Search

tamam shab yunhi daikhen gi soy-e-dar ankhain
tujhe ganva k na soyen gi umr bhar ankhain

tuloo-e-subah se pehley hi bujh na jayen kahin !
yeh dasht-e-shab mein sitaron ki humsafar ankhain

sitam yeh kam to nahi dil giraftagi k liye
main shehar bhar mein akaila, idher udher ankhain

shumar uski sakhavat ka kia karain k wo shakhs
chiraag baantta phirta hai chean kar ankhain

wo paas tha to zamaney ko dekhti hi na thein
bicher gaye to hoe phir se darbadar ankhain

abi kahan tuje pehchanney ki zid kijey
abi to khud se b thehri hain bekhaber ankhain

main apney ashk bachaa longa kis tarha Mohsin ?
zamana sang bakaf hai to sheeshagar ankhain...!

Halat-e-dil bhi kia ajab ho gi
Bat meri jo zair-e-lab ho gi
Tm aty ho to phool khiltay hain
Or es dil ki kia talab ho gi
Wada pyar ka jb wafa hoga
Or kitni taveel wo shab hogi
Walehana jo meri chahat hai
Tm bano gaye mery to be sabab ho gi
Subah tk tm hogay rukh pheray
Hashar ki subah or kb hogi
Nazuk badan sy jb uthy ga naqaab
Chandni me nahai shab hogi
Jb jalayen gay kashtiyan sari dost
Dastaras zindagi pe mukamal tb ho gi.

jamay gi kaisay bisaat-e-yaraan ke sheesha o jaam bujh gaye hain
sajay gi kaisay shab-e-nigaran ke dil sar-e-shaam bujh gaye hain

wo teergi hai rah-e-butaan main, charagh e rukh na shaam e wada
kiran koi arzoo ki laao ke sub dar o baam bujh gaye hain

buhat sambhala wafa ka paimaan, magar wo barsi hai ab kay burkha
har aik iqraar mit gaya hai, tamam paigham bujh gaey hain

qareeb aa ay mah e shab e gham, nazar pay khulta nahin kuch es dum
ke dil pay kis kis ka naqsh baqi hai, kaun say naam bujh gaye hain

bahar ab a kr kaya karay ge ke jin say thi jashn rang o naghma
wo gul sar-e-shakh jal gaye hain, wo dil tah-e-daam bujh gaye hain

Choti si galat fehmi karday gi juda humko
Halaat na badlain gay maloom na tha humko

Rishton ki hamain itni pehchaan na thi pahlay
Kehnay ko marasim to apnay thay bohot gehray

Ashkon k siwa likin kuch na mila humko
Halaat na badlain gay maloom na tha humko

Uthtay hoay qadmoon main zanjeer se par jati
Ahsaas nidamat say dehleez pighal jati

Ik baar mohabbat say daytay jo sada humko
Halaat na badlain gay maloom na tha humko

Choti si galat fehmi karday gi juda humko
Halaat na badlain gay maloom na tha humko

Mere janey pe ay jana

Pareshan tum nahin hona

Kabhi chhup kar nahin rona

Judai zehar hoti hai

Mujhey maloom hai lekin

Firaq o hijar ka mosam

Yaqenan beet jaye ga

Yaqenan wasl k lamhe

dobara lout aayen ge

Wohi shaamen' wohi raaten

Wohi qissey' wohi baaten

Wohi phir dastan ho gi

Mohabbat mehraban ho gi..

Choti si galat fehmi karday gi juda humko
Halaat na badlain gay maloom na tha humko

Rishton ki hamain itni pehchaan na thi pahlay
Kehnay ko marasim to apnay thay bohot gehray

Ashkon k siwa likin kuch na mila humko
Halaat na badlain gay maloom na tha humko

Uthtay hoay qadmoon main zanjeer se parr jati
Ahsaas nidamat say dehleez pighal jati

Ik baar mohabbat say daytay jo sada humko
Halaat na badlain gay maloom na tha humko

Choti si galat fehmi karday gi juda humko
Halaat na badlain gay maloom na tha humko

Mohabbat Meharbaa Ho Gi

Pareshan Tum Nahi Hona

Kabhi Choup Kar Nahi Rona

Kabhi Udaas Mat Hona

Judaii Zehar Hoti Hay

Mujhay Maloom Hay Lakin

Firaaq -e- Hijar Ka Mousam

Yaqeenan Beet Jaye Ga

Yaqeenan Wasaal Kay Lamhay

Dobara Lout Aaye Gaye

Wahi Shamain Wahi Ratain

Wahi Qissay Wahi Baatain

Wahi Phir Dastan Ho Gi

MOHABBAT Meharbaan Ho Gi

Mujhe Kaamil Yaqeen Hai Tum Meri Ho Jao Gi Ik Din
Tumhare Dil Main Utrain Gay, Muhabbat Ki Sada Ban Kar


Mere Josh-e-Junoon Par Saari Khalqat Mujh Ko Takti Hai
Zara Tum Bhi Nazar Dalo, Na Betho Youn Khuda Ban Kar


Tumhein Ye Raaz Batla Doon, K Aksar Chand Raaton Main
Tere Aangan MaiN Aata Hoon SitarOn Ki Zia Ban Kar


Jigar Ka Khoon Laya Hoon Tairay Singhar Ki Khaatir
Hatheli Per Racha Lena Ye Mehke Ga Heena Ban Ker

Aankhain khuli rahain gi toh manzar bhi ayeenge
Zinda hai dil toh aur sitamgarr bhi ayeenge

Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayeenge

Gehri khamosh jheel kay paani ko yun na chairh
Cheenthay uday toh teri qaba par bhi ayeenge

Khud ko chhupa na sheesha garoon ki dukhaan mai
Sheeshay chamak rahey hain toh pathar bhi ayeenge

Ay shehr yaar dasht say fursat nahi magar
Niklay safar pay hum toh teray ghar bhi ayeenge

Mohsin abhi saba ki sakhawat pay khush na ho
Jhonkay yehi basoorat-e-sar sar bhi ayeenge