Search

Pyaar ke deep jalane wale kuch kuch pagal hotay hain
Apni jaan say jaane walay kuch kuch pagal hotay hain

Hijar ke gehray zakham milay tou mujhko yeh ehsass hua
pagal ko samjhanay walay kuch kuch pagal hotay hain

Jaan say pyaare logon say kuch kuch parda laZim hai
Saari baat batanay walay kuch kuch pagal hotay hain

khuwabon main bhi piya milan kay sapnay dekhte rehte hain
neendon main muskuranay walay kuch kuch pagal hotay hain

es jhooti nagri main hum nay yehi hamesha dekha hai
sachi baat bataane walay kuch kuch pagal hotay hain

Pyaar jinhe hojaye unko chain bhala kab mill paata hai?
shab bhar ashk bahane walay kuch kuch pagal hotay hain

Apni Zaat ke ujray gulshan se woh pyaar kahan karte hain?
Auroon ko mehkaane walay kuch kuch pagal hotay hain

Issi ke ishq main bheeg ke sanam hum ko yeh ehsaas hua
Dil ki baat main Anay Walay kuch kuch pagal hotay...!

Hawa k rukh pe hum deep jala rahe hein
dushman e jaan ko jaan se qareeb laa rahe hein
jab se hey hum pe unki nazar e iltafaat
soghaatein hamare liye raqeeb laa rahe hein
sar e shaam ghar mein roshni k liye
hum jalate hein dil woh deep jala rahe hein
dushman e jaan hi hey hamara maseiah yaaro
log kiun humare liye tabeeb bula rahe hein.
dekha aaj unko ghair se mehve guftagoo
socha tha kiya, kiya naseeb dikhla rahe hein

Dil ki Chokhat pe ek Deep jala rakha hai
Tere Laut aane ka Imkaan saja rakha hai

Saans tak bhi nahin lete hain Tujhe sochte waqt
Hum ne is kaam ko bhi kal pe utha rakha hai

Rooth jaate ho to kuch aur Haseen lagte ho
Hum ne yah soch ke hi Tum ko Khafa rakha hai

Tum jise Rota hua chhorr gaye thay ek din
Hum ne us Shaam ko Seeney se laga rakha hai

Chain lene nahi deta yeh kisi tor Mujhe
Teri yaadon ne jo Toofaan utha rakha hai

Jane wale ne kaha tha k wo Laut ayega zaroor
Ek isi Aas pe Darwaza khula rakha hai

Tere jane se jo ik Dhool uthi thi Ghum ki
Hum ne us Dhool ko Ankhon mai basa rakha hai

Mujh ko kal Shaam se wo boht yaad aane laga
Dil ne Muddat se jo ek Shaks Bhula rakha hai

Aakhri baar jo aaya tha Mere Naam Wasi
Mai ne is Khat ko kalejey se laga rakha hai

Deep love in your heart
within me grows
Sparkling inside your
kind eyes moonlight glows

When I hear your
soft angelic warm voice
I realize why I have
no other choice

But to surrender to
your loving charms
Feel the bliss
wrapped between your arms

I see my self drowning
deep in your eyes
Through the tides
of passion your gentleness rise

You are the sweetest prince
love will ever see
As we dive together in the ocean
you and me

Ek Do nahi dushaman ye saara zamaana hai,
Phooti taqdeer ke aage khud ko aazmana hai,

Fursat-e-hastee se beykas saa jee rahaa hoon,
Rulaa ke khud ko ab khud hi ko hasana hai,

Saudey - baazi men bhi main aise shikast huaa,
Khushiyaa dekar mujhe dard ko apnaana hai,

Patthar ban k jaise kisi sadak peh aa gayaa hoon,
Tamaam umra ab logoN se thokar khaana hai,

Duniyaa-daari bhi kuchh is tarah se nibhaani hai,
Aainaa banna hai par kuchh bhi na bataana hai,

Naakaam si koshish kyun kar rahe ho "yogs",
AandhiyoN se gheyre ho aur deep jalaana hai.