Search

Paida Raah-E-Khalos May Dushwariyan Na Kar...
Chahat Nahi Hai Tu Hum Se Adakariyan Na Kar...

Lafzon Se Khailnay Ki Zarurat Nahi Tujhay...
Saada Dilon K Saath Fankaariyan Na Kar...

Jin Se Nahi Lagao Unhain Mu Bhi Na Laga..
Be-wajah Har Dukaan Se Kharidariyaan Na Kar..

Tu Shakh-E-Gul Hai, Koi Amar Bail Tu Nahi....
Wabasta Har Shajar Se Wafadaariyan Na Kar...

Taza Hai Dil Peh Daagh Agar Pehli Muhabbat Ka...
Phir Dosri Shikast Ki Tayariyaan Na Kar...

Haqeeqat jaan kar aysi himaqat kaun karta hai..
Bhala be-faiz laugon se muhabbat kaun karta hai...?

Batao jis tijarat may khasara hi khasara ho...
Bina soochay khasaray ki tijarat kaun karta hai...

Humain hi ghalat-fehmi thi, kisi k wastay warna..
Zamanay k riwajon se baghawat kaun karta hai...?

Khuda ne sabar karnay ki mujhay taufiq bakhshi hai..
Aray jee bhar k tarpao, shikayat kaun karta hai?

Zamanay ki nighaon se dilon k bhaid makhfi hain..
Khaloos-e-dil se Rab janay ibadat kaun karta hai?,...

Door Reh Kar Kareeb Kitnay Thay,
Faslay Bhi Ajeeb Kitnay Thay,

Dard-E-Dil Ki Dawa Nahi Warna,
Is Jahan Mein Tabeeb Kitnay Thay,

Umer Bhar Sath Jo Raha Tere,
Us K Achay Naseeb Kitnay Thay,

Kyun Na Aoun Me Tere Sapno Mein,
Mere Shikway Ajeeb Kitnay Thay..!!

Aaina Hoon Merey Samney Aa Kar Dekho
Khud Nazar Aaogay Jo Aankh Mila Kar Dekho !

Merey Gham Mein Meri Taqdir Nazar Aati Hai
Dagmagao Gay Merey Dard Utha Kar Dekho !

Youn Tu Aasan Nazar Aata Hai Manzil Ka Safar
Kitna Mushkil Hai, Meri Raah Se Ja kar Dekho !

Bazm Ka Meri Charaghaan Hai Nazar Ka Dhoka
Kin Andheron Mein Bhatakta Hoon Mein Aa Kar Dekho

Mujhe Maaf Kar Mere Hamsafar
Tujhe Chahna Meri Bhool Thi
Kisi Raah Par Jo Uthi Nazar
Tujhe Dekhna Meri Bhool Thi
Koi
Nazam Ho
Koi
Ghazal Ho
Kahin
Rat Ho
Kahin
Seher Ho
Woh
Gali Gali
Woh Sheher Sheher
Tujhe Dhoondna Meri Bhool Thi
There Gham Ki Koi Dava Nahi
Mujhe Tujhse Koi Gila Nahi
Mera Koi Tere Siva Nahi
Yehi Sochna Meri Bhool Thi
"Mujhe Maaf Kar Mere Hamsafar
Tujhe Chahna Meri Bhool Thi.....

Rukhsat hova tu aankh mila kr nahin gya
wo kion gya hy yei bhi bta kr nahin gya
yoN lg rha hy jesey abi loot aye ga
atey hove charagh bujha kr nahin gya
shahid wo mil he jaye........
mgr justujoo hy shart
wo apny naqsh e paa ko mitta kr nahin gya
hr baar wo mujh ko chhor gya iztarab mein
laute ga kb..........?
Kabi wo bta kr nahin gya
rehny dya na usny kisi kaam ka mujhy
our khaak mein bhi mujh ko mila kr nahin gya

Hangama-E-Gam Se Tang Aakar Izhaar-E-Musarrat Kar Baithe
Mashhur Thi Apni Zindadili Daanista Shararat Kar Baithe

Koshish To Bahot Ki Hamne Magar Paya Na Gam-E-Hasti Ka Mafar
Virani-E-Dil Jab Had Se Badhi Ghabara Ke Mohabbat Kar Baithe

Nazron se Na Karte Pursish-E-Gam Khamosh Hi Rehna Behtar Tha
Deewano ko Tumne Chhed Diya WALLAH Qayaamat Kar Baithe

Har Chiz Nahi Ek Markaz Par Ek Roz Idhar Ek Roz Udhar
Nafrat se Na Dekho Dushman ko Shayad Ye Mohabbat Kar Baithe