Search

tera naam likh likh k mitana bhool jati hoon
tumhain jub jub yad karti hoon bholana bhool jaty

bohat si batain hain jo meray maan hain
mager jub tum se milti hoon batana bhool jati hoon

bohat si batain hain jo meray dil main hai
main aksar tumhain khowaboon main batana bhool jaty hoon

her sham kehti hoon tumhain yad nahi karoon gee
mager jub subha hoti hay iraday bhool jaty hoon

tumhari yadoon se ub abad hai maire zindagi
tumhari yadoon main aksar main sona bhool jati hoon...!

Ataa Jisay Tera Aks-e-Jamaal Hota Hai
Wo Phool Saaray Gulistaan Ka Laal Hota Hai

Raah-e-Majaaz Mein Hain Manzilain Haqeeqat Ki
Magar Ye Ahl-e-Nazar Ka Khayaal Hota Hai

Talaash Karti Hai Saaye Tumhaare Aanchal K
Chaman Mein Baad-e-Sabaa Ka Ye Haal Hota Hai

Bahaar-e-Fitrat Sayyaad Ki Kahani Hai
Ke Iske Dosh Pe Phoolon Ka Jaal Hota Hai

Ye Waardaat Bhee Ab Dil Pe Roz Hoti Hai
Musarraton Mein Bhee Ham Ko Malaal Hota Hai

Ye Bikhray Bikhray Se Gesu, Thaki Thaki Aankhain
Ke Jaisay Koi Gulistaan Nidhaal Hota Hai

Jawaab De Na Sakay Jis Ka Do Jahaan Saghar
Kisi Ghareeb Ke Dil Ka Sawaal Hota Hai...!

Chahey mujhey kaam main la chahey nikamma kr de
Mein tera hun teri merzi mujhey jesa kr de
Tera bimaar hun azal se na mr jau kahin
Ek baar mujh ko dekh le mujhey acha kr de...!

Ye husn tera ye ishq mera
Rangeen to hai badnaam sahi
Mujh par to kai ilzaam lage
Tujh par bhi koi ilzaam sahi

es raat ki nikhri rangat ko
Kuch aur nikhar jaane de zara
Nazaron ko bahak jaane de zara
Zulfon ko bikhar jaane de zara
Kuch dair ki hi taskin sahi
Kuch dair ka hi aaraam sahi

Jazbaat ki kaliyaan chunna hai
Aur pyaar ka tohfa dena hai
Logon ki nigaahein kuch bhi kahen
Logon se hume kya lena hai
Ye Khaas taalluq aapas ka
Duniya ki nazar mein aam sahi

Rusavaai ke Darr se ghabra kar
Hum tark-e-wafa kab karte hain
Jis dil ko basa len pehloo mein
Us dil ko juda kab karte hain
Jo hashr hua hai laakhon ka
Apana bhi wahi anjaam sahi

Ye husn tera ye ishq mera
Rangeen to hai badnaam sahi
Mujh par to kai ilzaam lage
Tujh par bhi koi ilzaam sahi...!

Teri Ummid Tera Intezaar Jab Se Hai,
Na Shab Ko Dinse Shikayat Na Din ko Shab Se Hai,

Kisi ka Dard Hoa Karte Hai Tere Naam RaQam,
Gila Hai Jo Bhi Kisi Se Teri Sabab Se Hai,

Hua Hai Jab Se Dil-E-bechain Beqabo,
Kalam Tujhse Nazar Ko Badi Adab Se Hai,

Agar Sharar Hai To Bharke Jo Phool Hai To Khile,
Tarah Tarah Ki Talab Tere Rang-E-Lab Se Hai,

Kahan Gaye Shab-E-FurQat Ke Jaagne Wale,
Sitara-E-Seher HumKalam Kab Se Hai...!

Jab Joban Tera Dhal Jaye
Jab Pyar Ki Umr Niakl Jaye
Jab ChHor DeY Tujh Ko Husn Tera
Jab Chehra Pur Ho JhuriYon SeY
Jab Zulf KAY Kham Na Baqi Hun
Jab Rangat Na ho GaAlon Mein
Jab Chandni Utray BAalon MeN
Jab AAnkh Ki Masti Toot Chukay
Jab Hont Bhi Surkhi Kho Jaayen
Jab chhor Dein Tujh Ko Sub Sathi
Jab Koi Na Tujh Ko Apnaye
Tab.!
Meray Pas Chali Aana
Basti Ki Sooni Galiyon Men
Ek Betha Ho Ga Deewana
Jo Pyar Ka Pathar Hai
Jo Tujh Ko Sona Ker De ga.!
Teray Joban Ko Wo Kya Jaanay?
Teri Umar Se Us Ka Kaya Matlab?
Teray Jism Sey Us Ka Kaya Rishta?
Jisay Kehtay Ho Tum Harjayi
Hai Teray Naam Ka wo Shedayi..