Search

Umar Bhar Likhtay Rahay Phir Bhi Warq Sadaa Raha....

Janay Kya Lafz Thay Jo Hum Sey Tehreer Na Hovaye...

Shaam Ko Sogwaar Kartay Rahay
Ham Tera Intezaar Kartay Rahay
TU Tou Kaar-e-Jahan Mein Tha Masroof
Aur Hum Tujh Se Pyaar Kartay Rahay
Kis Lye Vasl Ki Kahani Mein
Hijr Ko Hissaydaar Kartay Rahay
Dil Ko Bas Mubtala-e-Gham Rakha
Wehshaton Ka Shumaar Kartay Rahay.

Raaston Mein Rahay Na Ghar Mein Rahay
Umer Bhar Haalat-e-Safar Mein Rahay
Lafz Saaray Charaagh Ban Jayein
Vasf Aisa Mere Hunar Mein Rahay
Zeher Saara Shajar Mein Aa Jaye
Ay Khuda Zindagi Samar Mein Rahay
Is Lye Gardishon Ko Paala Hai
Koi Tou Halqa-e-Asar Mein Rahay
Ek Zamaana Gharon Mein Tha Aabaad
Be-Ghar Ham Teri Nazron Mein Rahay.

Ye Naam Mumkin Nahi Rahay Ga, Muqaam Mumkin Nahi Rahay Ga
Gharoor Lehjay Mein Aa Gaya Tou Kalaam Mumkin Nahi Rahay Ga
Ye Barf Mausam Jo Sheher-e-Jaa.n Mein Kuch Aur Lamhay Theher Gaya Tou
Lahoo Ka Dil Ki Kisi Gali Mein Muqaam Mumkin Nahi Rahay Ga
Tum Apni Saanson Se Meri Saansain Alag Tou Karnay Lagay Ho Laikin
Jo Kaam Aasaan Samajh Rahay Ho Wo Kaam Mumkin Nahi Rahay Ga
Wafaa Ka Kaaghaz Tou Bheeg Jaye Ga Badgumaani Ki Baarishon Mein
Khaton Ki Baatain Tou Khwaab Hon Gi Payaam Mumkin Nahi Rahay Ga
Mein Jaanti Hun Mujhe Yaqeen Hai Agar Kabhi TU Mujhe Bhula De
Tou Teri Aanhkon Mein Roshni Ka Qayaam Mumkin Nahi Rahay Ga
Ye Ham Mohabbat Mein La Ta’alluq Se Ho Rahay Hain Tou Dekh Laina
Duaaein Tou Khair Kon De Ga Salaam Mumkin Nahi Rahay Ga.

#poetry

na hum rahay dil laganay ke qaabil
na dil raha gham uthanay ke qabil
teri yadon ne diye itnay zakham
chhora na muskranay ke qaabil

chhore kay ja rahay ho aur kehtay ho qayamat ko milenge
goya uss din kay baad qayamat koi aur bhi hai

Zakhmon Ko Gulaab Likh Rahay Hain

Jaisay Koi Khwaab Likh Rahay Hain


Paani Ko Bana Ke Roshnaai

SholoN Ka Jawaab Likh Rahay Hain


Hum Apni Khushi Se Apne Tan Par

Mausam Ka Aazaab Likh Rahay Hain


Wo Saamnay Rakh Ke Chikna Kaaghaz

Baarish Ka Hisaab Likh Rahay Hain


Parhtay Hain Hum Tou Chehray

Aur Aap Kitaab Likh Rahay Hain

1 martaba 1 bacha apnay abu se puchta hay k abu nalkay mein pani kahan se ata hay .to wo kahnay lagay .darya se bacha zid karta hay k oos nein darya deckna hay.abu oos ko lay jata hay.bacha apnay baap ko darya mein dhka day kar foran ghar jata hai aur apnee amee ko kahta hay k amee,amee galdee se nalka kholay abu aa rahay hain.

Husan o Jamaal Ke Bhi Zamaanay Nahi Rahay
Aankhon Mein Oski Khwaab Suhanay Nahi Rahay

Milnay Ko Aa Hee Jata Hai Har Chund Roz Bad
Lagta Hai Os kay Paas Bahanay Nahi Rahay

Larzish Hai Hath Mein Tou Mein Tou Nazar Bhi Hai Dhundli
Pehlay Se Ab Wo Dil Ke Nishanay Nahi Rahay

Uthti Nahi Hain Shoq o Tajassus Ke Ba Wajood
Aankhon Ke Kitnay Kaam Puraanay Nahi Rahay

Kamray Se Bhar Gaye Hain Masaail Ki Gard Se
Dil Mein Tere Khayaal Ke Khaanay Nahi Rahay...!

Chalo Tum Keh Rahay Ho To

Main Wapis Loat Jata Hoon

Tumhain Munzil Mubarak Ho

Naye Saathi Mubarak hon

Magar Mujy Itna To batla Do k

Wapis Kis Tarf Jaon??

Kahan Sy saath Laye Thay

Mujy Itna to Samjha do

Agar Aisa nhi Mumkin to

Mujh Ko es tarah torro K

Main Yaksar Bikhar Jaaon

Bhataknay Sy to Behtar hai

Tumhary Paas Mar Jaaon...!