Search

Udas logon se pyaar karna koy tu sekhe
Safed lamhon main rang bharna koy tu sekhe

Koy tu aaye khizan main patay ugane wala
Guloon ki khushbo ko kaid karna koy tu sekhe

Koy dekhaye mohabbton ke cherag mujh ko
Meri nigahon se baat karna koy tu sekhe

Koy tu aaye nayi ruton ka pagaam le kar
Andheri ratoon main chand banena koy tu sekhe

Apne ehesas se choo kar mujhe sandal kar do
Main k sadiyon se adhura hoon mukamal kar do

Na tumeen hosh rahe na mujhe hosh rahe
Is qadar tuut k chaho mujhe pagal kar do

Tum hatheli ko mere pyaar ki mahndi se rango
Apni aankhon main mere naam ka kajal kar do

Is k saye main mere khuwab dehak utheen ge
Mere chehre pe chamakta huwa aanchal kar do

dhuop hi dhuop hoon main tuut kar barso muj par
Is qadar barso meri rouh main jal thal kar do

jaise sahraoon main har sham hawa chalti hay
Is tara muj main chalo aur mujhe thal kar do

Tum chupa lo mera dil oot main apne dil ki
Aur mujhe meri nigahoon se bhi ojhal kar do

Maslah hoon to nigaheen na churao muj se
Apni chahat se tuwajho se mujhe hal kar do

Apne gham se kaho har waqt mere sath rahe
Aik ehesaan karo is ko musalsal kar do

Muj par chaa jao kisi aag ki tara janaaa
Aur meri zaat ko sokha huwa jungal kar do

Koy muj ko mera bharpour sarapa la de
Mere bazoo meri aankheen mera chehra la de

Aisa darya jo kisi aur samandar main gere
Is se bahter hay k muj ko mera sehra la de

kuch naheen chahiye tuj se aye meri umr rawan
Mera bachpan mere jugno meri ghuriya la de

Jis ki aankheen mujhe andar se bhi parh sakti hoon
koy chehra to mere shehar main aisa la de

kashti to bhanwar main hay kai barsoon se
Aye KHUDA ab to dabo de ya kanara la de

Chahe hamain tum thukra do ya apna bana lo

Tumain hum pyaar karte hain

Zamana hum pe marta hay

Arye hum tum pe marte hain

Mohabbat asa jazba hay

Kabhi jo kam naheen hota

Mohabbat karne walon ko

Jahan ka gham naheen hota

Arye jo pyaar karte hain

Woh kab duniya se darte hain

Ishara hay baharon ka

K hum tum aik ho jayeen

Sahara le k bahoon ka

Hum aik douje main kho jayeen

Tum jo duur rahte ho

Kasam se ahhain bharte hain

Tumare dil pe chahat ka

Najane kab asar ho ga

Idar jo haal hay apna

Najane kab udar ho ga

Tumara naam le le kar

Sanam hum jetey marte hain

Agar main bata doon

Mere dil main kiya hay

To muj se nigaheen

Chura to na lo ge


Agar barh gayi meri

Betabi e dil

Kaheen muj se daman

Churaa to na lo ge


Zubaan chup rahe to

Nazar bolti hay

Nazar chup rahe to

Zubaan doolti hay

Koy raaz dil ka

Jo khul jaye muj se

To muj ko fasana

Bana to na lo ge


Naye se naya teer

Barsa rahe ho

Abhi to mujhe tum hi

Tarpa rahe ho

Jo main ne lagayi

Koy choot dil par

To dil ki lagi ko chupa

To na lo ge


Dikha kar umangoon ki

Gulpoush raahein

Bulaa to rahi hain

Tumari nigaheen

Mohabbat k rastye main

Jab a gaya main

Qadam apna piche

Hata to na lo ge

Agar main bata doon

Wahda karo milo ge

kal phir isi jaga

Aaye ga do dilon ko

Mulaqat ka maza


Chumain gi yeh hawayeen

Barh kar qadam tumare

Meri tara raheen ge

Bechin yeh nazare

Aaye na tum jo milne

To ho ga inhain gilaa


Tum mere humsafar ho

Tum ho mera sahara

Pal bhar ki bhi judayi

Muj ko naheen gawara

Tum hi ho meri manzil

Tum hi mera pata

Wahda karo milo ge

Khiloney

muskara

Kisi se dil laga

Aur phir tuut jaa

Khushi dhunde ga tu

Mileen ge lakh gham

Tujhay thukrayeen ge

Yeh pathar k sanam

Yeh dhokah tu bhi kha

Kisi ko aazmaa

Aur phir tuut jaa



Mile gi aik din

Mohabbat ki saza

Urye ga rang bhi

Jale ga dil tera

Yaqeen kar pyaar ka

Yeh sadma bhi utha

Aur phir tuut jaa

Abhi to dil main halki si

Khalish mahsos hoti hay

Bohot mumkin hay kal is ka

Mohabbat naam ho jaye



Khayalon main yeh koun aya

Sitaroon ki chamak le kar

Mere shanoon pe bikhere hain

Yeh kis ki zulf k saye

Bohot mumkin hay kal is ka

Mohabbat naam ho jaye



Yeh kasi beykhudi hay

Dil main kaisa kaif chaya hay

Yeh meri jaagti aankhon main

Kaise khuwaab lahraye

Bohot mumkin hay kal is ka

Mohabbat naam ho jaye



Ruki hay zindagi ek

Muskarate morr pe a kar

Kaheen yeh muskarahat

Zindagi ka gham na ban jaye

Bohot mumkin hay kal is ka

Mohabbat naam ho jaye

Ek din ek udaas lamhe ne

Muskarate huwe jo dekh liya

Jane kiya dil main soch liya

Raasta mera hans k rook liya

Aur sene se lag gaya aise

Jaise bichra huwa koy apna

Ek muddat k baad milta hay

Tab se woh mere paas rahta hay

Isliye dil udaas rahta hay !!!