Search

Kahan Qatal Badlte Hain Faqat Chehray Badalte Hain
Ajab Apna Safar Hai Fasle Bi Sath Chalte Hain
Bahut Kam Zarf Tha Jo Mehflon Ko Kar Gya Weran
Na Pocho Hal-e Yaran Sham Ko Jab Saye Dhalte Hain
Wo Jis Ki Roshni Kache Gharon Tak Bi Pahunchti Hai
Na Wo Suraj Niklta Hai Na Apne Din Badlte Hain.

Dard ki dil pe Hukumat thi, kahan tha us waqt
Jab mujhe teri zarorat thi, kahan tha us waqt

Moat ky sukh mai chala aaya mujhe dekhne ko
Zinda rehne ki musibat thi, kahan tha us waqt

Dil k daryaon mai ab rait hai sehraon ki
Jab mujhe tujh se mohabbat thi, kahan tha us waqt

Kuch Tou Ehsaas-e-Ziyaan Tha Phele
Dil Ka Ye Haal Kahan Tha Phele


Ab Tou Manzil Bhi Hai Khud Garm-e-Safar
Har Qadam Sang-e-Nishaan Tha Phele


Safar-e-Shoq Ke Farsang Na Pooch
Waqt Be-Qaid Makaan Tha Phele


Ye Alag Baat Ke Gham Raas Hai Ab
Is Mein Andaisha-e-Jaan Tha Phele


Yun Na Ghabraye Howay Phirtay Thay
Dil Ajab Kunj-e-Amaan Tha Phele


Ab Bhi TU Paas Nahi Hai Laikin
Is Qadar Door Kahan Tha Phele


Dairay Daalay Hain Bagolon Ne Jahan
Os Taraf Chashm-e-Rawaan Tha Phele


Har Kharab Ye Sadaa Deta Hai
Mein Bhi Aabaad Makaan Tha Phele


Kia Se Kia Ho Gayi Dunya Pyaaray
TU Waheen Per Hai Jahaan Tha Phele


Ham Ne Aabaad Kia Mulk-e-Sukhan
Kaisa Sunsaan Samaa Tha Phele


Ham Ne Bakshi Hai Khamoshi Ko Zabaan
Dard Majboor-e-Fugaan Tha Phele


Ham Ne Roshan Kia Maamoor-e-Gham
Warna Har Simt Dhuwaan Tha Phele


Gham Ne Phir Dil Ko Jagaya “Nasir”
Khana-e-Barbaad Kahan Tha Phele

voh din kahan k ab koi mehfil sajaiye
ik dil hai so usi se mohabbat nibhaiye

mansoob kis se kijiye ashkon k aainey
ab kis ki rah mein yeh khazaney lutaiye ?

manzir jo ankh mein hai bhula dijiye usey
pather jo dil pe hai usey kesey hataiye

ab kon hai jo humain dey jeney ka hosla ?
itney dukhon mein kis k liye muskuraiye

kab tak kisi ki yad se rakhiye muamla !
aandhi mein ik chiraag kab tak jalaiye

Mohsin jo pal mein torr dey sadiyun ki dosti
us bevafa ki salgira kia manaiye ?

Taubah ki bhi tofeeq muqder se hai milti
Yeh aakhri bakshesh bhi tere dar se hai milti
Na milta agar yeh taubah ka sahara
Ham kahan jatey
Thikana hi na tha koi hamara
Ham kahan jate
Dar e haq par jhuka k sar
Tuh ikraar e gunah kar ley
Na hota agar yeh rahimat ka ishara
Ham kahan jate
Taubah taubah meri taubah YARAB
Yun daman e rahimat main Chupa leti hai taubah
Dozakh k azaboon se bacha leti hai taubah
Meri taubah taubah meri taubah taubah
So so gunah kiye teri rahimat k zoor par
Meri taubah taubah meri taubah taubah
Meri taubah YARAB
Har chand k main kabil e tahzeer o saza houn
Aashi houn galat kaar houn sar tapa khata houn
MOLA teri makhlooq main
Main sab se bura houn
Lekin mere MAHBOOD
Main banda toh tera houn
Meri taubah taubah meri taubah taubah
Meri taubah YARAB
Nabuwat se shah hadat tak mili un k gharane ko
Na hota kamli wala agar hamara
Ham kahan jate
Na milta agar yeh taubah ka sahara
Ham kahan jate
Taubah taubah meri taubah taubah
Meri taubah YARAB

naye kapre badal kar jaun kahan aur baal banao kis k liye
wo shakhs to shahar hi chor gaya ab khak uraoon kis k liye
jis dhup ki dil ko thandak thi wo dhup usi k sath gai
in jalti bujhti galiyon main ab khak uraoon kis k liye
wo shahar main tha to us k liye auron se milna parta tha
ab aisay waisay logon k main naz uthaoon kis k liye
ab shahar main es ka badal hi nahi koi waisa jan-e-gazal hi nahi
aiwan-e-gazal main lafzon k guldan sajaun kis k liye
muddat se koi aya na gaya sunsan parri hai ghar ki faza
in khali kamron main Nasir ab shamma jalaun kis k liye...!

Hijer mein khoon rulate ho kahan hote ho?
Lout ker kyoun nahin aate kahan hote ho?

Jab bhi milta hay koi shakhs baharon jaisa?
Mujh ko tum kaise bhulate ho kahan hote ho?

Yaad ati hain aikele mein TUMHARI neendain
Kis tarah khud ko sulatay ho kahan hote ho?

Mujh se bichre ho tu mehboob e nazer ho kis k
Aaj kall kis ko manate ho kahan hote ho?

Shab ki tanhayi mein aksar yeh khayal ata hay
Apne dukh kis ko sunate ho kahan hote ho?

Mousam e gul mein nasha hijer ka berh sa jata hay
Mere sab hosh churatay ho kahan hote ho?

Sard raaton mein tumhain kaise bhula sakta hon
Aag si dil mein lagate ho kahan hote ho?

Tum tu khushion ki rafaqat k liye bichre the
Ab ager ashk bahate ho tu kahan hote ho?

Shaher k loog bhi Wasiq yahi kerte hain sawal
Ab bohat Kam nazer ate ho kahan hote ho?

Manzil Bhi Kho Chuki Hay Safar hi Nahin Raha
Meri Kisi Duaa Main Asar hee Nahin Raha

Jab Se Huyee Hai Dil Ko Khabar Hijar e Yaar Ki
Lafzon Ko Jornay Ka Hunnar hee Nahin Raha

Tu Kya Chala Gaya K Main sab kuch hi Kho Chuka
Manzil ko chhorh de K Safar hee Nahin Raha

Awaargi Main Lutf Kahan ab Azaab Hai
Par Kya Karoonga Loat K, Ghar hee Nahin Raha

Ginti K Din Hain Mout Main Lakin Ye Waqt Bhi
Kuchh aisey Tham Gaya Hai Guzar hee Nahin Raha

Dafna Do Mujhko Mout Se Pehle hii dosto
Ab mai Kisi Ka Jaan e Jigar hee Nahin Raha

Tu bata dil-e- betaab, kahan aate hain,
Humko khush rehne ke aadaab kahan aate hain

Main to yakmusht usse saunp doon sab-kuch lekin
Ek muthi mein mere khwaab kahan aate hain

Muddaton baad tujhe dekh ke dil bhar aaya
Warna sehraon mein selaab kahan aate hain

Meri bedaar nigahon mein agar bhuule se
Neend aaye bhi to ab khwaab kahan aate hain

Shiddat-e-dard hai ya kasrat-e-mee noshi hai
Hosh mein ab tere betaab kahan aate hain

Hum kisi tarah tere dar pe thikana kar lein
Hum faqeeron ko ye aadaab kahan aate hain

Sar-basar jin mein faqat teri jhalak milti thi
Ab muyassar hamein woh khwaab kahan aate hain