Search

Zakhm Ko Phool To Sar Sar Ko Saba Kahte Hain
Jane Kya Daur Hai Kya Log Hain Kya Kahte Hain

Kya Qayamat Hai Ke Jin Ke Liye Ruk Ruk Ke Chale
Ab Vahi Log Hamain Aabalapa Kahte Hain

Koi Batalao Ke Ik Umr Ka Bichra Mehboob
Ittefaqan Kahin Mil Jaye To Kya Kahte Hain

Ye Bhi Andaz-E-Sukhan Hai Ke Jafa Ko Teri
Ghamza-O-Ishva-O-Andaz-O-Ada Kahte Hain

Jab Talak Dur Hai Tu Teri Parastish Kar Lain
Ham Jise Chu Na Sakain Us Ko Khuda Kahte Hain

Kya Tajjub Hai Ke Ham Ahl-E-Tamanna Ko 'Faraz'
Wo Jo Maharum-E-Tamanna Hain Bura Kahte Hain

Qatal chuptay thay kabi sang ki deewar k bech
Ab to khulny lagy maqtal bhary bazar k beech

Apni poshak k chin jany pe afsoos na kar
Sar salamat nae rehty yahan dastar k bech

Surkhian aman ki talqeen mein masroof rahen
Haroof barod ugalty rahy akhbar k bech

Kash iss khuwab ki tabeer ki mohlat na mily
Sholy ugtay nazar aay mujhy gulzar k bech

dhalty soraj ki tamazat nay bikhar kar dekha
sar kasheeda mira saya saf-e-ashjar k bech

Rizq, malbos, makaN, sans, marz, qarz, dawa
Munqisem ho gya insaN inhe afkar k bech

Dekhy jaty na thy aanso mry jis say Mohsin
Aj hansty howy dekha usay aghyar k bech,

koi khwab dasht-e-firaq mai sar-e-sham chehra kusha huwa
meri chashm-e-tar mai ruka nahi kay tha rut jago ka dasa huwa


mery dil ko rakhta tha shadma’n, meray hont rakhta tha gulfisha’n
wohi ek lafz jo ap nay mery kaan mai hai kaha huwa



hai nigah mai meri aj tak woh ek niga’h koi jhuki huwi
woh jo dehan tha kisi deha’n mai, wohi aj bhi hai laga huwa



mery rat-jago’o kay fishar mai, meri khwahisho’n kay gubar mai
wohi ek wada gulab sa sar-e-nakhl-e-jaan hai khila huwa



teri chashm-e-khush ki pana’h mai kisi khwab zar ki rah mai
mery gham ka chand thehar gya kay tha raat bhar ka jaga huwa



hai ye mukhtasir rah-e-ishq par, nahi ap hum rahay hum safar
to ho kis liye ye mubahisa, kaha! kon! kasay! juda huwa



kisi dil kusha si pukar say usi ek bad-e-bhar say
kahi barg barg namo mili, kahi zakhm zakhm hara huwa



tery shehr-e-adal say aj kya sabhi dard-mund chalay gaye!
nahi kaghzi koi perhan, nahi hath koi utha huwa ,

Chaman Roye Hanse Shabanam Biyabaan Par Nikhar Aaye
Ek Aisaa Bhi Naya Mausam Mere Parvar-Digaar Aaye

Vo Sar Khole Hamari Lash Par Divanavaar Aaye
Isi Ko Maut Kehte Hain To Ya Rab Baar Baar Aaye

Sar-E-Gor-E-Gharibaan Aao Lekin Ye Guzarish Hai
Vahan Munh Phair Kar Rona Jahan Mera Mazar Aaye

Baha Aye Chashm-E-Tar Aisa Bhi Ek Aansoo Nadamat Ka
Jise Daaman Pe Lene Rehmat-E-Paravar-Digaar Aaye

Qafas Ke Ho Liye Ham To Magar Ai Ahal-E-Gulshan Tum
Hamain Bhi Yaad Kar Lena Chaman Main Jab Bahar Aaye

Na Jany Kya Samjh Kar Chup Hon Aye Sayyad Main Varnaa
Vo Qaidi Hon Agar Chahon Qafas Main Bhi Bahar Aaye

"Qamar" Dil Kya Hai Main To Un Ki Khatir Jaan Bhi De Don
Meri Qismat Agar Un Ko Na Phir Bhi Aitabaar Aaye
,

Aisi Lagi Udaas Sar-E-Sham Zindgi
Jaisey Kisi Ki Aankh Ka Ilzam Zindgi

Apney Jahan Mein Dekha Terey Baad Kuch Nahi
Hum Ney Laga Di Aaj Terey Naam Zindgi

Jis K Bina Ye Saans Mujhey Doobti Lage
Ja K Usay Bhi Dhoond Kisi Shaam Zindagi

Ye Pyar Dard Na Ban Sakey Jis K Nashey Mein
Mujh Ko Pila De Aaj Wohi Jaam Zindgi

Ab Meray Pyar Ka Haath Mere Haath Me Nahi
Girney Laga Hoon Aaj Mujhe Thaam Zindagi