Search

Mujhey darya nahi likhna,mujhey sehra nahi likhna
Tasallsul se safar main hoon, mujhey thehra nahi likhna

Purani rabton ki raakh ab tak dil main baqi hai
Meri jalti hatheli par naya wada nahi likhna

Ana se jeet kar usko agar jo mainey khoya hai
Mera noha nahi likhna mera naghma nahi likhna

Bisat-e-zindagi ki aakhiri sarhad pe khara hoon
Mujhey fateh nahi likhna mujhey mohra nahi likhna

Tumhari aankh main agar main kabhi chup chaap jal jaow
Tum apni aankhon main laiken mera sadma nahi likhna

Gawahi apnay dil se lo tumhara dil kiya kehta hai
Mujhey jhoota nahi likhna mujhey sacha nahi likhna

May uski yaad may gum hoon ke apne aap may gum hoon
Mujhey mehfil nahi likhna mujhey tanha nahi likhna

May apney lafzoon se shohrat tumhey de jaonga ik din
Mujhey mashhoor na karna mera charcha nahi likhna

Ye na ho tum kabhi us ko mitaa na chaho..na mittay
Mujhey apna samajh lena magar apna nahi likhna

Meri aankhon may baatein hay magar chehray pe gehri chup
Meri aankhein to likh dena mera chehra nahi likhna

Kahin aisa na ho meri kasak us dil main reh jaye
Mera dukh dard likh dena magar gehra nahi likhna............!!!!

Ishq sehra hai k darya KABHI SOCHE WO BHI
us se kia hai mera naata KABHI SOCHE WO BHI
han main TANHA hun ye iqrar bhi kar lete hun
khud bhi kitna hai wo tanha KABHI SOCHE WO BHI
ye alag baat jataya nahi main ne usko
warna kitna usay chaha KABHI SOCHE WO BHI
usay awaz likha..chand likha…phool likha
main ne kia kia usay likha KABHI SOCHE WO BHI
mutmain hun usey lafzon ki hararat de kar
main ne kitna usay socha KABHI SOCHE WO BHI...!

ishq mein behta hai jo darya ba darya, kon hai
ham bhi dekhein, dard k sehara mein aisa kon hai

aik lamha hi guzar jaaye kaheen tairay baghair
dil ko samjhaya to hai, lekin samjhta kon hai

meri be aawaaz tanhaai bataye kiya mujhe
shehar mein hai jis ki khaatir shor barpaa, kon hai

sar pe yeh jaltay huwe suraj ko andaazaa nahi
bay talab es dasht mein ghar se nikalta kon hai

kho gayee hai waqt ki lehron mein sachai to kiya
waqt hi khud faisla kerta hai, sacha kon hai

aik se es shehar mein hain aashna na aashna
kiya bataain tujh ko meri jaan ke kaisa kon hai

din ka suraj kiya uthaye ga meri raaton ka gham
aur phir khalid kisi ka bojh uthaata kon hai

dasht o darya se guzrna ho k ghar me rehna
abb to har haal me he hamko safar me rehna

shehr e gham dekh teri aab o hawa khushk na ho
uski aadat hi samajh deeda e tarr mai rehna

faisley saarey usi k hen tumhari baabat
ikhtiar apna bus itna k khabar me rehna

koi khatir na madaraat na taqreeb e wisal
ham faqat chahte hain uski nazar me rehna

raat bhar chand mein dekha karoon uski soorat
subho koi or hi soda merey sar me rehna

wahi tanhai wahi dhoop wahi sannata
ghar me rehna bhi huwa raah guzar me rehna

tutna yoon to muqaddar he magar kuchh lamhey
phool ki tarha muyassar ho shajar me rehna

mein qatray mein hoon dariya
mein zarray mein hoon sehra
mein mashriq ، mein hoon maghrib
mera kahan hoga
mein chahoon kis ko chahoon
meri chhahat par nah ja
teree chhahat dhoka hai
mein hoon dhokay ka dhoka
to andha hai kya daikhe
mein nay tujh ko daikh liya

Wafa ka darya to rukta nahi. Mohabbat may insan kabi jhukta nahi. Khamosh hoon main uski khushi k liye. Aur wo samjhta hain k dil mera dukhta nahi..