Search

MUJE USSE MUHABBAT ITNI HY

Jtni Suraj ko
Hiddat se,

Jazbe ko
ShiddaT Se,

Saagar ko
Rawani se,

Abar ko Pani Se
RAAT ko
Andhere Se,

SUBHA ko
Sawere se,

Hawa ko
Shor Se,

TUFAN ko
Zor se,

Mahi ko
Samandar sE,

SAQI ko
Jaam Se,

Shair ko
KaLam se,

MOTI ko
Seep Se,

PARWANE ko
Deep se,

"MUJE USKI TALAB HY YUN"

Jese "KALI" ko
Khilne Ki,

Bichernay ko
Milne Ki,

Paon ko
Payal ki,


Hijar ko
Wasaal ki,

Zawal ko
Kamal ki,

Sitaron ko
Qamar ki,

Paton ko
Shajar ki

Dewar ko
Dar ki

awara ko
GHAR ki

Wehshi ko
Janon ki

Zahid ko
Sukun ki

Bimar ko
Shifa ki

Wali ko
KHUDA ki

Teer ko
Kamaan ki

Pathar ko
Zuban ki

Ajnbi ko
Pehchan ki

Jism ko
Jan ki

Haar ko
Jeet ki

MAN ko
Meat ki

MGAR ME BE BAS H0N ITNA

Jtna Parinda
Jaal me

Maazi
Haal me

Khuwab
Khiyal me

Urooj
Zawal me

Jiwan
Zaman me

Insan
Jahan me

"BUS MUJE USSE MOHABBAT HY ITNI..

Muhabbat kay safar mein koi rasta nahi deta

Zameen wakif nahin banti falak saya nahi daita

Khushi aur dukh kay mosam sab kay apney hotey hain

kisi ko apne hisay ka koi lamha nahi deta

Udasi jis k dil mein ho neend us ki urti hai

kisi ko apni ankhon say koi sapna nhi daita

uthaana khud he parta hai thaka toota badan apna

keh jab tak saans chalti ha koi kandha nhi daita

TUJH KO DEKHOON TO NIGAAHEN NA HATAANA CHAHOON

IK LAMHAY PAY THEHAR JAAEY ZAMANA CHAHOON

TUJH SAY IK RABT E KHAYAL HE SAHI RABT TO HAI

MEIN TO IK SEHAL SA JEENAY KA BAHANA CHAHOON

DARD UTHAY TO ISAY WEHAM SAY TABEER KAROON

MEIN BEHAR TAUR TERA NAAM CHHUPANA CHAHOON

DIN GUZAROON TERI YAADON KI HASEEN WADI MEI

RAAT AAEY TO YEHI KHAAB SUHANA CHAHOON

BADLI BADLI SI HAIN IKHLAS KI QADREN MANZAR

MEIN MUHABBAT KA WOHI ROG PURANA CHAHOON.

rudaad-e-muhabbat kyaa kahiye kuchh yaad rahii kuchh bhuul gaye
do din kii masarrat kyaa kahiye kuchh yaad rahii kuchh bhuul gaye

jab jaam diyaa thaa saaqii ne jab daur chalaa thaa mahafil men
vo hosh kii saat kyaa kahiye kuchh yaad rahii kuchh bhuul gaye

ehasaas ke maiKhaane men kahaaN ab fikr o nazar kii qandelain
aalam kii shiddat kyaa kahiye kuchh yaad rahii kuchh bhuul gaye

ab apanii haqiiqat bhii "Sagar" berabt kahani lagatii hai
duniyaa kii haqiiqat kyaa kahiye kuchh yaad rahii kuchh bhuul gaye

ROOH MEI TERI MUHABBAT KA ASAR HAI AB TAK

JISM TO KHAAK HUA AANKH TO TAR HAI AB TAK

RANG JO CHHOR GAEE HAATH PAY MERAY TITLI

MERAY NAGHMON MEI WOHI RANG E HUNAR HAI AB TAK

CHAND KA TUKRA KAHA THA TUJHAY MAIN NAY IK SHAB

JUSTAJU MEI TERI SARKARDAAN QAMAR HAI AB TAK

BUN GAEY FARISHTAY SUB HE JO THAY INSAAN YAHAN

DAR PAR TERAY JO KHARRA HAI WO BASHAR HAI AB TAK

CHHOR K JA BHI CHUKA MUJHKO WO TANHA LEKIN

DEKHTA HOON TO TA HAD E NAZAR HAI AB TAK

Tabhi Toh Main Muhabbat Ka Hawalati Nahi Hota
Yahan Apnay Siwa Koi Mulaqati Nahi Hota

Aur Ab es Bat Par Bhi Mujhse Mere Yaar ulajhtay Hain
K Main Har Baat Sun Leta Hoon Jazbati Nahi Hota

Girftar-e-Wafa, Ronay Ka Koi Aik Mousam Rakh
Jo Nala Roz Beeh nikalay Woh Barsati Nahi Hota

Tujhay Dil Mein Jaga Di Hai Nazar Se Door Kya Kartay
Jo markaz Mein Theher Jaye Woh Mazafati Nahi Hota

Bicharnay Ka Irada Ho Toh Mujhse Mashwara Karna
Muhabbat Mein Koi Bhi Faisla Zaati Nahi Hota

Belaus muhabbat ka ye andaz rahey ga
khamosh sa lehja pas-e-awaz rahey ga

veeranay me sadiyon se chupa aik khazana
tu dil me sada ban ke yunhi raaz rahey ga

har sham damak uthey gi yaadon ki chamak se
har subah terey naam se aagaz rahey ga

jab tak dil-e-pursoz ka likha hae dharakna
dharkan me terey dard ka aijaz rahey ga

urta hae khayal aur tujhey chu nahi sakta
nakaam safar haasil-e-parwaaz rahey ga

Muhabbat jin se hoti hai

Unhain khone ka dar har waqt DAMAN GEER rahta hai

Yaqeen ki akhri manzil pe akar bhi

Koi khadsha, koi shak, koi andesha

Buhat bechaen rakhta hai

Muhabbat jin se hoti hai

Unhain khone ka dar har waqt DAMAN GEER rahta hai



Kahin ye visal ke lamhe

Badal jayain na furqat mai

Kahin ye qurb ki ghariyan

Judai main na dhal jayain

Kahin aisa na ho k koi usko badgumaa kar de

Kahin aisa na ho k

Jis ko hum ne hasil-e-umr-e-rawa samjha

Jhatak kar hath wo bedard sab kuch raiga kar de

Kahin aisa na ho k

Wo meharbaan ankhain badal jayain

Kahin aisa na ho k

Ye garamjoshi sard par jaye

Tapaak-e-jaan se milne ki rawish

Yakh basta ho jaye

Ada-e-Dilbarana berukhi ka roop dhaaray

Aur dil ka dard ban jaye

Muhabbat jin se hoti hai

Unhain khone ka dar har waqt DAMAN GEER rahta hai

Kabhi mahfil mai sab ke samne wo ahtiyatan bhi

Agar nazrain churaye tou dil pe choot lagti hai

Ansooun ka mina barasta hai

Kabhi masrofiat mai, mahwiyat mai

Phone ki ghanti ka wo notice na le

Aur rabte ka silsila moqoof ho jaye

Dharak uthta hai dil

Kya janiye kya ho gaya us ko

Tawajja mai kami kyun agai…?

Kyun us ki janib ik sannata sa chaaya hai….?

Jo apna is qadar apna tha

Akhir kyun paraya hai..?

Muhabbat jin se hoti hai

Unhain khone ka dar har waqt DAMAN GEER rahta hai

Us Ki Ankhon Main Muhabbat Ka Sitara Hoga
Aik Din Aaye Ga, Woh Shakhs Humara Hoga

Zindagi! Ab K Mera Naam Na Shamil Karna
Ger Yeh Tay Hay K Yehi Khel Dobara Hoga

Jis K Hone Se Meri Saans Chala Karti Thi
Kis Tarah Is K Bagair Apna Guzara Hoga

Yeh Achanak Joh Ujala Sa Hua Jata Hai
Dil Ne Chupke Se Tera Naam Pukara Hoga

Ishq Karna Hay Tou Din Raat Ussey Sochna Hay
Aur Kuch Zehan Main Aaya Tou Khasaara Hoga

Yeh Joh Paani Main Chala Aaya Sunheri Sa Guroor
Us Ne Darya Main Kahin Paaon Utara Hoga

Kon Rota Hai Yahan Raat K Sanaton Main
Mere Jaisa Hi Koi Hijer Ka Mara Hoga

Joh Meri Rooh Main Baadal Se Garajte Hain Wasi
Us Ne Seene Main Koi Dard Utara Hoga

Kaam Mushkil Hai Mager Jeet Hi Longa Us Ko
Mere Maula Ka Wasi Jonhi Ishara Hogaa