, Ab Raat Se Darr Lagta Hai
Ghar Hai Kacha Mera, Barsaat Se Dar Lagta Hai

Tere Tohfay Ne To Bas Khoon Ke Aansoo Hi Diye
Zindagi Ab Teri Saughaat Se Dar Lagta Hai

Pyaar Ko Chor Ker Tum Aur Koi Baat Karo
Ab Mujhay Pyaar Ki Har Baat Se Dar Lagta Hai

Meri Khaatir Na Wo Bandnaam Kahein Ho Jaein
Iss Liye Unn Ki Mulaqaat Se Dar Lagta Hai

Kaho Ab Kya Kahoon tum Say
Batao Kya Likhon Tum Ko
Mujhay Tamheed do Koi
Mujhay Ummed Do Koi
Naya Ek Lafz Ho Koi
Jahan Say Baat Chal Niklay
Meri Mushkil Ka Hul Niklay
Batao Lahja Kaisa Ho
K Tum Say Baat Karni Hai
Mujhay Thora ujala Do
Basar Ek Raat Karni Hai

Vafaa ke bhes men koi raqeeb-e-shahar bhi hai
Hazar! ke shahar ke qaatil tabib-e-shahar bhi hai

Vahi sipaah-e-sitam Khemaazan hai chaaron taraf
Jo mere baKht mien thaa ab nasib-e-shahar bhi hai

Udhar ki aag idhar bhi pahuNch na jaaye kahin
Havaa bhi tez hai jangal qarib-e-shahar bhi hai

Ab us ke hijr mien rotey hain us ke ghaayal bhi
Khabar na thi ke vo zaalim habib-e-shahar bhi hai

Ye raaz naaraa-e-mansoor hi se ham pe Khulaa
Ke choob-e-minbar-e-masjid salib-e-shahar bhi hai

Kari hai jang ke ab ke muqaabile pe `Faraz`
Ameer-e-shahar bhi hai aur khateeb-e-shahar bhi hai

Tarz jeene kaa sikhati hai mujhe
tashnagi zahar pilaatii hai mujhe
raat bhar rahti hai kis baat ki dhun
na jagaati hai na sulaati hai mujhe
ruthta hon jo kabhi dunya se
zindagi aake manaati hai mujhe
aaina dekhun to kyon ker dekhun
yaad ik shaKhs ki aati hai mujhe
band kartaa hun jo aankhen kyaa kyaa
roshni si nazar aati hai mujhe
koi mil jaaye to rasta kat jaaye
apni parchai Daraati hai mujhe
ab to ye bhool gayaa kis ki talab
des pardes phiraati hai mujhe
kaise ho Khatam kahaani Gham ki
ab to kuch nend si aati hai mujhe