Search

garmii-e-hasarat-e-naakaam se jal jaate hain
ham charaaGon kii tarah shaam se jal jaate hain

Khudanumaii to nahi shevaa-e-arabaab-e-vafaa
jin ko jalna ho vo aaraaam se jal jaate hain

shamaa jis aag men jaltii hai numaaish ke liye
ham usii aag men gumanaam se jal jaate hain

jab bhii aataa hai meraa naam tere naam ke saath
jaane kyuN log mere naam se jal jaate hain

rabtaa baaham pe hamen kyaa na kahenge dushman
aashna jab tere paiGaam se jal jaataa hai

Jb khwab ki titli ky par jal jaen ...
To Talakh haqeqaton ka zeher ragon min utarny lagta hy...

dil mera soz e nihaan se be-muhaaba jal gaya
aatish e khaamosh ki maanind goya jal gaya
dil mein zouq e vasl o yaad e yaar tak baaqi nahin
aag is ghar mein lagi aisi ke jo tha jal gaya
main adam se bhi paray hoon verna ghaafil! baarha
meri aah e aatsheen se baal e anqa jal gaya
arz keejay johar e andesha ki garmi kahaan!
kuch khyaal aaya tha vehshat ka ke sehra jal gaya
dil nahin, tujh ko dikhaata verna, daaghon ki bahaar
is chiraaghaan ka, karoon kya, kaarfarma jal gaya
main hoon aur afsurdagi ki aarzoo, ghalib! keh dil
dekh kar tarz e tapaak e ehl e duniya jal gaya

Garmi-e-Hasrat-e-NaKaam Se Jal Jaatay Hain

Ham Charaaghon Ki Tarah Shaam Se Jal Jaatay Hain


Shamaa Jis Aag Mein Jalti Hai Numaaish Ke Lye

Ham Isi Aag Mein Gumnaam Se Jal Jaatay Hain


Khud-Numaayi Tou Nahee Shewa-e-Arbaab-e-Wafa

Jin Ko Jalna Ho Wo Aaraam Se Jal Jaatay Hain


Bach Nikaltay Hain Agar Aatish-e-Sayyaal Se Ham

Shola-e-Aariz-e-Gulfaam Se Jal Jaatay Hain


Jab Bhee Aata Hai Mera Naam Tere Naam Ke Saath

Jaanay Kiun Loog Mere Naam Se Jal Jaatay Hain ?

Ik Diya Hoon

Taiz Hawaon Key Jhonkon Sey,

Bus Bujh Gaya Hoon

Main Jal raha Tha Barsoon Sey,

Roshan Raha Tha sadion Sey

Ab Bujh Gaya Hoon

Haan Main Ik Diya Hoon

Jalta Tha To Roshni Thi,

Andhairoon Mai Ghir Gaya Hoon

Main Bujh Gaya Hoon

Main Ik Diya Hoon

Mujh Sey Wabasta lamhoon Ney,

Moo Mujhsey Morr Liya Hey

Merey Andhairoon Ko

Merey Sang Akaila ChoAr Diya Hey

Bus Abb Aandhiyoun Ka Intizar Hey,

Mera Abb Rahna Bekaar Hey

Main ab Bujh Gaya Hoon

Haan Main Ik Diya Hoon...!

saare badan ka Khuun pasiine men jal gaya
itanaa chale ke jism hamaaraa pighal gayaa

chalte chalte gin rahe the musiibat ke raat din
dam lene ham jo baiTh gaye dam nikl gayaa

achchhaa huaa jo raah men Thokar lagi hamen
ham gir pare to sara zamaana sambhal gaya

vahashat men koi sath hamaara na de saka
daman ki fikr ki to garebaaN jal gaya

badan ke donoN kinaaroN se jal rahaa huuN maiN
ke chhuu rahaa huuN tujhe, aur pighal rahaa huuN maiN

tujh hi pe Khatm hai jaanaaN mire zavaal kii raat
tuu ab tulu bhii ho jaa, ke Dhal rahaa huuN maiN

bulaa rahaa hai miraa jaama zeb milne ko
to aaj pairahan-e-jaaN badal rahaa huuN maiN

Ghubaar-e-rahguzar kaa ye hauslaa bhii to dekh
havaa-e-taazaa! tairay saath chal rahaa huuN maiN

maiN Khvaab dekh rahaa huuN ke vo pukarta hai
aur apne jism se baahar nikal rahaa huuN maiN

Zehnon Mein Khayaal Jal Rahe Hain
Sochon Ke Alaau Se Lage Hain

Duniya Ki Girift Mein Hain Saaye
Ham Apna Vujood Dhundhate Hain

Ab Bhook Se Koi Kya Marega
Mandii Mein Zameer Bik Rahe Hain

Maazi Mein To Sirf Dil Dukhate The
Is Daur Mein Zehan Bhi Dukhtay Hain

Sir Kataate The Kabhi Shayan e Shaan
Ab Log Zubaan Kaatate Hain

Ham Kaise Chhurraayen Shab Se Daaman
Din Nikala To Saaye Chal Parre Hai.N

Laashon Ke Hujuum Mein Bhi Hans Dein
Ab Aise Bhii Hausale Kisey Hain

Mujhe teri mohabbat mein kho jaane do
har lamha mar k aaj phir jee jaane do
issi mahobbat ne dil ko aaj phir dhadkaya hai
mujhe ishq ki baahon mein so jaane do
tadap ki aag hai judaai ki baahon mein
mujhe aaj is mohabbat se mill jaane do
meri saans chalti hai tere naam ki aahat peh
mujh benaam ko is naam mein kho jaane do
kasam tujhe chalne wali hawaon ki mehboob
mujhe is mohabbat ki aag mein jal jaane do