Search

Ek basti thi dil walon ki,

Jahan "Chand" or "Suraj" baste thay

Sara din wo angan men hansa khela karte thay

Ek dosre per dil-o-jan se marte thay

Phir ek din yun hua wo dono apis mein ruth gaye

Jo sapne thay wo toot gaye

Ab chand wahan tab ata hay, jb suraj chala jata he,

Jab suraj ata hy tb chand so jata he,

Badaal ye kehte hen,ye suraj uljha uljha rehta he,

Chand k paas to taare hen ye suraj tanha rehta hai

Ek basti thi dil walon ki

Is Dil Ne Tere Baad Mohabbat Bhi Nahi Ki
Had ye k Dharakne Ki Jasarat Bhi Nahi Ki

Tabeer Ka Ayzaaz Hua Hai Ussey Haasil
Jis ne Mere Khuabon Mein Sharakat Bhi Nahi Ki

Ulfat To Bari Baat Hai Humse To Sar-e-Shehar
Logon Ne Kabhi Dhang se Nafrat Bhi Nahi Ki

Aadaab-e-Safar Ab Wo Sikhate Hain Jinhon Ne
Do Chaar Qadam Tay, Yeh Musaafat Bhi Nahi Ki

Kya Apni Safai Mein Bayaan Dete K Humne
Na Karda Gunaah ki Wazaahat Bhi Nahi Ki

Khaamosh Tamashayi Ki Maanind Sar-e-Bazm
So Zakham Sahay Dil Pe , Shikayat Bhi Nahi Ki

is Ghar K Sabhi Log Mujhey Chorney Aaye
Dehleez Talak Uss Ne Yeh Zehmat Bhi Nahi Ki

Ussne Bhi Ghulamoon Ki Safoon Mein Humein Rakha
is Dil Pe Kabhi Jis Ne Hakoomat Bhi Nahi Ki

Dil Ka Durd Pao Gey Wafa Ker Key
Hum Ney Kia Paya Tajurba Ker Key

Terey Nam Ka Tauq Hey Galay Main Aj Tuk
Hum Ney Kia Paya Souda Ker Key

Log Suntey Hain Dimagh Ki Baat
Hum Ney Kia Paya Dil Lagi Ker Key

Us Ko Malum Hi Nahen Yeh Shayad
Haar Gai Hum Pass_E_Wafa Ker Key

Shab_E_Furqat Sey Jag Rahey Hain
Hum Ney Kia Paya Us Key Nam Zindagi Basar Ker Key

dil kii divar-o-dar pe kya daikha
bas teraa naam hii likha daikha

teri aakhon men hamne kya daikha
kabhi qatil kabhi Khuda daikha

apni suurat lagi pyari si
jab kabhi hamne aina daikha

haye andaz tairay rukne ka
vaqt ko bhii ruka ruka daikha

tere jane men aur ane men
hamne sadiyon ka fasala daikha

phir na aya Khayal jannat ka
jab tere ghar ka raasta daikha

Ranjish hi sahi dil hi dukhanay k liye aa

aa phir e mjhy choar k jany k liye aa

pehly se marasim na sahi phir b kabi to

rasm o raah dunya hi nibhany k liye aa

kis kis ko bataen ge judai ka sabab hum

tu mujh se khafa hai to zamany k liye aa

ab tak dil-e-khush fehem ko tujh se hain umeeden

ye aakhri shammen b bujhany k liye aa

naqsh-e-Khayal dil se miTaya nahi hanoz
bedard main ne tujhko bhulaya nahi hanoz

wo sar jo teri rahguzar men tha sajdaraiz
main ne kisee qadam pe jhukaya nahi hanoz

maharab-e-jaan men tuu ne jalaya tha Khud jise
sine ka wo chirag bujhaya nahin hanoz

behosh hoke jald tujhe hosh a gaya
main badnaseeb hosh men aya nahi hanoz

mr kar bhi ayegi ye sada qabr-e-"Josh" se
bedard main ne tujhako bhulaya nahi hanoz