Search

Dukh Dey Kar Sawaal Kartay ho,
Tum Bhe GHAALiB ! Kamaal Kartay ho..

Daikh Kar Pooch Liyaa haal meraa,
Chalo Kuch tou Khayaal Kartay ho..

Shehar-e-Dil mey Ye Udaasiyaan Kaisi ??
Ye Bhe mujh say Sawaal Kartay ho

Marnaa Chaahain tou mar nahe Saktay,
tum Bhe Jeenaa muhaal Kartay ho..

ab Kiss Kiss Ki misaal Doon tum Ko ?
her Sitam Bay misaal Kartay ho...!

Dekh lena ke kisi dukh ki kahani to nahi
Yeh jo aansuu hain kahin us ki nishani to nahi

Dikh rahi hai jo mujhe saaf teri aankhon mein
Tu ne yeh baat kahin mujhse chupani to nahi

Jis tarah sheher se nikla hoon mein beemar tera
Yeh ujarna hai koi nakal makani to nahi

Yeh jo har morr pe aa milti hai mujhse farhat
Badnaseebi bhi kahin meri deewani to nahi...!

Bachpan Ke Dukh Bhi Kitney Achay Hotey Thay
Tab Tau Sirf Khiloney Toota Kartey Thay

Woh Khushi Bhi Janey Kaisi Khushi Thi
Titlee Ke Par Noch Kay uchla Kartey They

Paon Maar Ke Khud Barish Ke Paani Mein
Apni Nao Aap Duboya Kartey Thay

Ab Socho Tau Chot Si Parti Hay Dil Par
Aap Bana Ke Aap Gharonday Tora Kartey Thay

Ab Tau Ik Aansoon Bhi Ruswa Kar Jata Hai
Bachpan Main Tau Jee Bhar Ke Ro Liya Kartey Thay...!

Dukh Dard Ke Maron Se Mera Ziker Na Kerna
Ghar Jao To Yaroon Se Mera Ziker Na Kerna
WO Zabt na Ker Payen Gay Aankhon Ke Samandar
Tum Raah Guzaron Se Mera Ziker Na Kerna
Phoolon Ke Nasheman Mein Raha Hoon Mein Sada Se
Dekho Kabhi Kantoon Se Mera Ziker Na Kerna
Shyad Yeh Andheray Hi Mujhe Raah Dikhayen
Ab Chand Sitaron Se Mera Ziker Na Kerna
Wo Meri Kahani Ko Ghalat Rang Na De Dain
Afsana Nigaron Se Mera Ziker Na Kerna
Shayad Wo Mere Haal Pe Be Saakhta Ro Dain
es Baar Un ke samnay mera zikar na karna...!

Mohabbat Dukh Nahi Deti

Mohabbat Maan Hoti Hay

Kesi Ki Jan Hoti Hay

Kesi Ka Deen Mohabbat Hay

Kesi Ka Emaan Hoti Hay

Mohabbat Chaaon Jesi Hay

Mohabbat Shaan Hoti Hay

Mohabbat Dukh Nahi Deti

Kabhi Socha Hay Tum Nay Ye ?

Achanak Ak Aam Sa Insaan

Hamay Kyun Bha Sa Jata Hay

Hamaray DIL Pay Us Ka Aks

Kesay Cha Sa Jata Hay

Hamara Ikhtiyaar Khud Per

Khatam Honay Kyun Lagta Hay

Usay Hi Sochtay Rehna

Usi Ko Chahatay Rehna

Usi Ko Har Khushi Dena

Or Us Ka Ghum Chura Laina

Hamara Kaam Rehta Hay

Ye Sab Yon Hi Nahi Pyaray

Ye Jazbay Jis Ko Ham

Koii Naam Denay Say Jhijhaktay Hain

Mohabbat Naam Hay es Ka

Dilon Ko Jorr Kar Rakhna

Faqat Ye Kaam Hay es Ka

Ye Tum Say Keh Dia Kis Nay

Mohabbat Kuch Nahi Deti

Meri Ak Baat Sun Lo Tum

Mohabbat Sab Kuch Deti Hay Mager !!

Mohabbat Dukh Nahi Deti

Hamain khabar hai tamam dukh hai
Yeh zindagi ko asmanon ki wusatoon say
Hazar sadiyon say mil raha hai… payam dukh hai
Jo kaarzar-e-zawaal hasti ko, dhoop chaoon ki
Ahatoon say chala raha hai… nizaam dukh hai
Sehar to ik mukhtasir sa ghum hai,
Taweel din ki hawailioon kay, jo rastoon main thehar gai hai
Wo shaam dukh hai,
yeh shaam dukh hai
Kay iski sheh par kai dinoon say
Musafiran-e-abd ka aisay firaq assaar rastoon par
Safar to khair ik almia hai, qayaam dukh hai
Hamain khabar hai, tamaam dukh hai
Yeh aas dukh hai, niras dukh hai
Udasion ka libaas dukh hai
Yeh tishnagi jo azaab bun kar thehar gai hai
Badan kay boseeda sahiloon par
To iska ehd-e-dawaam dukh hai
Yeh shor karti hawa ka sara kohraam dukh hai
Hamain khabar hai tamaam dukh hai
Yeh tum muhabbat nibhatay ho, to is muhabbat ka naam dukh hai
Yeh wasl mausam jo ik musalsal zabt hai
To is rafaqat ka naam dukh hai
Aur aisi wehshat numa fiza main
Khamoosh rehna bhi ik saza hai
Magar kisi say kalam dukh hai
Hamain khabar hai tamaam dukh hai

Tum tou bus aik hee dukh pochtay ho
konse dukh ki karain baat zara yeh to bata
mousamoun, sard hawon ki masehaye ka dukh
raah ki dhool main bikhri hui benaie ka dukh
sung k shehar main khud dukh say shanasayi ka dukh
ya kisi bheegti barsaat main tanhaayi ka dukh
konse dukh ki karain baat k dil ka darya
itni tughyaani ki zad par hay k kuch yaad nahin
kub humain bhool gaya koan say harjayi ka dukh
tum tou bus aik hee dukh pochtay ho!!

Tum tou bus aik hee dukh pochtay ho
konse dukh ki karain baat zara yeh to bata
mousamoun, sard hawon ki masehaye ka dukh
raah ki dhool main bikhri hui benaie ka dukh
sung k shehar main khud dukh say shanasayi ka dukh
ya kisi bheegti barsaat main tanhaayi ka dukh
konse dukh ki karain baat k dil ka darya
itni tughyaani ki zad par hay k kuch yaad nahin
kub humain bhool gaya koan say harjayi ka dukh
tum tou bus aik hee dukh pochtay ho!!

Dareeche Se Jhankti Wo Larki Ajeeb Dukh Se Bhari Hui Hay,
K Us K Aangan Me Phool Par Ek Neeli Titli Mari Hui Hay

Kabhi Azaanon Me Khoi Khoi , Kabhi Namazon Me Roi Roi,
Wo Aesey Dunya Ko Dekhti Hay, K Jesey Is Se Darii Hui Hay

Durood Se Mehki Mehki Sansen, Wazifa Parhti Hui Wo Ankhen,
K Ek Shamma-E-Umeed Un Me, Kai Baras Se Dhari Hui Hay

Wo Dukh Ki Chadar Me Lipti Lipti, Wo Kaley Kapron Me Simti Simti,
Muhabbat Us Ne Kisi Se, Shayad Meri Tarah Hi Kari Hui Hay

Barrey Zamanoon K Baad Barsi Hain Meri Aankhen Kisi Ki Khatir,
Bare Zamanoon K Baad Dil Ki Zameen Phir Se Huri Hui Hay...