Search

ye kyaa sitam hai ke ehsaas-e-dard bhii kam hai
shab-e-firaaq sitaaroN meN roshnii kam hai

ye kaisii mauj-e-karam thii nigaah-e-saaqii meN
ke us ke baad se tuufaan-e-tishnagi kam hai

qareeb o duur se aatii hai aap kii aavaaz
kabhii bahut hai Gham-e-justujuu, kabhii kam hai

shauur-e-ishq ab aayaa hai apnii manzil par
huzuur-e-husn tamannaa-e-beKhudi kam hai

tamaam umr teraa intizaar kar leNge
magar ye ranj rahegaa ke zindagii kam hai

urooj-e-maah ko insaaN samajh gayaa lekin
hunooz azmat-e-insaaN se aagahii kam hai

na the bahaar-e-chaman ham magar ye sunte haiN
hamaare baad guloN meN shaguftagi kam hai

na saath deNgii ye dam toRti hoi shamain
naye chiraaGh jalao ke roshnii kam hai....!

Lo tum Jeetay , Haaray ham…
Laikin AB itraoo Kam…

Khair Tumharay Dewanay ki…
Aik Mohabbat, Lakhon gham…

Seedhi Sachi Batain hain,..
Ziada hon, ya hon kam…

Ab ye Bojh nahe uthTa..
Wapis Lay lo apnay Gham..

Ham bhi Majnu Jaise hain..
Shouk Ziyada, Himmat kam..

Barsay to do AnSou thay..
Tarsay to Sehra they ham..

qasoor tha Mairay dil ka bhi…
Ab koi to ho ga na Marham….

Tumhain Maloom Hai Ham Ne
Kisi K Hijar Main Ye Zindagi Kaise Guzari Hai
Har Ik Khusboo Ki Aahat Per
Guman Us Ka Guzarta Hai
Har Ek Saaat Pe Dil Aankhon Main Aaker Beth Jata Hai
Kayi Pehlo Badalti Khuwahishain Hathon Ko Phelaye
Duain Mangti Aur Hanpti
Dil Se Guzarti Hain
Magar Jo Hijar Lahaq Hai
Wo Jism-O-Jan Ki Dewarain Girata Hai
Umeedo Beem Ki Aankhon Se
Beenai K Sab Manzaroon Ko Khak Karta Aur Mitata Hai
So Ham Bhi Khak Hain
Aur Khak Ki Qismat Main Likha Gia Hai
Be Aman Rehna

Us bewafa ka shahar hai aur ham hain dosto
ashk-e-rawan ki nehar hai aur ham hain dosto

Sham-e-alam Dhali to chali dard ki hawa !
raton ka pichla pehar hai aur ham hain dosto

Ankhon mein urr rahi hai luti mehafilon ki dhool
ibrat saraye dehar hai aur ham hain dosto

Ye ajanabi si manzilein aur raftagaan ki yaad
tanhaiyon ka zehar hai aur ham hain dosto

ab ke ham bichhRe to shaayad kabhii KhvaaboN meN mileN
jis tarah sokhe hue phuul kitaaboN meN mileN

Dhoundh ujRe hue logoN meN vafaa ke motii
ye Khazaane tujhe mumkin hai Kharabon meN mileN

tuu Khudaa hai na meraa ishq farishtoN jaisaa
donoN insaan haiN to kyu itne hijaabon meN mileN

Gham-e-duniya bhi Gham-e-yaar me shamil kar lo
nasha barpa hai sharabain jo sharaboN meN mileN

aaj ham daar pe kheNche gaye jin baatoN par
kyaa ajab kal vo zamaane ko nisaaboN meN mileN

ab na vo maiN huN na tuu hai na vo maazii hai Faraaz
jaise do saaye tamannaa ke saraaboN meN mileN

ye jo ham hijr men divaar o darr ko daikhte hain
kabhii sabaa ko kabhii naamaabar ko daikhte hain

vo aaye ghar men hamaare Khudaa kii qudarat hai
kabhii ham un ko kabhii apne ghar ko daikhte hain

nazar lage na kahin us ke dast-e-baazuu ko
ye log kyon mere zaKhm-e-jigar ko daikhte hain

tere javahir-e-tarf-e-kalma ko kyaa dekhen
ham auj-e-taalee-e-laal o gohar ko daikhte hain

aap agar ham ko mil gaye hote
bagh men phol khil gaye hote

aap ne yuN hi ghuur kar dekhaa
honTh to yuN bhii siil gaye hote

kaash ham aap is tarah milte
jaise do vaqt mil gaye hote

ham ko ahal-e-Khirad mile hi nahin
varna kuchh munafe mil gaye hote

us kii aaNkhen hi kaj nazar thin "Adam"
dil ke parde to hil gaye hote

Dil Ki Baat Labon Per Laakar Ab Tak Ham Dukh Sehtay Hain
Ham Ne Suna Tha Is Basti Mein Dil Waale Bii Rahte Hain

Beet Gaya Saawan Ka Mahina Mausam Ne Nazren Budlin
Lekin In Pyaasi Aankhon Mein Ab Tak Aansuu Bahte Hain

Aik Humain Aawaara Kahna Koi Bara Ilzaam Nahin
Duniya Waale Dil Waalon Ko Aur Bahut Kuchh Kahte Hain

Jis Kii Khaatir Shahar Bhi Chhora Jis Ke Liye Badnaam Hue
Aaj Wohi Ham Se Begaane Begaane Se Rahte Hain

Woh Jo Abhi Is Raahguzar Se Chaak E Garebaan Guzra Tha
Us Aawaara Diwaane Ko Jalib Jalib Kahte Hain.

ham bhii sharaabii tum bhii sharaabii
chhalake gulaabii chhalake gulaabii
taqadiir dil kii Khaanaa_Kharaabii

jab tak hai jiinaa Khush ho ke jii len
jab tak hai piinaa jii bhar ke pii len
hasarat na koii rah jaaye baaqii


bas raat bhar ke mehamaan ham hain
zulfon mein shab ke thore se kham hain
baaqii rahegaa saaGar na saaqii