Search

Chalo Choro
Muhabbat Jhoot Hai
Aihd-e-Wafa Ik Shugal hai Bey'kar Logoun Ka
"Talaab" Sukhey Huey patoun ka Bey Ronaq Jazeera Hai,
"khalish" Deemak Zada Uraaq Per Boseeda Satroun ka Zakhera Hai,
"khumar-e-Wasal" Tapti Dhoop key Senay Pey Urtey Badaloun ki Raegan Bak'shish Hai
"Ghubar-e-Hijrr" Sehra Mey Saraboun Sey Attey mosaam ka khamyaza!

Chalo Choroo,

key Abb Mey Andheroun ki Damakh Mey Sanss ki Manzil Pey
Chahat ki Bina Rakh ker Safar kerta Rahun Ga,
Mujhey Ahsaas Hi kab Thaa

key Tum Bhi Mosamoun key Sath Apnay Pearhan key Rang Badlo Ge!

Chalo Choro,

Mera Hona Na Hona Ik Barabar Hai
Tum Apnay khado'khal ko Ainey Mey Phir Nikharney Do'
Tum Apni Ankh ki Basti Mey Phir Sey Ik Naya Mosaam Utarney Do!

"Meray khuwaboun ko Marney Do"
Naee Tasveer Dekhoo

Phir Naya Maktoob Likhoo
Phir Naye Mosaam' Naye Lafzoun Sey Apna Silsila Joroo'
Meray mazi ki Chahat Raigaan Samjhoo

Meri Yadoun Sey Kachey Rabtey Toro!

Chalo choro!
Mohabbat Jhoot Hai'
Aihd-e-Wafa Ik Shugal Hai Bey'kar Logoun Ka,

Kabhi Pyaar K Jagray Kabhi Muhabbat Ki Baatein,
Wohi Aap Hi K Qissay Wohi Aap Hi Ki Baatein,

Woh Mila Hai Mujhko Aksar Sar-E-Rah Chaltay Chaltay,
Wohi Ajnabi Nighaein, Wohi Berukhi Ki Baatein,

Na Samajh Saka Jahan Mein Koi Mera Dard Pinhan,
Mere Gham Ko Log Samajhay Meri Shairi Ki Baatein,

Koi Hum Ko Yeh Batayein Yeh Junoon Nahi Toh Kya Hai,
Miley Jab Hum Kisi Se Karein Aap Hi Ki Baatein,

Mere Haal Pe Woh Yunhi Kuch Aise Hi Muskuraya,
Main Suna Raha Hoon Jaise Kisi Ajnabi Ki Baatein.....!!!!
,

Kathin Andheron Ki RahGuzar Pe Chirag-e-Subah Jala Jala K,
Qasam Se Aankhein Bhi Thak Gayi Hain Tumaray Aansu Chupa Chupa K,

Kya Khabar Thi K Ek Chehray Se KItnay Chehray Kasheed Hongay,
Main Thak Gaya Hoon Tumaray Chehron Ko Ainon Mein Saja Saja K,

Hum Itnay Sada Mizaj Kab Thay Magar Sarabon Ki RahGuzar Pe,
Fareeb Deta Raha Zamana Tumari Surat Dikha Dikha K,

Ajab Tanasub Se Zehan-o-Dil Mein Khayal Taqseem Ho Rahay Hain,
Mujhe Muhabbat Si Ho Gayi Hai Tumein Muhabbat Sikha Sikha K.....!!!,

KHABHI JO DEKHNI HO MUHABBAT
TU MERI CHAHHATON MAI AJANA

KHABHI JO KARNI HO MUJSE BATEN
TU MERI YADOON MAI AJANA

KHABHI JO CHAHO MEHSOOS KARNA PYAR MERA
TU MERI ANKHON MAI AJANA

KHABHI JO SUNNI HO AWAZ MERE DIL KI
TU MERI DHARKANO MAI AJANA

KHABHI JO PAO KHUD KO AKELA SA
TU MERI RAHON MAI AJANA

KHABHI JO SOO NA PAO MERI YADON MAI
TU MERI RATON MAI AJANA

KHABHI JO GHABRAO IRD GIRD K MAUSAM SE
TU MERI BAHON MAI AJANA..........

Muhabbat Mousam Nahi
Apni Muddat Pori Karey
Or Rukhsat Hojaye
Muhabbat Sawan Nahi Toot Kr Barsey
Or Tham Jaye
Muhabbat Aag Nahi, Sulgey Bhar K
Or Bujh Jaye
Muhabbat Aaftaab Nahi, Ubhrey Chamke
Or Dhal Jaye

Muhabbat Tu Chand Ki Manend Hy
Jo Barhta Hy Ghateta Hy
Nikalta Hy Chupta Hy
Magar Kabhi Fana Nahi Hota....

Theek Kehtey Hain
Mohabbat To Kisi Bay Deep Qabristaan Ki
Boseeda Si Ik Qaber Per Woh Nassb Katba Hay
Key Jiss Per Saaf Likha Ho
Shaheed-e-Raah-e-Ulfat
Ashiq-e-Nakaam Ka Marqad

Mohabbat Aik Katba Hay

Laga Hota Hay Jo Aksar
Kabhi Layla Kay Marqad Per
Kabhi Majnoo Ki Hasrat Per
Kabhi Soni Kay Matkay Per
Kabhi Ranjhay Kay Teeron Per

Mohabbat Aik Katba Hay…
Kay Jis Per Saaf Likha Ho…

Mohabbat Maot Ki Aghoosh May Sir Rakh Kay Sona Hay
Mohabbat Dil Pay Laahaq Roag Hay
Taa Umer Rona Hay
Mohabbat Raat Bhar Ka Jagna
Aur Jaan Khona Hay

Muhabbat Arzoo-o-Hasrat-o-Arman-o-Kuwahish Ki
Kisi Maydan May Rakhee Hui Aik Aysee Mayyat Hai
Kay Jis Ko Kandha Dayney Kay Liye
Koi Nahi Aata
Mager Phir Bhi
Laboon Per Her Kisi Insan Kay Rakha Hay Ye Jumla

MUJHEY TUM SEY MUHABBAT HEY

Koi Mujh Say Ager Kah Day
Mujhey Tum Say Mohabbat Hai
To Dar Jata Hon Main Bayhad
Yeh Dil Main Wehem Aata Hay

Kay Ye Izhar Ka Jumla
Muhabbat Ka Yah Ik Katba

Phir Kisi Bay Deep Qabristaan Ki
Boseeda Si Ik Qaber Ki
Zeenat Na Ban Jaey
Mohabbat Ka Yah Katba
Phir Naee Aafat Na Ban Jaye
Wohee Katba
Kay Jiss Per Saaf Likha Ho

Shaheed-e- Raah-e-Ulfat
Ashiq-E-Nakaam Ka Marqad

agar sansen mehak jayen
agar ankhien chhalak jayen
agar khawabon ki khwahish ho
agar phoolon ki barish ho
agar hanstay huay ronay ko ji chahay akailey mein
agar koi daikh ko kahin kho jaye melay mein
poochnay jao ke akhar kya haqeeqat hai
aur iss ka yeh jawaab aaye
mujahe tum say nafrat hai
samajh lena muhabbat hai
samajh lena muhabbat hai

Ye Shayeri Ye Muhabbat Tere Wajood Se Hai
Ye Soz Ye Dard Ye Ulfat Tere Wajood Se Hai

Tujhi Ko Dekh Ke Dhalte hain Lafz Geeton Me
Mere Khayal Ki Shuhrat Tere Wajood Se Hai

Tere Hi Dam Se Hai Qaim Wafa Ka Taj Mahal
Meri Wafaon Me Shiddat Tere Wajood Se Hai

Tere Hi Naam Se Milta Hai Zindagi Ko Sukon
Tamam Ulfat-o-Rahat Tere Wajood Se Hai

Jo Ek Bar Padh Le omr Bhar Nahi Bhole
Kalam e Yas ki Shuhrat Tere Wajood Se Hai

Poet: Yasmeen Yas

Ab Tak Us Ki Muhabbat Kaa Nashaa Taarii Hai
Phool Baaqii Nahiin Khushbu Ka Safar Jaari Hai

Sehar Lagtaa Hai Pasiine Mein Nahaayaa Huaa Jism
Ye Ajab Khuaab Mein Dobi Hui Bedaari Hai

Aaj Kaa Phool Teri Kokh Se Zaahir Hoga
Shaakh-E-Dil Khushk Na Ho Ab Ke Teri Baari Hai

Dhyaan Bhi Us Ka Hai Milte Bhii Nahin Hain Us Se
Jism Se Bair Hai Saaye Se Vafadaari Hai

Dil Ko Tanhaai Kaa Ahasaas Bhi Baaqi Na Rahaa
Vo Bhi Dhundhalaa Gayi Jo Shakl Bahut Pyaari Hai

Is Tag-O-Taaz Mein Tote Hain Sitaare Kitane
Aasmaan Jeet Sakaa Hai Na Zameen Haari Hai

Koi Aayaa Hai Zaraa Aankh To Kholo 'Shehzad'
Abhi Jaage The Abhi Sone Kii Taiyaari Hai