Search

Koi Mausam Ho Dil MeN Hai Tumhaari Yaad Ka Mausam
Ke Badla Hi NahiN Jana Tumhaare Baad Ka Mausam

NahiN To Aazma Kar Dekh Lo, Kaise Badalta Hai
Tumhaare Muskuraane Se Dil-E-Na shaad Ka Mausam

KahiN Se Uss HabeeB Aawaaz Ki Khushbu Pukaare Gi
To Uss Ke Sath Badle Ga Dil-E-Barbaad Ka Mausam

Qafas Ke Baam-o-Dar MeN Roshani Si Aayi Jaati Hai
Chaman MeN Aa Geya Shaayed Lab-E-Aazaad Ka Mausam

Mere Shahr-E-ParishaN MaiN Teri Be Chain RaatoN MeN
Buhat Hi Yaad Karta HooN Teri Buniyaad Ka Mausam

Na Koi Gham KhizaaN Ka Hai Na Khawahish Hai BahaaroN Ki
Hamaare Sath Hai Amjad Kissi Ki Yaad Ka Mausam

ab ke ham bichhRe to shaayad kabhii KhvaaboN meN mileN
jis tarah sokhe hue phuul kitaaboN meN mileN

Dhoundh ujRe hue logoN meN vafaa ke motii
ye Khazaane tujhe mumkin hai Kharabon meN mileN

tuu Khudaa hai na meraa ishq farishtoN jaisaa
donoN insaan haiN to kyu itne hijaabon meN mileN

Gham-e-duniya bhi Gham-e-yaar me shamil kar lo
nasha barpa hai sharabain jo sharaboN meN mileN

aaj ham daar pe kheNche gaye jin baatoN par
kyaa ajab kal vo zamaane ko nisaaboN meN mileN

ab na vo maiN huN na tuu hai na vo maazii hai Faraaz
jaise do saaye tamannaa ke saraaboN meN mileN

ye jo ham hijr men divaar o darr ko daikhte hain
kabhii sabaa ko kabhii naamaabar ko daikhte hain

vo aaye ghar men hamaare Khudaa kii qudarat hai
kabhii ham un ko kabhii apne ghar ko daikhte hain

nazar lage na kahin us ke dast-e-baazuu ko
ye log kyon mere zaKhm-e-jigar ko daikhte hain

tere javahir-e-tarf-e-kalma ko kyaa dekhen
ham auj-e-taalee-e-laal o gohar ko daikhte hain

kyuN mehkeN gulaab aaNkhoN meN
ham ne rakhe haiN Khvaab aaNkhoN meN

daikho ham ek saval karte hain
likh kar rakhnaa javaab aaNkhoN meN

us meN Khatraa hai Duub jaane kaa
jhaNkiye mat janaab aaNkhoN meN

kabhii aaNkheN kitaab meN gum haiN
kabhii gum hai kitaab aaNkhoN meN

koi rahta tha raat din Alvi
inhii Khana Kharab ankhon men

kyuN mehkeN gulaab aaNkhoN meN
ham ne rakhe haiN Khvaab aaNkhoN meN

daikho ham ek saval karte hain
likh kar rakhnaa javaab aaNkhoN meN

us meN Khatraa hai Duub jaane kaa
jhaNkiye mat janaab aaNkhoN meN

kabhii aaNkheN kitaab meN gum haiN
kabhii gum hai kitaab aaNkhoN meN

koi rahta tha raat din Alvi
inhii Khana Kharab ankhon men

sochta huuN ke mahfuuz kar luuN ise apne siine men lafz or bayaaN kii tarah
thoRii hii der meN yeh mulaaqaat bhii Khatm ho jaayegi daastaaN kii tarah

yeh rafaqat bahut mukhtasar hai miri hamsafar laa maire haath meiN haath de
tuu hava-e-sar-e-rahguzar ki tarah, main kisi nakhat e raygan ki tarah

haal zaalim shikari ki suurat mujhe, waqt ki zin se baandh kar le chala
mera maazii mire saath chaltaa rahaa duur tak ek majbuur maa kii tarah

sang-e-azar kii barishen tez thin, aur bachne ka koi tariqa na tha
raftaa raftaa sabhii ne saron par koi be hisi taan li sayban ki tarah

Khowiashon ke samandar se ek mauj uthi aur sail e bala Khez banti gay
jism kashtii kii maanind ulaTne lage, pairahan uR gaye baadbaaN kii tarah

apne Khowabon men tujhe jis ne bhi dekha hoga
aNkh khultay hi tujhe DhuNDhane nikla hoga

zindagi sirf tere naam se mansub rahe
jane kitne hi dimaGhon ne ye socha hoga

dost ham us ko hi paiGam-e-karam samjhen ge
terii furqat kaa jo jaltaa hua lamha hoga

daman-e-ziist men ab kuch bhi nahi hai baqi
maut aai to yaqinan usay dhoka hoga

raushani jis se utar aai lahuu men mere
ay masiha vo mera zaKhm-e-tamana hogaa