Search

kehtay ho: "na den ge hum, dil agar para paaya"
dil kahaan ke gum keejay, hum ne muddua paaya
ishq se tabiyat ne zeest ka maza paaya
dard ki dawa paayi, dard be-dawa paaya
dost daar e dushman hai, aitmaad e dil maaloom
aah be-asar dekhi, naala narasa paaya
saadgi o purkaari, be-khoodi o hushyaari
husn ko taghaaful mein jurrat aazma paaya
ghuncha phir laga khilnay, aaj hum ne apna dil
khoon kiya hua dekha, gum kiya hua paaya
haal e dil nahin maaloom, lekin is qadar yaani
hum ne baarha dhoonda, tum ne baarha paaya
shor e pand e naasah ne zakhm par namak chhirka
aap se koi poochhay: tum ne kya maza paaya?

juz qais, aur koi na aaya baraoo e kaar
sehra magar ba-tangi e chasm e husood tha
aashuftagi ne naqsh e sueda kiya durust
zaahir hua ke daagh ka sarmaaya dood tha
tha khwaab mein khyaal ko tujh se maamla
jab aankh khul gayi na ziyaan tha na sood tha
leta hoon maktab e gham e dil mein sabaq hunooz
lekin yehi ke "raft" gaya aur "bood" tha
dhaanpa kafan ne daagh e ayoob e barhangi
main, verna har libaas mein nang e wajood tha
teshay baghair mar na saka kohkan, asad!
sargashta e khumaar e rusoom o qyood tha.

Ye aur baat hai kay wo Nibhaa na saka magar...
Jo kiye thay us nay waday wo Ghaazab kay thay...!!!

Khafa Na Raha Karo Her Waqt
Hansa Bhi Karo Kisi Waqt

Jab Dil Ki Dahleez Per Ahat Hoti Hai
To Tare Ane Ka Andesha Hota Hai Her Waqt

Jab Zindagi Hans K Milti Hai
To Tera Chehra Nazar Ata Hai Us Waqt

Jab Gam Ka Badal Umandta Hai
To Teri Yad Stati Hai Us Waqt

Jab Tare Jane Ka Lemha Ata Hai
To Dil Bohat Tarapta Hai Us Waqt...!

Ay chand yahan na nikla kr,
Be naam se sapne dikhla kr,

Yahan ulti ganga behti hai,
es dais main andhe hakim hain,
Na darte hain na nadim hain,
Na logon k wo khadim hain,

Hai yahan pe karobar boht,
es dais main gurday biktay hain,

Kuch log hain alli shan boht,
Aur kuch ka maqsad rotti hai,

Wo kehtay hain sab achha hai,
Maghrib ka raaj he sacha hai,

Ay chand yahan na nikla kr,
Be naam se sapne dikhla kr...!

Ye aur baat teri gali mein na aayen hum
lekin ye kya ke shahar tera chod jayen hum
muddat hui hai ku-e-butan ke taraf gaye
avargi se dil ko kahan tak bachayen hum
shayad ba qaid-e-zist ye saat na aa sake
tum dastan-e-shauq suno aur sunayen hum
be noor ho chuki hai bahut shahar ki faza
tareek raston mein kaheen kho na jayen hum
us ke bagair aj bahut jee udas hai
jalib chalo kaheen se usay dhundh layen hum...!

Na Koi Subha Na Koi Apni Shaam Dete Ho

Dil Dharakne Ko Mohabbat Ka Naam Dete Ho

Roz Chale Aate Ho Mere Khowab Mein Tum

In Aankhon Ko Tum Na Ek Pal Araam Dete Ho,

Tum Se To Na Poocha Gaya Mera Hal-e-Dil Aur

Ghairon Ko Roz Naya Salam Dete Ho,

Jab Kaat Diya Apne Aangan Se Shajar

Phir Kyun Sada Hum Ko Sar-e-Aam Dete Ho

Hum Ne Yaad Rakha Phir Bhi Mujrim Thehre

Shayad Bhoolne Per Tum Inaam Dete Ho...!

Palkon pe aansoon ko sajaya na jaa saka
us ko bhi Dil ka haal bataya na jaa saka

zakhmon se choor choor tha yeh Dil mera
ek zakham bhi us ko dikhaya na jaa saka

jab teri yaad aayi to koshish k ba wajood
aankhon main aansoon ko chupaya na jaa saka

kuch log zindagi main aise bhi aaye hain
jin ko kisi bhi lamhe bhulaya na jaa saka

bas es khayaal se kahin us ko dukh na ho
hum se to haal-e-ghum bhi sunaya na jaa saka

woh muskura rha tha mere ru-ba-ru magar
chehre ka rang us se chupaya na jaa saka

tanhaiyon ki aag main hum jal gaye
magar faasla unka mitaya na jaa saka...!