Search

Jab Bhi Milta Hay Ak Zakham Naya Deta Hay
Kuch Is Tarah Meri Wafaon Ka Sila Deta Hay

Yon Tu Meri Aankhon Say Usay Pyaar Bohat Hay
Jab Bhi Jee Chahay Us Main Ashk Saja Deta Hay

Khud Ko Ganwa Kar Usay Main Nay Paya Hay
Is Baat Ki Bhi Wo Mujh Ko Saza Deta Hay

Wo Jo Ak Shaks Meray DIL Pay Raaj Karta Hay
Kabhi Hukum Deta Hay Marnay Ka, Kabhi Jeenay Ki Dua Deta Hay

Gila Jo Karon Us Say Be Rukhi Ka Main
Khud Hansta Hay Or Mujh Ko Rula Deta Hay

suna hai teray shaher may nazool-e-wafa ka mousam hota hay
muhabat ka sawan aur rang-o-noor ka aalam hota hai

suna hai wahan diloon ka milan hota hai
rohoon ka visal aur hijar ka inkar hota hai

wahan zulf bikhray tu raat ka aalam
jo simtay tu savera hota hai

suna hai ashk jab koi bahaye tu
wahan sawan ka mousam hota hai

taara jab bhi tootay kaheen asmaan may
nazuk hatoon may kashkool-e-dua hota hai

suna hai wahan kalaam karti hain Mohabbatein
nafratoon ka qatal-e-aam hota hai

suna hai wo bhi makeen hai teri basti ka
jo sadiyun se rooh-e-jaan hamari hota hai

usko salam-e-muhabat kehna
jiski ankh may ashk meray naam ka hota hai

wo bhi shayed mehsoos karta ho
dard jo firaaq may yahan hota hai

uski muskaan ka bhi aalm kuch biyaan ho
kia ab bhi usay dekh kar chandni ka guman hota hai

suna hai ab bhi wo nazar jhuka kar milta hai
kaheen ankh may uski piyar ka rang hota hai

chalo us basti ki janib chaltey hain Qais
jahan rang-e-qos qazah, aur raqs ishq may hota hai

Ik Aarzu Hay Poori Parwardigaar Kare
Main Dair Se Jaon Woh Mera Intizaar Kare

Apne Hathon Se Sanware Zulfain Meri
Aur Is Tarah Se Muhabbat Ka Iqraar Kare

Lipat Jaye Woh Mujh Se Aalm E Madhoshi Main
Aur Josh-O-Junoon Main Muhabbat Ka Izhaar Kare

Ho Shab Wisaal Ki Aisi Woh Ya Rab
K Choom K Matha Woh Mujhe Baidaar Kare

Usey Chhor K Chahon Ju Main Jana Kabhi
Woh Rooke Mujhe Aur Ik Aur Raat Ka Israar Kare

Kasam Khuda Ki Main Kisi Aur Ka Ho Nahi Sakta
Yeh Wada E Wafa Woh Baar Baar Kare

Tum yaad Ho To Naqsh Ho Merey HawaaS par
Tum Ashk Ho To Merey Dukhon Ka ILaaj Ho

Tum Khuwab Ho To Meri Aankhon Main Ho kahin
Tum Wehem Ho To Mujh Ko Haqeeqat Say Kia Gharaz

Tum Bayes-e-Safar Ho, Huner Ki URaan Ho
Tum Neend Ho To So K Guzarein Gay yeh Hayaat

Tum Husn Ho To Merey Takhayyul Ki Jaan Ho
Tum Raat Ho To Mujh Ko Nahin Subah Ki Talab

Tum Noor Bun k DiL Main Samaey Ho Aaj kal
Tum Khaak Ho To Khaak Nasheenon Ki Ho Talash

Tum Dard Ho To Rooh Peh Chhaye Ho Aaj Kal
Tum Dasht Ho To Main Bhi Musafir Hoon Dasht ki

Tum Chaand Ho To Talkh Andheron Ki Fiker Kiya
Tum Bay Neyaz Ho To Zamanay Say Ho Alag

Tum Rung Ho To Phir yeh Baharon ka Zikr Kiya
Tum Bay Samar Ruton Main, Baharon Ki Ho Umeed

Tum RahGuzar-e-Shauq Main Jazba Junoon Ka Ho
Tum Arzoo Ho, Ehl -e- Tamanna Ki Ho Khalish

Tum Rut-Jagon Ki BheeR Main Lamha Sakoon Ka Ho
Tum Bewafa Ruton Main Hawala Ho IshQ Ka

Tum Baybasi Ho Phir Bhi Muheet-e-Hawaas Ho
Tum Ik Kiran Ho Noor-e-Azal Main Dhali Hui

Tum Taazgi Ho, Shabnami Phoolon Ki Aass Ho
Tum Gehrey Paniyon Main Chupay Motiyon ka Lams

Tum Maut K Safar Main Nishan -e- Hayat Ho
Tum Meri Chashm-e-Num K Sitaron Ki Kehkashaan

Tum Husn-e-BayMissal, Meri Kayenaat Ho
Tum Jab Say Ho Gaey Ho Meri Dastras Say Dour

Main Jee rahi Hoon Kion K Zaroori Hay Zindagi
Saanson K Bojh Ko Bhi uThaya hay Rooh Nay

Lekin Terey Bagheir...
Adhoori hay Zindagi

Dareeche Se Jhankti Wo Larki Ajeeb Dukh Se Bhari Hui Hay,
K Us K Aangan Me Phool Par Ek Neeli Titli Mari Hui Hay

Kabhi Azaanon Me Khoi Khoi , Kabhi Namazon Me Roi Roi,
Wo Aesey Dunya Ko Dekhti Hay, K Jesey Is Se Darii Hui Hay

Durood Se Mehki Mehki Sansen, Wazifa Parhti Hui Wo Ankhen,
K Ek Shamma-E-Umeed Un Me, Kai Baras Se Dhari Hui Hay

Wo Dukh Ki Chadar Me Lipti Lipti, Wo Kaley Kapron Me Simti Simti,
Muhabbat Us Ne Kisi Se, Shayad Meri Tarah Hi Kari Hui Hay

Barrey Zamanoon K Baad Barsi Hain Meri Aankhen Kisi Ki Khatir,
Bare Zamanoon K Baad Dil Ki Zameen Phir Se Huri Hui Hay...

Ye Zaroori Hay K Hum Tumse Muhabbat Karlen
Or Phir Hum Tumhen Paayen Ye Zaroori To Nahi

Ye Zaroori Hay K Hum Ehd E Wafa Bhi Karlen
Or Phir Usko Nibhayen Ye Zaroori To Nahi

Haan Zaroori Hay K Ik Saath Chalain Hum Donon
Or Manzil Ko Bhi Paayen Ye Zaroori To Nahi

Gar Zaroori Hay Tumhen Tark E Taaluq Karna
Chorr Kar Hum Bhi Chale Jaayen Ye Zaroori To Nahi

Ye Zaroori Hay Sunayen Unhen Afsana E Dil
Zakhm E Dil Sab Ko Dikhaayain Ye Zaroori To Nahi

Gar Zaroori Hay Teri Bazm E Sukhan Main Shirkat
Sher Hum Apne Sunaayen Ye Zaroori To Nahi

Shab-E-Hijran Ki Aziyat Ki Khabar Kis Ko Hay
Meri Gumnaam Muhabbat Ki Khabbar Kis Ko Hay

Kis Ko Ahsaas Meri Shidat-E-Jazbat Ka Hay
Meray Halaat Mery Wahshat Ki Khabar Kis Ko Hay

Main Nay Chup Chaap Muhabbat Kay Sitam Jheelay Hain
Meri Iss Darjah Sharaafat Ki Khabar Kis Ko Hay

Phir Kisi Yad Nay Shab Bhar Hay Jagaya Mujh Ko
Kiya Saza Di Hay Mohabat Nay Khudaya Mujh Ko

Din Ko Aaram Hay Na Rat Ko Hay Chain Kabhi
Janay Kis Khaak Say Qudrat Nay Banaya Mujh Ko

Dukh To Yeh Hay Keh Zamanay Main Milay Ghair Sabhi
Jo Mila Hay Woh Mila Ban Kay Paraya Mujh Ko

Jab Koi Bhi Na Raha Kandha Meray Ronay Ko
Ghar Ki Deewaron Nay Seenay Say Lagaya Mujh Ko

Uoon To Umeed-E-Wafa Tum Say Nahein Hay Koi
Phir Charaghon Ki Tarah Kis Nay Jalaya Mujh Ko

Bewafa Zindagi Nay Jab Chorh Diya Hay Tanha
Maot Nay Piyar Say Pehloo Main Bithaya Mujh Ko

Woh Diya Hoon Jo Mohabat Nay Jalaya Tha Kabhi
Gham Ki Andhi Nay Sar-E-Sham Bujhaya Mujh Ko

Kaisay Bhoolon Ga Wohi Wasl Kay Lamhay
Yad Aata Raha Zulfon Ka Hi Saya Mujh Ko..

Musalsal Sooch Main Rehna
Kisi Say Kuch Nahi Kahna
Kisi Gooshay Main Chup Kay
Khud Say Mehw-E-Guftgu Rehna

Achanak Dil Main Koe Metha Metha Dard Uthna
Bay Sabab Bay Cheen Ho Jana
Akelay Beth Kay Roona
Kaee Raatain Nahi Soona
Wo Pehron Bethay Bethay
Janay Kis Manzer Main Kho Jana
Kisi Aahat Kisi Bhi Chaap Say
Phir Choonk Si Perna
Meray Saaey Ay Bachana
Samnay Aanay Say Katrana

Suno Pagal Si Ae Larki
Kahi Or Ankahi Kay Dermiyan
Sooli Pay Latki Ho
Tumhain Maloom Hay Tum Jaan Kar
Manzil Say Bhatki Ho?
Yea Mana Tum Bohat Khuddar Ho
Per Yea Haqeeqat Hay
Ana Ik Had Tak Achi Hay
Magar Is Had Kay Aagay
Yea Mehaz Ik Khud Farebi Hay
Azeeyat Sah Rahi Ho Or Chup Ho
Kia Qiyamat Hay
Tum Akhir Kyun Nahi Kehtin
Tumhain Mujh Say Muhabbat Hay.