Search

Mohabbat naam hai mera
Agar Chaho Gay Tum Mujh Ko
Tumahri sans se pehly
Tumhari jan ban jaon
Ager Dekho Gay Tum Mujh Ko
Tumhari ankh se pehly
Tumhary khuwab ban jaon
Agar Socho Gay Tum Mujh Ko
Tumhary Paon Se pehly
Tumhari rah ban jaon
Mohabbat Naam Hai Mera.
Mujhe TUM Soch k Dekho...!

Ae Khuda Aaj Ye Faisla Karde
Usay Mera Ya Mujhe Uska Karde

Bahut Dukh Sahay He Maine
Koi Khusi Ab Toh Muqadar Karde

Bahot Muskil Lagta Hai Usse Duur Rehna
Judai Ke Safar Ko Kam Karde

Jitna Duur Chale Gaye Woh Mujhse
Usay Utna Kareeb Karde

Nahi Likha Agar Nasib Me Uska Naam
To Khatam Kar Ye Zindagi Aur Mujhe FANAA Karde...!

Ye husn tera ye ishq mera
Rangeen to hai badnaam sahi
Mujh par to kai ilzaam lage
Tujh par bhi koi ilzaam sahi

es raat ki nikhri rangat ko
Kuch aur nikhar jaane de zara
Nazaron ko bahak jaane de zara
Zulfon ko bikhar jaane de zara
Kuch dair ki hi taskin sahi
Kuch dair ka hi aaraam sahi

Jazbaat ki kaliyaan chunna hai
Aur pyaar ka tohfa dena hai
Logon ki nigaahein kuch bhi kahen
Logon se hume kya lena hai
Ye Khaas taalluq aapas ka
Duniya ki nazar mein aam sahi

Rusavaai ke Darr se ghabra kar
Hum tark-e-wafa kab karte hain
Jis dil ko basa len pehloo mein
Us dil ko juda kab karte hain
Jo hashr hua hai laakhon ka
Apana bhi wahi anjaam sahi

Ye husn tera ye ishq mera
Rangeen to hai badnaam sahi
Mujh par to kai ilzaam lage
Tujh par bhi koi ilzaam sahi...!

Dukh Dard Ke Maron Se Mera Ziker Na Kerna
Ghar Jao To Yaroon Se Mera Ziker Na Kerna
WO Zabt na Ker Payen Gay Aankhon Ke Samandar
Tum Raah Guzaron Se Mera Ziker Na Kerna
Phoolon Ke Nasheman Mein Raha Hoon Mein Sada Se
Dekho Kabhi Kantoon Se Mera Ziker Na Kerna
Shyad Yeh Andheray Hi Mujhe Raah Dikhayen
Ab Chand Sitaron Se Mera Ziker Na Kerna
Wo Meri Kahani Ko Ghalat Rang Na De Dain
Afsana Nigaron Se Mera Ziker Na Kerna
Shayad Wo Mere Haal Pe Be Saakhta Ro Dain
es Baar Un ke samnay mera zikar na karna...!

Main aiyna tha, woh mera khayal rakhti thi,
Main toot-ta tha to chun kar sambhaal rakhti thi..

Har aik maslay ka hal nikal rakhti thi,
Zaheen thi, mujhay hairat main daal rakhti thi..

Main jab bhi tark-e-taluq ki baat karta tha
Woh rokti thi mujhay, kal pay taal rakhti thi..

Woh mere dard ko chunti thi apni pooron say,
Woh mere wastay khud ko nidhal rakhti thi..

Woh dobnay nahi daiti thi dukh kay darya main,
Mairay wajood ki naow uchaal rakhti thi..

Duain us ki balaoon ko rook laiti thin,
Woh mere chaar so hathon ki dhaal rakhti thi.

Ik aisi dhun kay nahi phir kabhi main nay suni,
Woh munfarid sa hansi main kamal rakhti thi..

Usay nadamatain mairi kahan gawara thin
Woh mairay wastay asaan sawal rakhti thi
.
Bichar kay uss say main dunya ki thokaron mein hon Mohsin,
Woh pass thi tau mujhay lazawaal rakhti thi...!

Mera sochna teri zaat tak
Meri guftagu teri bat Tak

Na tum millo jo kabhi mujhe
Mera dhoondna tujhe paar tak

Main ne apna sab kuch ganwa dia
Teri nafraton say pyar tak

Kabhi fursat jo mile to aa
Meri zindagi kay hisaar tak

Main ne jana kay main kuch nahi
Teray Pehel Say Teray Baad Tak...!

Koi mujhko mera bharpoor saraapa la dey
Mere baazoo meri aankhen mera chehra la dey

Aisa dariya jo kisi aur samandar mai girey
es se behter hai ke mujhko mera sehra la dey

Kuchh nahee chahiye tujh se meri ay umr-e-rawan
Mera bachpan mere jugnoo meri gudia laa dey

Jiski aankhen mujhe ander se bhi padh sakti hon
Koi chehra to mere sheher mai aisa la dey

Kishti-e-jaan to bhanwar mai hai kai barson se
Ai Khuda ab to dubo dey ya kinara la dey...!

Aankhon Men Baaqi Reh Gaye, Ab Teray Khad o Khaal Sey
Lab Pey Hain Kuch Sawal Sey,Dil Men Hain Kuch Malaal Sey

Tu Jo Gaya To Youn Laga, Tanha Hoon Kainaat Main
Raatain Thaki Thaki Meri, Din Bhi Meray Nidhaal Sey

Itney Qareeb Hoon Teray, Rasta Na Wehem Ko Milay
Soun Teray Hisaar Main, Jagoon Teray Jamal Sey

Mujh Ko Hain Kaam Aur Bhi, Kuch To Karo Mera Khayal
Aatay Ho Jab Khayal Main, Jatay Nahi Khayal Sey

Tujh Si Haseen Ghazal Koi, Mujh Sa Ghazal Sara Koi
Duniya Main Ho Ager Kaheen, Waazeh Karo Misaal Sey

Uss Se Gila Ay Dosto, Itna Sa Hai K Wo Mujhey
Samjha Nahi Hai Aaj Tak, Ghaafil Hai Meray Haal Sey...!