Search

Pathar he sahi, raah mein hayal tu rahoon ga
Kuch dair taira mud'e muqabal tu rahoon ga

Jab tuk tairi bakhshish ka bahram khul nahi jata
Aye mairay sakhee, mein taira sayaal tu rahoon ga

Iss wastay zinda hoon sar maqtal e yaraan
Wabasta e kam zarfi e qatal tu rahoon ga

aye taiz hawa maira dhowaan daikh kay jana
Bujh kar bhi nishaan e rah e manzil tu rahoon ga..!

Dushman he sahi naam tu lay ga maira tu bhi
Youn mein tairi awaaz mein shamil tu rahoon ga

Jab tum mein baghawat na karoon jabar o sitam say
Zindaan mein hoon paband e salasal tu rahoon ga

Mohsin Zad e ada say agar mar bhi gaya mein
Mayaar e tameez e haq o batil tu rahoon ga...!!!,

Ye Naam Mumkin Nahi Rahy Ga, Maqam Mumkin Nahi Rahy Ga,
Ghuroor Lehjy Mein Aa Gaya To Kalam Mumkin Nahi Rahy Ga..

Ye Barf Mosam Jo Shehar-E-Jaan Mein Kuch Aur Lamhy Thehr Gaya To..
Lahu Ka Dil Ki Kisi Gali Mein Qayam Mumkin Nahi Rahy Ga..

Wafa Ka Kaghaz To Bheeg Jaye Ga Badgumani Ki Barishon Mein,
Khaton Ki Baaten To Khawab Hon Gi Payam Mumkin Nahi Rahy Ga.

Main Janti Hun Mujhy Yaqeen Hai Agr Kabhi Tu Mujhy Bhula De,
To Teri Ankhon Mein Roshni Ka Qayam Mumkin Nahi Rahy Ga.

Ye Hum Mohabbat Mein La'taaluq Se Ho Rahy Hain To Dekh Lena,,
Duaen To Khair Kon De Ga Salam Mumkin Nahi Rahy Ga..
,

dil kay sunsaan jazero ki khabar laye ga
dard pehlu say juda ho kay kahan jayae ga

kon hota hai kisi ka shab_e_ tanhaaee mein
gham_e_ furqat he gham_e_ ishq ko behlaye ga

chaand kay pehlu mein dam sadh kay roti hai kiran
aaj taron ka fasoon khaak nazar aaye ga

raakh mein aag dabi hai gham_e_ mehroomi ki
raakh ho kar bhi yeh shola hamein sulghaye ga

waqt khamosh hai rothay huay yaaron ki tarah
kon lo detay huay zakhmo ko sahaily ga

zindagi chal keh zara mout ka dam khamm dekhin
warna yeh jazbah lehad tak hamein lay jayae ga

Apnay Ghar Ki Khirki Say Aasmaan Ko Dekhon Ga
Jis Per Tera Naam Likha Hay Us Taaray Ko Dhundon Ga

Tum Bhi Har Shab Dia Jala Kar Palkon Ki Dehleez Pay Rakhna
Main Bhi Rooz Ak Khowab Tumhara Shaher Ki Janib Bhejon Ga

Hijar Kay Darya Main Tum Parhna Lehron K Tahreerain Bhi
Pani Ki Har Satah Pay Main Kuch Dil Ki Baatein Likhon Ga

Jis Tanha Say Pair Kay Nechay Hum Barish Main Bheegay Thay
Tum Bhi Us Ko Chho Kay Guzarna , Main Bhi Us Say Lipton Ga

Khowab Musafir Lamhon Kay Hain, Saath Kaha Tak Jaaye Gay
Tum Nay Bilkul Theek Kaha Hay, Main Bhi Ab Kuch Sochon Ga,

Do Ghont Ka Ay Saqi, Ilzam Nahi Loon Ga,
Main Tishna-Labi De Kar Ek Jaam Nahi Loon Ga.

Izhar-E-Tamnna Hi Toheen-E-Tamnna Hai,
Tum Khud Hi Samjh Jao Main Naam Nahi Loon Ga.

Jo Sham Jagati Ho, Jo Subah Sulaati Ho,
Wo Subah Nahi Loon Ga Wo Shaam Nahi Loon Ga.

Ik Sajda-E-Masti Ki Tofeeq Ata Kar De,
Phir Apni Jabeen Se Main Kuch Kaam Nahi Loon Ga.

Ay Ahl-E-Chaman Rakh Lo Ye Tohfa-E-Gul Apna,
Mujh Ko Mera Haq De Do Inaam Nahi Loon Ga.

Likhon Ga Jab Main Afsana Mohabbat Ka,,
Aaghaz To Le Loon Ga, Anjaam Nahi Loon Ga..,

Na Chairho Khilti Kalyon, Hanste Phoolon Ko
In Urti Titliyon, Aawara Bhawron Ko,
Tassalsul Toot Jaay Ga!

Fiza Mehw e Samaat Hai,
Haseen Honton Ko Naghma Rez Rehne Do,
Nigahaen Neechi Rakho
Aur
Mujassam Gosh Ban Jaao
Agar Junbish Labon Ko Di,
Tassalsul Toot Jaay Ga!

Ufuq Mein Doobte Sooraj Ka Manzar
Iss Bulandi Se Zara Dekho
Issi Rangeen Kinaare Par,
Shafaq Sona Lutaye Gi
Yoonhi Tum Be- Hiss-O-Saakit Raho
Aise Mein Palkain Bhi Zara Jhapkain
Tassalsul Toot Jaay Ga!

Wo Khwabeeda Hai, Khwabeeda Hi Rehne Do
Na Jaane Khwaab Mein Kin Waaadiyon Ki Sair Karti Ho
Bulandi Se Phisalte Aabsharon Mein Kahin Gum Ho
Falak- Asaar Choti Par Kahin Mehw e Tarranum Ho
Agar Awaz Di Tum Ne
Tassalsul Toot Jaay Ga!

Main Shayar Hoon,
Meri Fikr-E- Rassa, Ehssass Ki Uss Satah Par Hai
Jiss Mein Khushboo Rang Banti Hai
Sada Ko Shakl Milti Hay
Tassavvur Bol Uthta Hai
Khamoshi Gungunaati Hai
Yeh Wo Waqfa Hai _ _ _ _ _ _ Aise Mein,
Agar Daad-E-Sukhan Bhi Di
Tassalsul Toot Jaay Ga!