Search

Kisi ki aankh se sapne chura kar kuch nahi milta
Mandiron se chiragon ko bujha kar kuch nahi milta

Koi aik adh sapna ho tou phir accha b lagta hai
Hazaron khwab ankhon mei saja kar kuch nahi milta

Yeh accha hai ke aapas ke bharam na tootne payein
Kabhi bhi doston ko azma kar kuch nahi milta

Amal ki sookhti rug mei zara sa khoon shamil kar
Mere humdam faqt batein bana kar kuch nahi milta

Mujhe aksar sitaron se yeh awaz aati hai
Kisike hijar mei neendein ganwa kar kuch nahi milta

Jiggr ho jayega chalni yeh ankhein khoon royengi
Ae dil Bey faiz logon se nibah kar kuch nahi milta

Sab se chupa kar dard jo woh muskura diya
us ki hansi ne tou aaj mujhe rula diya

lehje se uth raha tha har ik dard ka dhuaan
chehra bata raha tha k kuch ganwa diya

aawaz mein thayrao tha aankhoon mein nami thi
or keh raha tha k mein ne sab kuch bhula diya

jane kya us ko logon sey thein shikayatein
tanhaiyon ke daish mein khud ko basa diya

khud bhi woh hum sey bichar kar adhura sa ho gaya
mujh ko bhi itne logon mein tanha bana diya

Tu Ne Jo Chonk Kar Her Jagah Nigah Ki Hogi
Mere Hi Dard-e-Mohabbat Ne Sadaa Di Hogi

Ye Jo Moti Baraste Hain, Teri Yaad Mein Aksser
Badloon Ne Meri Aankhon Ko Dua Di Hogi

Jhilmillati Hooye Ek Baat Jo Sochi Mene
Yaser Ne Jaake Ussay Zaroor Bata Di Hogi

Zikir Aaya Jo Kabhi Mera Uss Ki Mehfil Mein
Khefiyet Mittane Ko Uss Ne Baat Ghhuma Di Hogi

Wo Rah Se Guzrey Bhi Plutt Ker Bhi Na Dekhe
Aakhiri Ummed Mareez-e-Ishq ki Bujha Di Hogi

Dill Saada Tu Barra Khush Fehum Hey Lekin Yaser
Uss Ne Soorat Bhi Teri Kab Ki Bhulla Di Hogi

Naam Koi Bhi Na Le Meri ZINDAGI ka Yahaan
Shehar Mein Uss ne, Yeh MaNaDi karwa Di Hogi

Manoos Kar Chkuey Hein Ye Diwar-o-Dur Mujhey
Zindaan Ke Baad Raas Na Ayega Ghar Muhjey

Umeed-e-Zindagi Nahee Ae Charah Gar Mujhey
Shaam Hogayee Tou Phir Na Hogi Sehar Mujhey

Mein Ek Mataa-e-Eshq Houn, Khhoya Agar Mujhey
Shayed Na Pa Sakoge Kaheen Umar Bhar Mujhey

Kiya Jeetay Ji Umeed-e-Rahayee Se Wasta
Dhoka Na Dein Qafas Mein Merey Baal-o-Par Mujhey

Dou Jan-ba-Lab Mareez Hein, Ek Marg-e-Muntazir
Mein Uss Ko Dekhhta Houn Charagh-e-Sehar Mujhey

Tang Aake Chordta Houn Dunya Ko Aap He
Duyna Ghareeb Chord Ke Jaati Kidhar Mujhey

Aayena Ban Raha Houn Kisi Ke Jamal Ka
Kuch Sochtey Hein Dekh Ke Ahl-e-Nazar Mujhey

Madoom Ho Chuka Ye Ehsaas-e-Zindagi
Chahein Tou Zehar De Dein Merey Charah Gar Mujhey

Jeeney Ki Hey Salaah, Ke Marnay Ki Eshq Mein
Dil Se Ye Poochna Hey Kahein Baythh Kar Mujhey.

Itney qareeb say guzar kar gaya hai
Andaaz bayrukhi kay num kar gaya hai
Mayat pe meri kharay ho kar anjaan bangaya hai
Kehta hai logon say yeh kon mar gaya hai
Aana meri kabar par aur parhna phir Fatiha
Aur phir muskara kar keh dena acha howa mar gaya hai.

Kabhi dil mein muskura kar dekhiye,

hamari gazal gunguna kar dekhiye.

Hum bhool jayenge aapko ek shart par,

pehle aap hume bhula kar dekhiye.

Wo muskura rahe hai hume tanha chod kar,
Kiye huye saare waado ko tod kar.
Unke siva kahin dil lagta bhi nahi,
Ab kya karenge hum apne toote huye dil ko jod kar.

Hosley buland kar raaston par chal de,
Tujhe tera mukaam mil jayega,
Akela tu pehel kar,
Kaafila khud bann jayega,
Maysoos hokar na umeedon ka daman chhod,
Varna khuda naraz ho jayega,
Thokron se na tu ghabra,
Har padaav par apne aap ko aur mazboot payega,
Nakamyabi ki dhund se na ghabrana,
Kaamyabi ka suraj teri takdeer roshan kar jayega.

Kuch kar kay dikha diya, k kaam bohut hain,
Is jahan main jeetnay walay muqaam bohut hain,
Mukammal shakhs wahi jo duniya ko badal dalay,
Roz mar mitney walay naam bohut hain.