Search

Kabhi safar to kabi sham lay gaya muj say
tumhara dard kai kaam lay gaya muj say

mujey khabar na ho aur zamana jatay hoa
nazar bachaa kay tera naam lay gaya muj say

usay ziada zaroorat thi ghar basanay ki
wo aa k mere dar o baam lay gaya muj say

bhala kahan koi juz us kay milnay wala tha
bus ek jurat-e- nakaam lay gaya muj say

bus ek lamhay kay such jhot kay aiwz Farhat
tamam umar ka ilzaam lay gaya muj say

gum shudah mohabbat ke khwaaboN ki tarah hai
woh rooh ke sehraa mein saraabon ki tarah hai

woh zeest kay maktab meiN nisaaboN ki tarah hai
paRhta hooN usay roz kitaaboN ki tarah hai

ab un say khayaaloN meiN hi ho jaati heiN baateN
go beech meiN parda sa hijaaboN ki tarah hai

us shakhs kay lehjay meiN sheeshe ki khanak hai
rag rag meiN utarta hai sharaaboN ki tarah hai

us shakhs kay paikar meiN hai shaakhoN ki lachak si
us shakhs ka chehraa bhi gulaaboN ki tarah hai

jo wasl ki raatoN meiN hai ik maah-e-munawwar
furqat meiN wohi shakhs azaboon ki tarah hai

Yeh weham nahi to kya hay, yeh gumaaN nahi to kya hay
yeh jo dil say utth raha hay, yeh dhuwaaN nahi to kya hay

tujhey kis dard ka rishta meray dar pay kheanch laaya
tujhey kis nay keh diya tha meray paas har daawa hay

teray kisi dukh ka chaaraa meray haath meiN nahi hay
meiN to khud bekaraaN hooN merey paas kya dharaa hay

abhi bastiyaaN yaheeN heiN, tu loat jaa yaheeN say
meray sath sath na chal tu, ye bohat burra juwa hay

tujhay kya khabar ay hamdam ke teri aarzu ke badlay
meray dil pay jo laga tha, ab tak wo zakhm haraa hay

par gila nahi hay tujh say, meray khaloos meiN hi kami hay
meiN ney jisay bhi dil say chaaha, usay laga ke wo khuda hay

meiN koi waqiya nahi hooN, mujhey es tarha na socho
meri daastaaN ko chorro, bhala es meiN kya maza hay

tu laot kay aa gayaa hay, par mera dil to bujh chuka hay
ab tu kisi aur say pyaar kar ley, bas yehi teri sazaa hay

Zulam seh kar bhi samajhta hoon k tu mera hai
Mairay dushman teray chehray pay lahoo mera hai

Subh e dam shehar ki shorish teray dum say ho gi
Raat kay pichlay pehar alam e hoo mera hai

Meray haathon mein chupay zakham say pehchaan mujhay
Teray daaman pay bhi ehsaan e rafoo mera hai

Ghir gaya hoon talatum mein bhi zindaan ke tarha
Halqa e mouj e rawaan toq e galoo mera hai

Dhoop chhaaon ki yeh rutt dil mein thehar janay day
Aks tera hai to sayaa lab e joo mera hai

Pathron say hai mohabbat mujhay youn bhi mohsin
Sungdil shehar mein aik aaina roo maira hai ....

Mujhy jeenay ki umeed dobara day do
Meri doobti kashti ko kinara dy do

Main dard k sahil pay tanha khara hun
Phir aa k apni baahon ka sahara day do

Tera daaman to bhara hay sitaron say
Mujhy sadqay mein ik sitara day do

Mery aangan mein aj andhera ha bohat
Meri dehleez ko phir apna nazara dy do

Chund lamhy tujhy dekhnay ki hasrat hay bas
Maine kab kaha waqt apna mujhy sara day do

US NAY KAHA MUJH SAY TUMHEN KITNA PYAR HAI

MEIN NAY KAHA SITARON KA BHI KOI SHUMAAR HAI

US NAY KAHA KON TUMHEN HAI BOHAT AZEEZ

MEIN NAY KAHA DIL PAY JISAY IKHTIYAR HAI

US NAY KAHA KON SA TOHFA HAI MANPASAND

MEIN NAY KAHA WO SHAM JO AB TAK UDHAAR HAI

US NAY KAHA KHIZAAN MEI MULAQAT KA JAWAZ

MEIN NAY KAHA QURB KA MATLAB BAHAAR HAI

US NAY KAHA SAINKRON GHAM ZINDAGI MEI HAIN

MEIN NAY KAHA KEH GHAM NHI JAB GHAMGUSAAR HAI

US NAY KAHA SATH KAB TAK NIBHAO GAY

MEIN NAY KAHA JITNI YEH SAANSON KI TAAR HAI

US NAY KAHA MUJH KO YAQEEN AAEY KIS TARAH

MEIN NAY KAHA KE NAAM MERA AITBAAR HAI

Kitni Dair

Imiltas Kay Pair Kay Nechay

Beth Kay Ham Nay Bateen Kein

Kuch Yaad Nahi

Bas Itna Andaza Hai

Chand Hamari PushT Say Ho Kar

Aankhon Tak Aa Pohcha

Mutaalba Hamara Un Say Kuch Bhi Ziada Nahi
Marta Tu Hay Hum Pay Wo Or Kabhi Jatata Nahi


Hum Nay Kab Chaha Jee Jaan Say Chahay Humay Bhi
Per Wo Tu Itna Zalim Hay Dekh Kay Bhi Muskurata Nahi


Karta Tu Hay Roshiniyon Ki Barish Ka Waada Aksar
Fil Haal Tu Andheray Main Haath Bhi Barhata Nahi


Ay DIL Tu Hi Yaqeen Dila Us Kay Ahad -e- Wafa Ka
Jo Hay Sang Zamanay Kay Or Hum Say Nazar Bhi Milata Nahi