Poetry

Khamosh sa shehr aur guftugo ki aarzu
Hum kis se karen baat koi bolta nahi

Dunya bhi mili hai Gham-e-Dunya bhi mila hai
Wo kyun nahi milta jisay manga tha Khuda se

Be rehem hawaon mein; Ajnabi manaazir mein; Iss dil-e-musaafir ko Koi gham nhi kyun keh; Mushkilon mein bhi apna Raabta to Rab se hei; Aur jaanay kub se hei; Maadiyyat ki duniya mein; Khwahishon keh jungle mein; Kis sukoon se mera; Be qaraar dil thehra ; Be panaah adab se hei; Aur jaanay kub se hei ; Dil sada ka baaghi hei; Sirf khud se raazi hei ; Be fikar jahan se hei; Per hei ussko darr jitna; Bus Tere ghazab se hei ; Aur jaanay kub se hei; Mujhko aankh khulne se; Kuchh nazar nhi aata ; Meri band aankhon mein ; Aaj jalwa gar ho ja; Mein ne tujh ko socha hai Ik ajeeb dhubb se hei; Aur jaanay kub se hei ; Sub se hi shanasaai; Aur khud mein tanhaai; Kya ajab paheli hei ; Zindagi ka rishta bhi Ustawaar sub se hei ; Aur jaanay kub se hei; Muntazir wahan tu hei; Muntazir yahan mein hun; Ab hijaab pulta de ; Mein ne Tere baaray mein Sun rakha to sub se hei ; Aur jaanay kub se hei; Jab kbhi bhi jaana hei Uss ki simt jaana hei; Rooh or Khuda k beech Abdiyyat ka yeh rishta; Bus issi sabab se hei; Aur jaanay kub se hei; Dil jab Uss se lagta hei; Phir sukoon milta hei ;Kaatna nigaahon mein Raat ka kahan mushkil ; Dosti to apni bus Iss charaagh e shab se hei; Aur janay kub se hei ; Noor ki Tajalli ho ; Dil ko ik tasalli ho; Mujh pe bus karam itna; Kuchh zarur ho jaey; Rooh k andheron mein Koh e toor ho jaey ; Munfarid ye bashar... apni Bus issi talab se hei.

Shaam Ko Sogwaar Kartay Rahay
Ham Tera Intezaar Kartay Rahay
TU Tou Kaar-e-Jahan Mein Tha Masroof
Aur Hum Tujh Se Pyaar Kartay Rahay
Kis Lye Vasl Ki Kahani Mein
Hijr Ko Hissaydaar Kartay Rahay
Dil Ko Bas Mubtala-e-Gham Rakha
Wehshaton Ka Shumaar Kartay Rahay.

Ek Shab-e-Mehtaab Se Bhaagtay Phirtay Hain
Ham Kiun Apnay Aap Se Bhaagtay Phirtay Hain
Pyaas Ki Shiddat Honton Ki Taqdeer Howi
Aur Ham Qatraa-e-Aab Se Bhaagtay Phirtay Hain
Shaam Dhalay Saari Choupaalain Sajti Hain
Ham Apnay Ehbaab Se Bhaagtay Phirtay Hain
Khushbuu Ki Tehreer Badan Per Likhi Hai
Aur Safaid Gulaab Se Bhaagtay Phirtay Hain
Ik Kitaab Lye Phirtay Hain Haathon Mein
Aur Zar-o-Asbaab Se Bhaagtay Phirtay Hain
Unhain Kisi Taabeer Ki Khwaahish Kia Hogi ?
Loog Jo Arsaa-e-Khwaab Se Bhaagtay Phirtay Hain
Aankhon Mein Be-Taab Samandar Hai Phir Bhi
Jaanay Kis Gardaab Se Bhaagtay Phirtay Hain.

Hosh aaya toh sabhi khwaab the raiza raiza
jaise udte hue auraaq-e-pareshaan janaa.

Deeda-e-Dil ki Tabahi Mujhy manzOor lekin,
Unka Uttra hOwa Chehra nahi dekha jaata.!

Kaise Laron Muqadma Khud Se Us Ki Yaadon Ka
Yeh Dil Bhi Wakeel Us Ka Yeh Jaan Bhi Gawah Us Ki