Search

ay shab_e_ taar ke jigar bandoo !
yeh shab_e_ taar jawidan to nahi,
yeh shab_e_ taar janay wali hai,
taa bikey tayragi ke afsaanay,
sbhِ no muskurany wali hai,
ay shab_e_ taar ke jigar gosho !
ay sehar dushmano, sitam gosho !
subah ka aftaab chamken ga,
tott jaye ga jeehal ka jadu,
phail jaye gi in dyaron mein,
ilm o danish ki roshni har so,
ay shab_e_ taar ke nigehbano !
shama ehad zayan ke parwano !
sh_hrِ zulmaat ke sana khwano !
sh_hrِ zulmaat ko sabaat nahi,
aur kuch dair subah par hans lo,
aur kuch dair. .. .. . koi baat nahi ! !

apne hi shab-o-roz main abad raha ker
hum log burey log hain humse na mila ker

shayad kisi awaz ki khushboo nazar aaey
aankhain hain to khwabon ki tamanna bhi kiya ker

baton key liey shikwoon k mausam hi buhat hain
kuch aur kisi se na kaha ker na suna ker

sone de unhain rang jo soye hain badan main
awara hawaon ko na mehsoos kiya ker

tu subhe baharan ka haseen khwab he phir bhi
aahista zara aus ki boondon pe chala ker...!

safar-e-manzil-e-shab yad nahi
log rukhsat huye kab yad nahi
dil main har waqt chubhan rahti thi
thi mujhe kis ki talab yad nahi
wo sitara thi ke shabnam thi ke phool
ik surat thi ajab yad nahi
aisa uljha hun gam-e-duniya main
ek bhi khwab-e-tarab yad nahi
bhulte jate hain mazi k dayar
yad ayen bhi to sab yad nahi
ye haqiqat hai k ahbab ko ham
yad hi kab the k ab yad nahi
yad hai sair-e-charagan Nasir
diye k bujhnay ka sabab yad nahi...!

Hijr Ki Shab Mein Qaid Karay Ya Subha Visaal Mein Rakhay
Acha Mola ! Teri Marzi Tu Jis Haal Mein Rakhay

Khail Ye Kaisa Khail Rahee Hai Dil Se Teri Mohabbat
Ik Pal Sarshari De aur DinoN Malaal Mein Rakhay

Mein Ne Saari Khushboain aanchal Se Baandh Ke Rakheen
Shaayad In Ka Zikr TU apnay Ksi Sawaal Mein Rakhay

Ksi Se Tere aanay Ki Sargoshi Ko Suntay Hee
Mein Ne Kitnay Phool Chunay aur apni Shaal Mein Rakhay

Mushkil Bun Kar Toot Padi Hai Dil Per Ye Tanhai
aB Jaanay Ye Kub Tak Isko apnay Jaal Mein Rakhay...!

Lo Charagon Ki Kal Shab izafi Rahi
Roshni Tere Chehre Ki Kaafi Rahi,

Apne Anjaam Tak Aagai ZIndgi
Yeh Kahaani Magar ikhtalafi Rahi,

Hai Zamaana Khafa Hai To Baja K Main
Us Ki Marzi Kay Bilkul Manafi Rahi,

Ayse Mohtaat, Ayse Kam Aamez Se
EK Nazar Bhi Tawaja Ki Kaafi Rahi,

Subah Kya Faisla Hakim-e-Nau Kare
Jashan Ki Raat Tak To Muafi Rahi...!

tamam shab yunhi daikhen gi soy-e-dar ankhain
tujhe ganva k na soyen gi umr bhar ankhain

tuloo-e-subah se pehley hi bujh na jayen kahin !
yeh dasht-e-shab mein sitaron ki humsafar ankhain

sitam yeh kam to nahi dil giraftagi k liye
main shehar bhar mein akaila, idher udher ankhain

shumar uski sakhavat ka kia karain k wo shakhs
chiraag baantta phirta hai chean kar ankhain

wo paas tha to zamaney ko dekhti hi na thein
bicher gaye to hoe phir se darbadar ankhain

abi kahan tuje pehchanney ki zid kijey
abi to khud se b thehri hain bekhaber ankhain

main apney ashk bachaa longa kis tarha Mohsin ?
zamana sang bakaf hai to sheeshagar ankhain...!

koofa-e-shab nay jo tabeer ki had jaari ki,
mein nay jalty hoy khuabon ki azadaari ki,

wqt nay uskey muqaddar mein likhi tarike,
jinsay charhty hoy soraj ki tarafdaari ki,

dil dharaknay pay khush tha soo dharkta hi gaya,
lamha-e-deed ki aankhon nay nigah daari ki,

her taaq-e-chasm pay khuaboon key diye bujh say gay,
kuch aesi hawa chali sheher mein bedari ki,

sukh ka kirdar nibhany k liy umer tmam,
mein nay rooti hoi aankho'n say adakari ki,

Dil k aatishdan main shab bhar
Kaisay kaisay gham jaltay hain!!!

Neend bhara sanata jis dam
Basti ki ik ik gali main
Khirki khirki tham jata hai

Dewaron per dard ka kohra jum jata hai
Rasta taknay wali aankhen or qindelain bujh jati hain

To us lamhay,
Tery yaad ka endhan ban kar
Shola shola hum jaltay hain
Doori k mosam jaltay hain

Tum kya jano,
Qatra qatra dil main utarti or pighalti
Raat ki sohbat kya hoti hai!

Ankhen saray khawab bujha den
Chehry apnay naqsh ganwa den
Or ainay aks bhula den
Aisay main umeed ki wehshat
Dard ki sorat kya hoti hai

Aise tez hawa main piyaray,
Barray barray muunh zor diye bhi kam jaltay hain

Dil k aatishdan main shab bhar
Teri yaad ka eendhan ban kar
Hum jaltay hain ...!

gham e firaaq sey pehlay shab e visaal key baad
hai aur kya jisay dekhien teray jamaal key baad

tamam umr katti intezar mein apnii
koii bhi dukh na milla phir teray malal key baad

jawaab mil gya mujhey teri khamoshi sey
tumharey lafz kyoun khoye meray sawaal key baad

tumharey meray taaluq pey youn khizaan chaie
kabhi urooj nahii hai jisay zawaal key baad

main teri yaad key chehray ko dhaanp doon lekin
bachay ga kya meri jholi mein es kamaal key baad

wo ab kii baar milla es qadar takaluf sey
ke kuch bhii na pooch paya main us sey haal key baad