Search

کسی بھی زبان کو سیکھنے کے لیے اس کی بنیادی باتوں کو سیکھنا اہم ہوتا ہے اسی لیے ہم
اپنی کتاب کا آغاز انگریزی زبان کی بنیاد سے شروع کررہے ہیں سب سے پہلے ہم آپ کو انگریزی
بول چال کی ابتدائی معلومات فراہم کریں گے۔ آپ کو دنیا کی اس خاص زبان کو سلیقے سے
سیکھنا ہے۔ اس لئے ہم آپ کو ان سبھی باتوں سے متعارف کرانا چاہتے ہیں جنہیں جانے بغیر
آپ انگریزی زبان کی فطرت کو نہیں سمجھ سکتے۔

آئیے اس زبان کے رسم الخط اور حروف تہجی وغیرہ کے ذریعے معلومات حاصل کرتے ہیں۔ پہلے
دس پندرہ دنوں کے دوران آپ کے لیے کسی بھی زبان کو سیکھنے کے لیے اس کی بنیاد سے واقفیت
ضروری ہے۔ لہٰذا ہم آپ کو سب سے پہلے رومین رسم الخط۔ حروف کی بناوٹ، حروف لکھنا،
رومن رسم الخط میں اردو لکھنا، انگریزی حروف علت (Vowels) اور حروف صحیح (Consonants)
اور خاموش حروف (Silent Letters) وغیرہ کے بارے میں ضروری معلومات فراہم کریں گے۔ آئیں
اب اس کا آغاز کرتے ہیں۔