Search

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se cheen le
Kuch dekhna nahi hai tujhe dekh kar mujhe...!

Anjaani Raah tanha safar de aya mujhay
Pathar ka shehar sheshay ka ghar day gaya mujhay..

Woh bhi mujh he ko sochta rEhta hay Raat bhar
Us k nagar ka chaand Khabar de gaya mujhay..

Us Shakhs ki muhabatain kitni shadeEd thin
Khud mit gaya or Apni nazar de gaya mujhay..

Woh Qafilay ko chorr k tanha he chal dia
Or jaatay huey Rakht-e-Safar de gaya mujhay...

janay wo bewafa tha ya majboOr tha
zindagi guzarnay ka hunar de gaya mujhay...!

Suraag de ga kaheen ja k maah o saal mein tu
Kahan rahe ga mere koza-e-khayal mein tu

Parayi dhoop se aangan ki teergi achi
Ulajh raha hai yeh kis roshni k jaal mein tu

Tujhe khaber nahin urti hai khaak-e-jaan kaise
Ghira nahin kisi andisha-e-zawal mein tu

Main dekhta hon lakeeron ki sarhadon mein tujhe
Likha hua hai mere dast-e-kamal mein tu

Tujhe main mang raha hon yeh kis bahane se
Chupa hua hai meri khwahish-e-sawal mein tu

Kisi ki ankh se khwabon ki kirchian chun ker
Ab aik umer se baitha hai kis malaal mein tu

Kahan gaya tere andar ka khud parast Zafer
Bikher gaya hai kisi k jamal mein tu...!

Teri Jabeen Pe Likha Tha Ke To Bhula De Ga
So Main Bhi Bhanp Gaya Tha Ke To Bhula De Ga

Har Ek Shaks Se Larta Raha Main Tere Liye
Har Ek Ne Mujhse Kaha Tha Ke To Bhula De Ga

Ye Teri Aankon Pe Halkay Se Par Gaye Kaise
Mujhy To, To Ne Kaha Tha Ke To Bhula De Ga

Nikaal Laya Hay Ilzaam Phir Purane To
Ye Hum Ne Te Bhi Kiya Tha Ke To Bhula De Ga

Kuch es Liye Bhi Ke Til Tha Teri Ankhon Main
Mujhy To Tab Bhi Pata Tha To Bhula De Ga