Search

Mit gaya hun mujh ko mita rehnay do
Meray jazbat k sholon ko bujha rehnay do

Dard sehnay ki ho gai hai ab aadat mujh ko
Meray rastay hoe zakhmon ko haraa rehnay do

Ab to tabeer ki hasrat hi nahi hai mujh ko
Meri ankhon mein mera khawab chupa rehnay do

Muskurahat pe mera haq he nahe hai yaaro
Meray honton say tabassum ko khafa rehnay do

Dil jo toota hai to ankhein na chalak jayen
Aaj ankhon ko in ashkon say bhara rehnay do... .

ranjish hi sahi dil hi dukhaane ke liye aa
aa phir se mujhe chhor ke jaane ke liye aa
pahale se marasim na sahi phir bhi kabhi to
rasm-e-duniya hi nibhanay ke liye aa
kis kis ko batayen ge judai ka sabab ham
tu mujh se Khafa hai to zamane ke liye aa
kuchh to mere pindaar-e-muhabbat ka bharam rakh
tu bhi to kabhi mujh ko manaane ke liye aa
ek umr se hoon lazzat-e-giriyaa se bhi mehroom
ay raahat-e-jaan mujh ko rulaane ke liye aa
ab tak dil-e-Khush feham ko tujh se hain umeedain
ye aakhri shammen bhi bujhaane ke liye aa
maana ki muhabbat ka chupana hai muhabbat
chup ke se kisi roz jatane ke liye aa
jaise tujhe aate hain na aane ke bahaane
aisay hi kisi roz na jaane ke liye aa

Mera sawan bhi tum ho meri pyas bhi tum ho
Sehra ki banhon me chupi aas bhi tum ho

Tum yoon to boht door boht door ho mujhse
Ahsas ye hota he mere paas bhi tum ho

Har zakhm ki aaghosh me he dard tumhara
Har door me taskeen ka ahsas bhi tum ho

Kho jao to veeran si ho jati he raahain
Mil jao to phir jine ka ahsas bhi tum ho

Likhta hoon to tum hi utarti ho qalam se
Parhta hoon to lehja bhi tum aawaz bhi tum ho

gum shudah mohabbat ke khwaaboN ki tarah hai
woh rooh ke sehraa mein saraabon ki tarah hai

woh zeest kay maktab meiN nisaaboN ki tarah hai
paRhta hooN usay roz kitaaboN ki tarah hai

ab un say khayaaloN meiN hi ho jaati heiN baateN
go beech meiN parda sa hijaaboN ki tarah hai

us shakhs kay lehjay meiN sheeshe ki khanak hai
rag rag meiN utarta hai sharaaboN ki tarah hai

us shakhs kay paikar meiN hai shaakhoN ki lachak si
us shakhs ka chehraa bhi gulaaboN ki tarah hai

jo wasl ki raatoN meiN hai ik maah-e-munawwar
furqat meiN wohi shakhs azaboon ki tarah hai

sab ko dil kay daagh dikhaye ik tujhi ko dikha na sakay

tera daaman door nahin tha,haath hum hi phela na sakay

tu ay dost kahan lay aaya chehra yeh khursheed jamal

seenay main abaad karain gay,aankhon main to sama na sakay

na tujh say kuch hum ko nisbat,na tujh ko kuch hum say kaam

hum ko yeh maloom tha laikin dil ko yeh samjha na sakay

ab tujh say kis munh say keh dain saat samander paar na ja

paich ki ik deewar bhi hum to phalang na paye dhaa na sakay

mann papi ki ujri khaiti sookhi ki sookhi hi rahi

gargay baadal,bondain do barsa na sakay

Zard patton ki tarah khuwaab bikhar jate hain
dard lamhay tu meri jaan main utar jate hain

main wafaon ki hatheli pe likhi tehreerain
parhna chahon tu sabhi harf mukar jate hain

dil ko hairat hai ke chup chaap guzarte lamhay
kis tarah aankh ki putli main thehar jate hain

umar sehra main katay ya gham-e-tanhai main
aakhir waqt to saaray hi guzar jate hain

ab tau ye hai ke teri yaad main bheegay manzar
chaltay chaltay mere hathon se bikhar jate hain

kehta hi raha tujhse ke piyary nahi achay
her waqt yeh palkon pe sitare nahi achay

us roz se mosam bhi bohat talkh huwa hai
jis roz se taiwar yeh tumaray nahi achay

un hi se to abaad hai yeh shehar-e-muhabbat
kehte ho jinhain dard k maaray nahi achay

es shehar mein tera bhi koi jurm to hoga
ilzaam meri zaat pe saaray nahi achay

aise to parindon ki yeh hijrat nahi hai
lagta hai ke mosam k ishaaray nahi achay

Agar koi talash karo to mil hi jaye ga
Magar kon hamari tarha tum ko chahy ga



Tumhein zaroor koi chahtoon say dekhay ga
Magar woh ankhein hamari kahan say laye ga



Tumharay sath yeh mosam gulabon jaisa hai
Tumharay bade yeh mosam bohat rulaye ga

Pyaar Tu Jis Haal Main Ho Dard Deta Hay

Kabhi Apno Ki Judaii Say

Kabhi Kisi Ki Be Wafai Say

Kabhi Adhoray Khowabon Say

Kabhi Jhootay Waadon Say

Pyaar Humesha Dard Deta Hay

Kabhi Roh Ki Tarap Ban Kar

Kabhi Dilon Ki Kasak Ban Kar

Kabhi Tamasha Ban Kar

Kabhi Bharosa Chura Kar

Pyaar Humesha Dard Hi Deta Hay