Search

usay khud se juda rakha nahi hay
wo mera ho ke bhii mera nahi hay

jisay khone ka hay darr mujh ko itna
usay mein nay abhii paya nahi hay

zamanay ko bhala badle ga wo kya?
ke jis ka khud pe bas chalta nahi hay

terii yaadon se raushan hay mera dil
ye wo sooraj hay jo dhalta nahi hay

merii ankhon ka ye darya ajab hay
ke behta hay to phir thamta nahi hay

khushii ka ho ya koi gham ka lamha
guzar jaata hay kyun rukta nahi hay

naqoosh ab zehn se mitne lagay hein
bohat din se usay dekha nahi hay

suna hay phool ab khilte nahi hein
to kya khul kar wo ab hansta nahi hay

nagar choRa hay jab se us ghazal ne
koii shayer ghazal kehta nahi hay

es shehr mein chehre bohat hein
magar koii bhii us jaisa nahi hay

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa! dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se chean le
Kuch dekhna nahi hai tujhe dekh kar mujhe

Wo janti thi ke wafa ka ajar nahi hota
Muhabbaton main sabar ka samar nahi hota
Wo janti thi
Muhabbat dukhon ka sehra hai
Jahan saraab si khushiyan hain
Aur azaab se gham
Jahan hai pyaas judaii ki be'tahasha magar
Milan ki barishein hoti hain jis dayar main kam
Wo janti thi
Muhabbat khiraaj mangti hai
Wo jis ko dil ka lahoo de ke jagmagaya ho
Andheri raah ke liye wo cheragh mangti hai
Wo janti thi
Muhabbat wo reh'guzar hai jahan
Bichay hain kanch judaii ke be'shumar magar
Burhana pa hi inhein paar karna paRta hai
Ghamon ki dhoop main ab sayebaan koi na ho
Kisi yaad ki chaadar ko taan kar khud par
Tammam aahein daba kar guzarna paRta hai
Wo janti thi ke wafa ka ajar nahi hota
Mohabbat main sabar ka samar nahi hota
Hij'r ki raah main hoti hai be'tahasha ghutan
Wahan kabhi bhi hawa ka guzar nahi hota
Wo janti thi phir bhi rog le bethi
Kisi ke pyaar main na jaane kyun jog le bethi

Mit gaya hun mujh ko mita rehnay do
Meray jazbat k sholon ko bujha rehnay do

Dard sehnay ki ho gai hai ab aadat mujh ko
Meray rastay hoe zakhmon ko haraa rehnay do

Ab to tabeer ki hasrat hi nahi hai mujh ko
Meri ankhon mein mera khawab chupa rehnay do

Muskurahat pe mera haq he nahe hai yaaro
Meray honton say tabassum ko khafa rehnay do

Dil jo toota hai to ankhein na chalak jayen
Aaj ankhon ko in ashkon say bhara rehnay do... .

ab khof nahi mjhe ksi raah-guzar se
mai door nikal aye hoon pathar k nagar se


wo mjh se mile ga ksi bhi morr per zaroor
ye baat mjhe maloom hai aaghaz-e-safar se


jesi bhi hoon achi ya buri apne liye hoon
mai khud ko nahi dekhti auron ki nazar se!!!

Ik Shakhs Paas Reh Ke Bhi Samjha Nahi Mujhay
es Baat Ka Malal He Shikwa Nahi Mujhay

Mein Os Ko Bewafai Ka Ilzam Kaisy Doon
Os Ne To Ibtada Se Hi Chaha Nahi Mujhay

Kya Kya Umeedein Baandh ke Aya Tha Samnay
Os Ne To Aankh Bhar k Bhi Dekha Nahin Mujhay

Pathar Samajh K Paon Ki Thokar Liya
Afsoos Teri Ankh Ne Parkha Nahi Mujhay

Kab Taherna Tha Mujhko Hasan Aj Os K Pass
Acha Howa K Os Ne Bhi Roka Nahi Mujhay

munsifon saliibon par faisale nahi hote
besabab baghavat ke sanihay nahi hote

jhooth or sadaaqat ki jang to azal se hai
phir bhi sach pe jiine ke hausale nahi hote

soch ke judaa honaa phir ke mil na paayenge
kyu ke es zamaane me moajezay nahi hote

jo bhi the gile shikave duur kar ke jana tha
kam se kam bichernay par dil bure nahi hote

chaand se kaha ham ne tum hi raat bhar jaago
ham se us ki yaadon me rat jage nahi hote

soz-e-dil bhi nahi sukoon bhi nahi
zindagani vabaal yuun bhi hai

teri Khowish or es qadar Khowish
vajah-e-haasil sahii junoon bhi hai

Khush bhi hai iltafaat-e-dost se dil
Gairat-e-ishq sar nigo bhi hai

jal ke bujh bhi gai Zia aksar
aag siine men joon ki tou bhi hai