Search

Jab Dil Udas Ho Humse Bat Kar Lena
Jab Dil Chahe Mulakat Kar Lena
Rehte Hain Apke Dil K Kisi Konay Mein hum
Waqt Milay To aik nazar Talash Kar Lena

Yahan Qadr Kya Dil Ki Ho Gi

Yahan qadar kiya dil ki ho gi
Yeh dunya hay shishagaron ki
Mohabbat ka dil thokaron main
Hay kimat yahan patharon ki
Bari sadgi se zamana
kahani ka rukh morta hay
Nigahoon ki beygangi se
Mohabbat ka dil torta hay
Nazar khelti hay dilon se
Yeh mahfel hay bazigaron ki
Jahan pyaar waqti takaza
Wahan zikar kiya ho wafa ka
Dhuwaan ban k jazbat nikleen
khulos aik jhonka hawa ka
Kahan jayeen hum dil ko le kar
Yeh basti hay sodagaron ki

Ae Wahesht e Dil

Seher ki raat aur main nashaad o nakara phiron
Jagmagati jaagti sarkon peh aawara phiron
Ae gham e dil kiya karon
Ae wahisht e dil kiya karon
Yeh ropheli chaaoun aur aakash par taaron ka jaal
jasey sufi ka tasawar jasey aashiq ka kiyaal
Aah lekin kon samjhe kon jane jee ka haal
Raasty main rok k dam loon yeh meri aadat naheen
Lout kar wapas chala jaon yeh meri fitrat naheen
Aur koy humnawa mil jaye yeh meri kismat naheen
Ae gham e dil kiya karon
Ae wahisht e dil kiya karon

Dil Ki Hasrat

Kuch to tanhayi ki ratoon main sahara hota
Tum na huwe na sahi zikar tumara hota
Zindagi kitni musarat se guzarti yarab
Aish ki tarah agar gham bhi gawara hota
Gham e ulfat jo na milta gham e hasti milta
Kisi sorat to zamane main guzara hota
Kis ko fursat thi zamane k sitam sahne ki
Agar na us shokh ki aankhon ka ishara hota
Koy humdard zamane main na paya
Dil ki hasrat hi rahi koy hamara hota

DIL KASHI

Dil kashi hay tumari zaat k sath
Warna dukh dard hain hayaat k sath
Saaz dil ka bara shikasta hay
Chaerna is ko ahteyat k sath
Rooz jata hoon haal dil kahne
Lout ata hoon dil ki baat k sath
Rang bharnay thay bhar gayi tanha
Zindagi talkh wakiyaat k sath