Search

yooN zindagi ki raah meiN takra gaya koi
ik roshni andheroN mein bikhra gaya koi

wo haadsa wo pehli mulaakat kyaa kahoon
itni ajab thi soorat haal kya kahoon
wo kehar wo gazab wo jafa muJko yaad hai
wo uski berukhi ki adaa muJhko yaad hai
mita nahin hai zehan peh yoon chaa gaya koi
yooN zindagi ki raah meiN takra gaya koi

pehle muJhe wo dekh k barham si ho gayee
phir apne hi haseeN khayaloN meiN kho gayee
bechargi peh meri usse reham aa gaya
shaayad mere taDapne ka andaaz bhaa gaya
saansoN se bhi kareeb mere aa gaya koi
yooN zindagi ki raah meiN takra gaya koi

yoon usne pyaar se meri baahOn ko choo liya
manzil ne jaise shaakh ke raahon ko choo liya
ik pal meiN dil peh kaise qayamt guzar gayi
rug rug mein uske husn ki khusboo bikhar gayi
zulfon ko mere shaanay peh lehraa gaya koi
yooN zindagi ki raah meiN takra gaya koi

ab is dil-e-tabaah ki haalat na poochiye
benaam aarzoo ki lazzat na poochiye
ik ajnabi tha rooh ka armaan ban gaya
ik haadsa tha pyaar ka unwaan ban gaya
manzil ka raasta muJhe dikhla gaya koi
yooN zindagi ki raah meiN takra gaya koi

Suniye kareeb aa k

Yeh dil ka fasila

Mere dil ka fasila

Tum meri zindagi ho

Tum meri bandagi ho

Do jisam aik jaan hain

Hoon ge na hum juda

Dil yeh akela tha

Sapnon ka mela tha

Pyaar tumara jo mila

A k in bahoon main

Pyaar ki panahoon main

Jal gaya bujha huwa deya

Tum ne mujhey dekhaya

Manzil ka raasta

Pyaar ka nazara hay

Samaa pyara pyara hay

jhuum rahi hay yeh fizaa

Sath tumara hay

Bahoon ka sahara hay

Kyun na phir gaaye mera jiya

Do dil hain aik dharkan

Do saaz ek sadaaa

Tum meri zindagi ho

Zindagi mein har dam haste raho,

Hasna zindagi ki zarurat hai.

Zindagi ko is andaz mein jiyo

ki aapko dekh kar log kahe

""Zindagi Kitni KHOOBSURAT Hai.""

ZINDAGI

Tanha thi aur
Hamesha se tanha hay zindagi
Hay naam zindagi ka
Magar kya hay zindagi
Yahan phool aarzouon k
Khiltay naheen kabhi
Bichreen jo aik bar
woh milty naheen kabi
Sunsaan rastoon ka
Tamasha hay zindagi
Har shama k naseeb main hay
Dard ka dhuwaan
Har phool ki hansi main
Chupa hay gham-e- khizaan
Yeh sab haseen khawaab hain
Sholah hay zindagi
Suraj ko aansouwon k
Samandar main phaink doun
Jo mera bas chaly to
Sitaron ko nooch loun
Jhoothay hain sab chirag
Andhera hay zindagi