Search

Tumhen Yaad Hai Jaanaa
Guzishta Saal July Mein...
Issi Tarah Ka Mosam Tha...
Jab Tum Ne Kaha Tha Mujh Se...
Chalo Hum Naam Badaltay Hein...
Koi Achay Se Farzi Naam Rakho
Tum Apne Aur Mere...
Han Uss Waqt Tumhari Baat...
Meine Unn-sunni Kar Dee Thi...
Magar Jab Se Laggi Hai Thokar...
To Hein Kuch Naam Zehn Mein Aaye...
Aaj Issi July Mein....
Woh Farzi Naam Rkhay Hein...
Mer Naam Aaj Se " Tanha"...
aur...
Aur Tumhara Naam "Mosam" Hai...
Kay...
"Tanha" Anna Parast Thehra...
aur "Mosam" Be-wafa Janaa...

Aaj Mujhko Teri Yaad Ne Phir Se Rula Diya
Meri Wafaa Ka Zindgi Ne Kaisa Sila Diya

Diye Baadalon Ke Khwaab Mujhe Jisske Saath Ne
Mitti Mein Uske Pyaar Ne Mujhko Mila Diya

Uski Chita Ki Raakh Se Khushbu Teri Mili
Jiss Shaks Ko Tere Shahar Mein, Zinda Jala Diya

Meri Yaadon Mein Hi Cut Gayi Uski Tamaam Umr
Kehta Raha Ki Usne Mujhe, Kabka Bhula Diya

Wo Mujhko Dekh Ker Ke Zara Chup Sa Reh Gaya
Aaj Usko Mere Haal Ne, Shayad Rula Diya

Bas Ek Nazar Chehre Per Uske Kya Pad Gayi
Itne Mein Usne Ishq Ka, Jaadu Chala Diya

Main Bhi Kabhi Thaa Narm Mizaaj Phulon Ki Tarah
Mujhko Gumo Ki Maar Ne, Pather Banaa Diya

Maine Zindgi Ko Saump Diya Jisske Haath Mein
Us Shaks Ne Mujhko Jaam, Zahar Ka Pila Diya

Wo Marrte Marrte Naam Mera Le Gayaa Karan
Bas Uski Is Adaa Ne Mera, Kaleja Hila Diya

Aaj Hamdard Mujhy Yaad Purany Aaye,
Par Tasawar Mein Wahi Guzry Zamany Aaye.

Yaad Aaye Wo Sar-E-Sham Ki Mehfil Apni,
Yaad Wo Raat K Kuch Khawab Suhany Aaye.

Ek Mudat Se Meri Aankh Ne Dekha Hi Nahi,
Ek Manzar Jo Mera Chain Churany Aaye.

Main To Marny Ko Bhi Tayar Hon Itna To Kary,
Wo Meri Laash Pe Ronay K Bahany Aaye.

Wo Agar Mujh Se Khafa Hai To Koi Baat Nahi,
Wo Kisi Aur Se Milny K Bahany Aaye.

Meri Itni Hi Tamana Hai Mery Sath Chaly,
Kab Ye Kehta Hon Mery Naaz Uthany Aay.

Chalo Khuch Dair hanstey hain

Usi ko yaad kartey hain

Jisey hum zeest kehtay thy

Ke laina sans bhi jis ke bina

Humain ik jurm lagta tha

Ke sang jiss k har ik lamha

Khush-o-khuram lagta tha

Jisey hum zindagi kehtey

Jisey the shayari kehtey

Ghazal ka qafia tha jo

Nazm ka jo ke unwan tha

Woh lehja jab badalta tha

Qayamat khaiz lagta tha

Waqt se agay chalta tha

Bala ka teez lagta tha

Jo saya ban ke rehta tha

Juda ab uss ke rastay hain

Chalo khuch dair hanstey hain

Usi ko yaad kartey hain,

Har Lamha Teri Yaad Ki Khushbuu Hai Mere' Paas
Is Shehar Main Tanha Hoon Magar Tuu Hai Mere' Paas

Jis Shakl Ko Chahoon Teri Tasveer Main Badal Doon
Ye Husn-E-Tasavvar Hai Ke Jaaduu Hai Mere' Paas

Rakhta Hai Sadaa Jo Meri Raaton Ko Mo'attar
Wo Tere' Badan Ka Gul-E-Khushbuu Mere' Paas

Kese' Mujh Ko Pasand Aaein Ge' Is Shehar Ke Naghme'
Tuu Hai Meri Koyal Teri Kuu Kuu Hai Mere' Paas

Kyun Thaamoon Ga Jaan! Main Kisi Aur Ki Baanhain
Pehne' Huye Kangan Tere' Baazuu Hain Mere' Paas

Jab Chahoon Qateel Us Ke Nagar Tak Mujhe' Le' Jaaein
Sochon Ka Chammakta Hua Jugnuu Hai Mere' Paas

Jab Kabhi Woh Hoga Apni Zaat Mein Tanha, Toh Yaad Aonga,
Na Chala Kadam Se Kadam Sath Koi, Toh Yaad Aonga,

Main Uski Aankhon Ka Ishara Bhi Samajh Leta Hoon,
Na Samajh Saka Koi Dil Ki Baat, Toh Yaad Aonga,

Din Ka Har Ik Pal Guzarega Jab Us Pe bhari
Aur Tanha Katte Gi Raat, Toh Yaad Aonga,

Har Baazi Jaan Kar Us Se Haar Jata Hoon,
Jab Dega Koi Usay Haar, Toh Yaad Aonga,

Hansnay Ko Toh Duniyaan Hansti Hai Sath Sath,
Na Roya Koi Dukh Mein Saath, Toh Yaad Aonga......!!!!

Meri Bateen
Meri Muskurahat
Meri Shararat
Meri Chahat
Meri Saansay
Meri Dharkan
Meri Mohabbat
Shayed ! !
Tumhay Yaad Aa Jaye
Kay
Tumhay Bhi Mujh Say
Mohabbat Thi
Tumhari Bhi Ak
Khowahish Thi
Tumhari Bhi Ak
Tamannah Thi
Tumhari Bhi Ak
Aarzoo Thi
Shayed ! !
Tumhay Yaad Aa Jaye
Keh
Tumhay Bhi Mujh Say
Mohabbat Thi
Ak Baar
Sirf Ak Baar
Kabhi Sochna Tum Kabhi

Kabhi Aati Hai
Khamoshi Se

Chupke Se
Dheeme Dheeme Se

Sargoshi Se
Aahista Aahista

Andheri Raat Mein
Bheegi Barsaat Mein

Kabhi Veerane Mein
Kabhi Anjaane Mein

Kabhi Mehfil Mein
Kabhi Tanhaai Mein

Mehakte Phoolon Si
Khilte Gulaabon Si

Behakte Lamhon Si
Sisakte Zakhmon Si

Kya Khabar Kyu Aati Hai
Waqt Be-Waqt Ye

Kiss Wajah Se
Kiss Ke Liye

Kiss Ki Khaatir
Kya Bataane

Kya Samjhaane
Ye Aati Hai

Ye Kya Hai
Ek Ehsaas Hai

Ek Pyaas Hai
Ek Chaahat Hai

Ek Mohobbat Hai
Phir Bhi Acchi Lagti Hai

Anjaani Si
Be-Gaani Si

Par Jaani-Pehchaani Si
Ek Khoobsurat Yaad

Haan,
Bas Teri Hi Yaad

Pal Pal Ye Aati Hai
Lamha Lamha Mujhe Sataati Hai

Zehan Ke Khialoon Main
Rooh Ke Ujaloon Main

Zindgi Ki Jheeloon Main
Zaat Ki Fasiloon Main

Ratjagoon Ke Daman Main
Khawahishoon Ke Aangan Main

Dil Ke Khushk Sehra Main
Chashm-E-Tar Ke Darya Main

Dard Ke Jahan Main Bhi
Ashk-E-Be-Zaban Main Bhi

Aur Kuch Nahi Rehta
Teri Yaad Rehti Hai