Search

Agar koi talash karo to mil hi jaye ga
Magar kon hamari tarha tum ko chahy ga



Tumhein zaroor koi chahtoon say dekhay ga
Magar woh ankhein hamari kahan say laye ga



Tumharay sath yeh mosam gulabon jaisa hai
Tumharay bade yeh mosam bohat rulaye ga

bisat-e-ishq me muje maat ho jaye gi
kise khabr thi k banjar ye zat ho jaye gi

shayd wo ana me pehchan-nay se inkar ker day
kabhi jo rah-e-ishq pe mulaqat ho jaye gi

judai bakhshay gi umer bhar ka adhura pun
ya hijr me mukamal meri zat ho jaye gi

us ka nam tak lene ki ijazat nhi ab to
khayal to yeh tha k kabi kabi bat ho jaye gi

guman tak na tha is qadar zawal ka aakash
socha tha k subh hote hi rat ho jaye gi

Sabeel-e-Dard Tham Jaye,Kharosh-e-Dil Thehar Jaye
Zara See Dair Ko Hangama-e-Mahfil Thehar Jaye

Shab-e-Maqtal Ka Sanata Gawahi De Na De Apni
Lahou Ki Mouj May Aks-e-Rukh-e-Qatil Thehar Jaye

Tabiat Toot Kar Chahye Talatum Ashiana Hona
Mager Tashna Labi Ki Zid Ser - e - Sahil Thehar Jaye

Muheet-e-Roz o Shab Say Aaj Tak Hum Per Nahi Utra
Woh Ek Lamha k Apni Umer Ka Hasil Thehar Jaye

Kahin To Saans Lay Thak Kar Hajoom-e-Abla Paye
Kabhi To Halqa-e-Gard-e-Safer , Manzil Thehar Jaye

Koie Hurf-e-Malamat Hoo Kar Zanjeer-e-Dua Chankaye
Kisi Awaz Per To Be Sada Sayel Thehar Jaye

Kahan K Qais Thay Hum Bhi Mager Itna Ghanimat Hai
K Dasht-e-Khawab May Akser Tera Mahmal Thehar Jaye

Bichar Kar Bhi Woh Chehra Aankh Say Hatta Nahi MOHSIN
K Jaisay Jheel Main Aks-e-Meh-e-Kamil Thehar Jaye

Kaho Phir Kiya Kia Jaye?
Mujhe Tum Achi Lagti Ho
Tumhain Main Acha Lagta Hon
Kaho Phir Kiya Kia Jaye?
Tumhari Jagmagati, Muskurati,
Geet Gati, Dil Ruba Aankhain
Boht Gehri Badi Katil Nihayat
Khushnuma Aankhain
Mere Dil Se Meri Be-tabiyon Se
Khelti Aankhain
Khamoshi Ki Zuban Me
Mujh Se Kiya Kuch Bolti Aankhain
Bazahir Doston Me Khil-Khilati
Chor Nazron Se Mujhe Muskurati
Aawaz Deti Dhondti Aankhain
Wo Meri Rouh K Rukhsar Ko
Ek Faasle Chumti Aankhain
Ye Sb Batain Batati Hay
Main Tum Ko Acha Lagta Hon
Wo Mere Zabt Kho Denay
Pe Pemaish Bhari Nazrain
Adaa-E-Be-Niazi Ka Wo Ek
Naa-Kaam Sa Manzar
Wo Ek Kamzor Si Be-ittifaqui,
Be-rukhi K Sir Pe Ek
Mohoom Si Kawish
Mujhe Han Mujhe
Yun He Nazar Andaz
Karne Ki Wo Ek
Dil-Chusp Si Koshis
Sar-E-Mehfil Tumhara Raaz
Khul Jane K Dar Se
Be-irada Ghair Ehem Logon Se
Rasm-E-Guftogu Karna
Ye Sb Batain Btati Hay
Tumhain Main Acha Lagta Hon
Kaho Phir Kiya Kia Jaye?
Mere Be-sakhta Fiqray
Mere Lehjay Ki Hr Shokhi
Mera Hr Waqt Hr Ek Simt
Tum Ko Dhondtay Rehna
Nazar Partay He Tum Pr
Zor Se Dil Ka Dharak Uthna
Ye Sb Batain Batati Hain
Mujhe Tum Achi Lagti Ho
Tumhain Main Acha Lagta Hon
Kaho Phir Kiya Kia Jaye?
Hamaray Darmiyan Rasmon, Riwajon Ka
Samaji Martabe Ka Umr Ka Or Khandanon Ka
Boht Gehra Khalaa Hay
Usay Kesay, Kesay, Kesay Pur Kiya Jaye?
Kaho Phir Kiya Kia Jaye?
Kaho Phir Kiya Kia Jaye?

Phir Aaj Koi Ghazal Us k Naam Na Ho Jaye
Aaj Kahin Likhte Likhte Sham Na Ho Jaye

Kar Rahe Hain Intezar Us k Izhar-e-Mohabbat ka
Isi Intezar Mien Kahin umar tamam Na Ho Jaye

Nahi Laite Hain Uska Naam Sar-e-Aam Is Darr Se
Kahin Naam Uska Badnaam Na Ho Jaye

Mangtay Hain Dua Jab Wo Yaad Atay Hain
K Judai Mere Pyar Ka Anjam Na Ho Jaye

Sochte Hain Aksar Darte Hain Tanhai Mien
Uske Dil Mai Kisi Aur Ka Mukam Na Ho Jaye

kyun na aaj un ko pukara jaye
dil e weeran ko sataya jaye

aaj phir un ko maana kar pal mein,
dil k zakhmon ko nikhara jaye

un ko phir aaj mana leynay ko
phool zulfon mein sajaya jaye

payaar aankhon sey ayaan hota hai
kyun bhala sab ko bataya jaye


payar ehsas hai,ik khail nahi
tum ko yeh kaisay dikhaya jaye?,

Dard Phail Jaye To
Aik Waqt Aata Hai
Dil Dharakta Rehta Hai
Aarzoo Guzeedoun Key Hosley Nhe Chaltey
Dasht E Be-Yaqeeeni Mein Aasrey Nahi Chaltey
Rah Rawoun Ki Aankhoun Mein
Manzilien Na Jab Tak Hon Qaafiley Nahi Chaltey
Eik Zara Tawajoh Sey Dekhiye To Khulta Hai
Log In Pey Chaltey Hain Raastey Nahi Chaltey
Sochney Smajhney Sey Saath Saath Chalney Sey
Dooriyaan Simateti Hain Faasley Nahi Chaltey
Khwaab Khwaab Aankhoun Mein Rat-Jagey Nahi Chaltey
Darguzar Key Halqey Mein Masley Nahi Chaltey
Do Diloun Ki Qurbat Mein Teesra Nahi Hota
Waastey Nahi Chaltey
Bakht Saath Chalta Hai
Waqt Raam Karney Mein Tajziyoun Key Daao Kiya
Tajrubey Nahi Chaltey
Ishq Key Ilaqey Mein Hukam E Yaar Chalta Hai
Zaabtey Nahi Chaltey
Husan Kii Adalat Mein Aajzii To Chaltii Hai
Martabey Nahi Chaltey
Doosti Key Rishtoun Kii Parwarish Zaroori Hai
Silsiley Taaluq Key Khud Sey Ban To Jattey Hain
Lekin In Shagoofoun Ko Tootney Bikharney Sey
Rokna Bhe Parta Hai
Chahatoun Kii Mitti Ko Aarzoo Key Powdey Ko
Seenchna Bhe Parta Hai
Ranjishou Kii Baatoun Ko Bhoolna Bhi Parta Hai

December Aa Ker Guzer Jaye Gaa
Ik Pair Kay Na Jaaney Kitnay Pattey Giraa Jaaey Gaa
December Aa Ker Guzar Jaye Gaa
Chiriyaan Chehkein Gee Yakh Basta Raaton Main
Aur Pairon Pey Aa Ker Yeh Gumsum Rahein Gee
Na Koi Huri Shaakh Ho Gee
Na Koi Patta Ho Gaa
December Aa Ker Guzar Jaye Gaa
Kitney Parindey Be Ghar Ho Jaain Gey
Jalaa Dey Gee Unn Ko December Ki Thandi Hawa
Na Jaaney Kitney Khwaab Bin Taabeer Dhal Jaain Gey
December Aa Ker Guzar Jaye Gaa
Ik Pair Kay Na Jaaney Kitney Pattey Giraa Jaye Gaa

Tay Honge Kis Tarah Ye Maraahil Kaha Na Jaye
Is Teeragi Men Kyaa Hai Muqaabil Kaha Na Jaye

Khud De Diye Hain Main Ne Usey Haath Kaat Kar
Vo Likh Diyaa Hai Jo Sar-E-Mahafil Kaha Na Jaye

Patthar Hue Vo Lafz K The Jeete Jaagate
Is Khaamashi Se Kya Hua Haasil Kaha Na Jaye

Ab Tak To Chal Rahe Hain Tere Saath Saath Ham
Aayengi Kis Jagah Had-E-Faasil Kaha Na Jaye

Nasha Hai Ya Ke Zehar Fizaa Men Mila Hua
Kuch Hai Har Ek Cheez Men Shaamil Kaha Na Jaye

Aakhir Kahin To Baith Gaye Paaon Tor Kar
Phir Kya Kahenge Agar Ise Manzil Kaha Na Jaye

Ye Aur Baat Kuchh Bhi Dikhaai Na De Sake
Aankhen Khuli Hui Hon To Ghaafil Kaha Na Jaye