Search

Kyun pouchty ho
Kiya tum se kahoon
Main kis liye jita hoon
Shayad k kabhi mil jao kaheen

Main is liye jita hoon.

Jine ka mujhe kuch shoq naheen
Bas waqt guzara karta hoon
Kuch deer ulhaj kar yadoon main
Dunya se kanara karta hoon
Marta bhi ussi ki khatir hoon main
Jis liye jita hoon shayad k kabhi mil jao kaheen

Main isliye jita hoon

Main hoon k sulagta rahta hoon
Bhujta bhi naheen jalta bhi naheen
Dil hay k tarapta rehta hay
Rukta bhi naheen chalta bhi naheen
Jine ki tamana mit bhi chuki
Phir kis liye jita hoon
Shayad k kabhi mil jao kaheen

Main isliye jita hoon !!!

Teeri yaad a gayi gham khushi main dhal gaye
Ek chirag kiya jala soo chirag jal gaye

Aaj bhi nigah main phir raha hay woh samaa
Sharm se ruke ruke mil gaye the tum jahan
Aisi bijliyaan gireen saare khuwaab jal gaye

Rahguzar main pyaar ki tum the mere humqadam
Tum to ho gaye juda aur bhatak rahe hain hum
Dekhty hi dekhty raasty badal gaye
Gham khushi main dhal gaye...

Le ura phir koy khiyal humeen
Saakiya saakiya sunbhaal humeen

Ro rahe hain k aik adat hay
warna itna naheen malaal humeen

khalwati hain tere jamaal k hum
Aaine ki tara sunbhaal humeen

Marg anboh jashen shadi hay
Mil gaye dost hasbe haal humeen

Kiya touwaka karein zamane se
Ho bhi gar jurat e sawaal humeen

Hum yahan bhi naheen hain khush lekin
Apni mehfel se mat nikaal humeen

Hum tere dost hain fraz magar
Ab na uljhanoon main daal humeen.

Dil_e_ viraan hay teri yaad hay tanhayi hay
Zindagi dard ki bahoon main simat ayi hay

Mere mahboob zamane main koy tuj sa kahan
Tere jane se meri jaan pe ban ayi hay

Asa ujrra hay umedoon ka chaman tere baad
Phool murjhaye baharoon pe khizan chayi hay

Chaa gaye charoon taraf gam k andher sayee
Meri taqdeer mere haal pe sharmayi hay

Zindagi dard ki bahoon main simat ayi hay
Dil e viraan hay teri yaad hay tanhayi hay

Meri kismat bata hay meri kya khataa

Kin ghunahoon ki muj ko mili hay saza

Kaisa ulfat ki duniya ka dastuur hay

Aarzu jurm hay pyar majboor hay

Kitni mehngi padi phool ko ek hansi

Shaakh se duur hay aur chaman se juda

Jis ki khatir liye mool duniya k gham

Aaj us k hi hathoon uthaye sitam

Tuj ko meri kasam aye mere dil na ro

Is jahan main yehi hay wafa ka sila

Jaan_e_baharaan rashke chaman

Ghuncha dahan seemeen badan

Aye jaan_e_mann

Janat ki hureen tuj pe fida

Raftar jaise mouj_e_saba

Rangeen ada toba shikan

Aye jaan_e_mann

jaan_e_baharaan

Sham_e_ferozan aankhen teri

Har ek nazar main jado gari

Zulfeen teri mushk e qufen

Aye jaan_e_mann

jaan_e_baharaan

Aye naazparwar naz afreen

Lakhon haseen hain tuj sa naheen

Khanda jabeen sher e sukhan

Aye jaan_e_mann

jaan_e_baharaan

Ajnabi shahar k ajnabi raste

Meri tanhayi par muskaraty rahe

Main bohut deer tak yunhi chalta raha

Tum bohut deer tak yaad aty rahe



Zaher milta raha zahar peetey rahe

Rooz marty rahe rooz jite rahe

Zindagi bhi humeen aazmati rahi

aur hum bhi usse aazmate rahe



Zakhm jab bhi koy zahen_o_dil par laga

Zindagi ki taraf aik daricha khula

Hum bhi goya kisi saaz ke taar hain

choot khaty rahe gungunaty rahe



kal kuch aisa huwa main bohot takh gaya

Isliye sun k bhi ansuni kar gaya

Kitni yadoon k bhatke huwe karwaan

Dil k zakhmon k dur khatkhatate rahe

Udas logon se pyaar karna koy tu sekhe
Safed lamhon main rang bharna koy tu sekhe

Koy tu aaye khizan main patay ugane wala
Guloon ki khushbo ko kaid karna koy tu sekhe

Koy dekhaye mohabbton ke cherag mujh ko
Meri nigahon se baat karna koy tu sekhe

Koy tu aaye nayi ruton ka pagaam le kar
Andheri ratoon main chand banena koy tu sekhe

Apne ehesas se choo kar mujhe sandal kar do
Main k sadiyon se adhura hoon mukamal kar do

Na tumeen hosh rahe na mujhe hosh rahe
Is qadar tuut k chaho mujhe pagal kar do

Tum hatheli ko mere pyaar ki mahndi se rango
Apni aankhon main mere naam ka kajal kar do

Is k saye main mere khuwab dehak utheen ge
Mere chehre pe chamakta huwa aanchal kar do

dhuop hi dhuop hoon main tuut kar barso muj par
Is qadar barso meri rouh main jal thal kar do

jaise sahraoon main har sham hawa chalti hay
Is tara muj main chalo aur mujhe thal kar do

Tum chupa lo mera dil oot main apne dil ki
Aur mujhe meri nigahoon se bhi ojhal kar do

Maslah hoon to nigaheen na churao muj se
Apni chahat se tuwajho se mujhe hal kar do

Apne gham se kaho har waqt mere sath rahe
Aik ehesaan karo is ko musalsal kar do

Muj par chaa jao kisi aag ki tara janaaa
Aur meri zaat ko sokha huwa jungal kar do