Search

Suna he aaj kal woh pareshan rehti hay
us se kehna befikar hm bhi nahi hain

suna he woh gum sum rehti hay
us se kehna hosh me hm bhi nahi hain

suna he woh raaton ko jaaga karti hay
us se kehna sote hm bhi nahi hn

suna he woh chuup chuup k roti hay
us se kehna hanste hm bhi nahi hain

suna he woh mujhe bohat yaad karti hay
us se kehna bhoole hum bhi nahi hain

suna he us ne wafa ka daawa kiya hay
us se kehna bewafa hum bhi nahi hain...

Wo pari pekar husan o jamal me kuch esa kamal rakhta hai
K chand chura k roshni us k chehre ki snbhal rakhta hai

Maana k mehak chaman ki bohat khush numa hay lekin
Wo phol rang bhi to khushbu kamal rakhta hai

Me us ko dekhon to nazar thehar jati hay
Wo apne chehre me bla ka nikhaar rakhta hay

Me kia kahon us pe k alfaz kam numa hen mere
Fakat itna hi kehta hon k wo gazab ka jamal rakhta hay

Us k honton se sunnay ko tarasta tha kabhi
Wohi naam mera ab vo vird-e-zuban rakhta hay

ABHI WO SHAM THEHRI HAY
JIS SHAM K HATHON MAAT HOI

ABHI WO MAAT GHRI HAY
WO DARWAZY PR LIKHY HOWY
KUCH LAFZ ABHI TK BAAKI HAIN
UN LAFZON PR ZANGERAIN HAIN
KUCH ANKAHI C BATON KI
MEHVE TAMASHA TASVERAIN HAIN
WO ROOG LAGA JO JEEWAN KO
WO ROOG ABHI TK BAKI HE
KUCH RUH KI GEHRAIYOUN ME
WO SOOG ABHI TK BAKI HAY..

Yeh ajeeb marhalay hain, Yeh ajeeb silsilay hain
ke jahaaN say hum chalay thay, ussi moR pay kharay hain

Wohi raasta hamara hay wohi dagar humari
jo na jaaey manziloN tak yeh wohi to raastay hain

rahay sath sath har pal na gumaan hoa yeh mil kar
jissey dostii thay kehtay woh kuch aur silsilay hain

ye saraab to nahi he koi khawaab to nahi hay
zara aap hi bataain yeh jo hum mein hain fasilain

nahiN mumkin uss ko paana tou phir uss say kyuN milaiN hum
karaiN justuju bhii kyuN hum issi soch meiN paRRay haiN

tare naam zindgani hay yehi meri kahaani
meri zindagi me roshan teri yaad ke diye hain

meri qurbatoon se pehlay, zara juratoon say pehlay
merii jaan soch lenaa keh yeh raastay karray haiN

Chaman ka haal to yeh hay ke khaak urrti hay

kidhar say ho kay bahaaroN kay kaarwaaN guzray

dayaar-e-yaar ka saara safar anokha tha

qadam, qadam pay naya day kay imtehaaN guzrey

saba bhi aai to phooloN kay muNh jhulsa kay gai

yahaaN say abr bhi barsaa kay bijliyaaN guzray

kabhi to waar raqeeboN kay day gaey thay mazaa

kabhi to pyar azeezoN kay bhi giraaN guzray

ay dil sambhal ke kisi ko hisaab daina hay

ke zindagaani kay lamhey kahaN, kahaN guzray

usay jab yaad aaye ga, ke saawan laut aaya hay
bula le ga wo mujh ko ya khud hi laut aaye ga

usay jab yaad aaye ga, main kaise muskuraata tha
to aankhein muskurayen gi, ya daaman bheeg jaaye ga

usay jab yaad aaye ga, main kaise naam leta tha
to mera naam likhe ga, ya apna bhi mitaaye ga

usay jab yaad aaye ga, mera khaamosh sa rehna
to sab ko bol de ga wo ya khud se bhi chupaaye ga

usay jab yaad aaye ga, mera nange sar phirna
to bijli ban ke karkay ga, ya baadal ban ke chaaye ga

usay jab yaad aaye ga, mera chalna, mera phirna
to raah mein khaar boye ga, ya phir palkein bichaye ga

Goya Andaz-e-Shahana Hay Ameero Jaisa
Mere Andar Ka Hay Insan Faqeeron Jaisa

Hum Ne Chehre Pe Saja Rakhi Hay Shehar Ki Ronaq
Mere Dil Ka Aalam Hay Veeran Jazeron Jaisa

Us ke Osaaf o Khasayel Ne Mujhe Jeet Liya
Mere Mureedon Mein Wo Shakhs Tha Peeron Jaisa

es Se Pehley Thi Aseeri Bhi Rihai Jaisi
Ab K Azadi Mein Hay Haal Aseeron Jaisa

Usko Ganwa Kar Hain Khasaray Ab Tak MoHsiN
Wo Jo Ek Shakhs Tha Mere Paas Heeron Jaisa