Search

Akhir-e-shab mein sitaron ko bujha kr sona
Meri aadat hai yeh khuabon ko sula kr sona

Na hi is pehlu qaraar or na chain us karwat
Kitna dushwar hai apnon ko sata kr sona

Raat bhar kesey sambhaley hoye rakho ge inhen
Meri mano to in ashkon ko baha ker sona

Us ney to chhor dia meri gali mein aana
Main ney chhora nahin raston ko saja kr sona

Khwab aa jaen na phir neend churane
Jaagti aankhon ko pehrey peh bitha kr sona..

Gham-E-Zindagi Teri Raah Mein
Shab-E-Aarzo Teri Chaah Mein
Jo Ujar Gaya Woh Basa Nahin
Jo Bichar Gaya Woh Mila Nahin
Jo Dil-O-Nazar Ka Suroor Tha
Mere Paas Reh Ke Bhi Door Tha
Wohi Ek Gulaab Umeed Ka
Meri Shaakh-Jaan Peh Khila Nahin

Jo Ranjishein Thiin Jo Dil Mein Gubaar Tha Na Gaya
K Ab Ki Baar Gale Mil K Bhi Gila Na Gaya

Ab Us K Wada-E-Fardaan Ko Bhi Taraste Hain
Kal Uski Baat Pe Kyun Aitbaar Kia Na Gaya

Ab Us K Hijr Mein Royain Na Wasl Main Khush Hon
Wo Dost Ho Bhi To Samjho K Dostaana Gaya

Nigaah-E-Yaar Ka Kya Hai Huii Huii Na Huii
Ye Dil Ka Dard Hai Pyaare Gaya Gaya Na Gaya

Sabhi Ko Jaan Thii Pyaari Sabhii The Lab Basta
Bas Ik Faraz Tha, Zaalim Se Chup Raha Na Gaya

Gayee Ruton Mein To Shaam-O-Sahar Na They Aise
Ke Ham Udaas Bohat They Magar Na They Aise

Yahan Bhi Phool Se Chehre Dikhayee Dete Hain
Ye Ab Jo Hain Yehi Deewar-O-Dar Na They Aise

Miley To Khair Na Milne Pe Ranjishein Kaisi
Ke Us Se Apne Marasim They Par Na They Aise

Hamee They Jo Tere Aane Talak Jaley Warna
Sabhi Charagh Sar-E-Rahguzar Na They Aise

Dil-E-Tabah Tujhe Or Kya Tasalli Dein
Tere Naseeb Tere Chaaraagar Na They Aise

Faraz Khush Ho Ke Ahsaan Us Sitamgar Ke
Jo Tujh Pe Hain Wo Kisi Or Par Na They Aise

Zindagi jab bhi teri bazm mein laati hai humein
ye zameen chaand se behtar nazar aati hai humein

surkh phooloun se mehak uthti hain dil ki raahein
din dhale yoon teri aawaaz bulati hai humein

yaad teri kabhi dastak kabhi sargoshi se
raat ke pichhle pehar roz jagaati hai humein

har mulaaqat ka anjaam judaai kyun hai
ab to har waqt yahi baat sataati hai hamein.

Kyun zindagi ki raah mein majboor ho gaye
itne hue kareeb ki hum door ho gaye

aisa nahin ki humko koi bhi khushi nahin
lekin ye zindagi to koi zindagi nahin

kyun iske faisale hamein manzoor ho gaye
paaya tumhein to humko lagaa tumko kho diya

hum dil pe roye aur ye dil ham pe ro diya
palkon se khwaab kyun gire kyun choor ho gaye.

kyun zindagi ki raah mein majboor ho gaye
itne hue kareeb ki hum door ho gaye...

Tery Baare Mein Jab Socha Nahi Tha
Mein Tanha Tha Magar Itna Nahi Tha

Teri Tasveer Se Kerta Tha Baatain
Mery Kamray Mein Aayena Nahii Tha

Samandar Ne Mujha Piyasa Hi Rakha
Mein Jab Sehra Mein Tha Piyasa Nahi Tha

Manane Ruthne Ke Khel Mein Hum
Bich'har Jayenge Ye Socha Nahi Tha

Suna Band Ker Li Us Ne Aankhain
Kayi Raatoon Se Vo Soya Nahii Tha