Search

Titliyan jugnoo sabhi hongay magar dekhay ga kaun
Hum saja bhi lein agar deewar-o-dar dekhay ga kaun

Ab tu hum hain jagnay walay teri khatir yahaan
hum na hongay tu tere shaam-o-sehar dekhay ga kaun

jis ki khatir hum sakhan sachayi kay rastay chalay
jab wahi usko na dekhay tu hunar dekhay ga kaun

bay sitarah zindagi kay ghar main ab bhi raat ko
ik kiran teray khayalon ki magar dekhay ga kaun...!

Kab kaun kisi ka hota hai
Sub jhootey rishtey naate hain…

Sub dil rakhney ki batein hain
Sub asal roop chhupate hain…

Ikhlaq se khali log yahan
Lafzon ke teer chalate hain…

bahaar nigahon ko dikha kar
Phir saari umar rulate hain…

Who jis NE diye hain ashk humein
AB us ko bhool hi jaate hain...!

Ana Peh Chot Parey Bhi Toa Kaun Dekhta Hay..??
Dhuwaan Sa Dil Say Uthey Bhi To Kaun Dekhta Hay..??

Ujaar Ghar Kay Kisi Be sadaa Darechay Mein..!!
Koi Chiragh Jalay Bhi Toa Kaun Dekhta Hay..??

Hajoom-e-Shaher Say hatt kar, Hadood-e-Shaher Kay Bad..!!
Woh Muskara Kar Milay Bhi To Kaun Dekhta Hay..??

Jis Aankh Mein Koi Chehra Na Koi Aks-e-Talab...!!
Woh Aankh Jal Kay Bujhey Bhi Toa Kaun Dekhta Hay..??

Hajoom-e-Dard Mein Kia Muskurana K Yahan ..!!
Khizaan Mein Phool Khilay Bhi Toa Kaun Dekhta Hay..??

Milay Baghair Jo Mujse Bichar Gaya Mohsin..!!
Woh Raastay Mein Rukay Bhi Toa Kaun Dekhta Hay..??

kaun kehta hay k maut aayi tu mar jaonga
main tu dariya hoon samandar mein utar jaonga

tere pehlo se jo uthoon ga tu mushkil yeh hay
sirf ek shakhs ko paonga jidhar jaaonga

ab tere shehar mein aaonga musaafir ki tarah
saaya e abr ki maanind guzar jaonga

tera paimaan e wafa rah ki deewar bana
warna soocha tha jab chahonga mar jaonga

chaara sazooN se alag hay mera miyaar k main
zakham khaon ga tu kuch aur sanwar jaonga

ab tu khursheed ko doobay hoye sadiyaaN guzri
ab usay dhond nay mein taa baa sehar jaonga

zindagi shamma ki maanind jalaata hoon Nadeem
bujh tu jaonga magar subha tu kar jaonga

Haqeeqat jaan kar aysi himaqat kaun karta hai..
Bhala be-faiz laugon se muhabbat kaun karta hai...?

Batao jis tijarat may khasara hi khasara ho...
Bina soochay khasaray ki tijarat kaun karta hai...

Humain hi ghalat-fehmi thi, kisi k wastay warna..
Zamanay k riwajon se baghawat kaun karta hai...?

Khuda ne sabar karnay ki mujhay taufiq bakhshi hai..
Aray jee bhar k tarpao, shikayat kaun karta hai?

Zamanay ki nighaon se dilon k bhaid makhfi hain..
Khaloos-e-dil se Rab janay ibadat kaun karta hai?,...

Yeh Kaun Doob Gayaa Aur Ubher Gayaa Mujh Mein
Yeh Kaun Saaye Ki Soorat Guzer Gayaa Mujh Mein

Yeh Kis Ke Sog Mein Shoridaa-Haal Phirtaa Hon
Woh Kaun Shakhs Thaa Aisaa K Mar Gayaa Mujh Mein

Ajab Havaa-E-Bahaaraan Ne Charasaazi Ki
Woh Zakhm Jis Ko Na Bherna Thaa Bher Gaya Mujh Mein

Woh Aadmi K Jo Patthar Thaa Jee Raha Hai Abhi
Ju Aaina Tha Woh Bikher Gayaa Mujh Mein

Wo Saath Tha To Ajab Dhoop Chaaon Rehti Thi
Bas Ab To Ek Hi Mausam Thaher Gaya Mujh Mein

Yahan Khamosh Nazron Ka Nazaara Kaun Banta Hai
Bohat Gehray Samandar Ka Kinaara Kaun Banta Hai

Chalo Hum Dekhtay Hain Ab Khud Ko Barbaad Ker K Bhi
Humari Barbaadyun Mein Bhi Humara Kaun Banta Hai

Bina Phal K Darkhton Ko Yahan Pe Kaata Jata Hai
Kisi Bhi Be_Sahaara Ka Sahaara Kaun Banta Hai

Koi Sheesha Agar Tootay To Wapis Jurr Nahe Sakta
Mohabbat Mein Fana Ho Ker Dobaara Kaun Banta Hai...