Joined

Bheeg jaati hain meri palkein
jab tanhai mein dar lagta hai,
koi wajah jaan na le.
Dar tou yun bhi lagta hai k koi meri
aankhon mein tumhe dekh ker pehchaan na le.

Jahan Bhi Rahain Aik Hi Baat Hai
Tum Pass Nahin Aik Hi Baat Hai
Dil Main Pehlay Wali Baat Nahin
So Jatan Karo Aik Hi Baat Hai
Bharam Sare Ab Tum Nay Kho Diye
Bahar Ho Ya Khizaan Aik Hi Baat Hai
Rishta Chah Ka Tha Jo Tum Nay Mita Diya
Ab Subha Ho Ya Shaam Aik Hi Baat Hai
Bin Tumhare Jeena Bhi Kiya Jeena Hai
Zindagi Ho Ya Mout Ho Aik Hi Baat Hai.

Sab se chupa kar dard jo woh muskura diya
Us ki hansi ne tou aaj mujhe rula diya

Lehje se uth raha tha har ik dard ka dhuaan
Chehra bata raha tha k kuch ganwa diya

Aawaz mein thayrao tha aankhoon mein nami thi
Or keh raha tha k mein ne sab kuch bhula diya

Jane kya us ko loghon se thi shikayatein
Tanhaiyon ke dais mein khud ko basa diya

Khud bhi woh hum se bichar kar adhura sa ho gaya
Mujh ko bhi itne loghon mein tanha bana diya

Dil tod diya ab chita bhi jala dena,
Kafan na ho tou dupatta odha dena,
Koi puche rog kya tha
toh nazar jhuka kar
""Mohabbat"" bata dena.

Jawani ko zindage ka nikhaar kehte hain
Pat jad ko chaman ka manjdhaar kehte hain,
Ajeeb chalan hain duniya kay yaaro
Ek Dhoka hai Jise hum sab ""PYAAR"" kehte hain...

Agar saath dou tou apne zakhmoun ko see loon
Bebasi ke har lamhe ko ek ghoont mein pee loon
Pal bhar muskura ke tou dekho
Shayad isi bahane dou ghari aur jee loon...

Sazaa dene waale razaa puchte hain
Jine ki humse vajah puchte hain
Dete hain khud hi zehar humko aksar
Phir kitna hua hai asar puchte hain...

Apne apne andaaz hote hain,
Jaagti ankhon mein bhi khwaab hote hain,
Zaroori nahin ghum mein ansoo niklein,
Muskurati aankhon mein bhi sailab hote hain.

Ishq Sabhi Ko Jeena Sikha Deta Hai
Wafa Ke Naam Par Marna Sikha Deta Hai
Ishq Nahi Kiya Tou Kar Ke Dekho
Zaalim Har Dard Sehna Sikha Deta Hai….