Search

Auro'n say aashnayee gawara nahee'n mujhay
teri tarah tau koi bhi pyara nahee'n mujhay

ye bhool ja k tujhko kabhi bhool jaoo'n mai
ye bhool ja sanam k tu pyara nahee'n mujhay

dukh usko ye thhehra k nahee'n uskay paas mai
mujhko ye gham k uss nay pukara nahee'n mujhay

sikha hai dushmano'n say jo kutch mainay umr bhar
itna tau dosto'n nay sanwara nahee'n mujhay

ruswaiyyo'n K khauf say mai daikhta nahee'n
ye mat samajh k taab e nazara nahee'n mujhay,

Kaho kia bhool jao gay ?
MSN ki woh mulakatein
woh pyar bhari baatein
woh LOGIN hone ka intezar
woh intezar ki sa'atein

kaho kia bhool jao gay ?
woh farzi naam ka batana
HAHA likh ker jhoota kehkaha lagana
woh ASL poochne per
apni umer ko aur kam batana

kaho kia bhool jao gay ?
woh pyar bhari tehrirein
woh MSN ki EMOTICON tasveerein
woh NICK mein haal-e-dil likhna
woh NET ko taiz karne ki tadberain

kaho kia bhool jao gay ?
woh typing se ungliyon mein dard hona
kisi baat per ghussey se chehre ka zard hona
lafz sorry ka screen per aate hi
lehjey ka phir se sard hona

kaho kia bhool jao gay ?
woh jaagna rooz raaton mein
woh jhalakna pyar baaton mein
woh TYPE karte karte
leina MOUSE hathoon mein

kaho kia bhool jao gay ?
woh MSN per dosron ko ignore karna
her jumley per buhat ghour karna
woh dil per hath rakh ker BYE kehna
aur zara aur rukhne per zoor daina

kaho kia bhool jao gay ?
tumarhe LOGIN hotey hi
doston ka woh jhumghata lag jana
tum se baat karne ki khatir
sir dard ka woh jhoota bahana

kaho kia bhool jao gay ?
bewaja baaton per takraar karna
bar bar NETMEETING la israar karna
woh roman urdu mein ki gayeen baatein
pyar ka dabay lehjey mein izhar karna

kaho kia bhool jao gay ?
woh doston se tumhari ID chupana
kabhi FONT badalna kabhi gun gunana
dair se jawab aane per
BUSY hone ka ilzaam lagana

per lagta hai tum bhool gaye ...
MSN ke aanchal per likhi hoi kahani
per mujh ko yaad hai her ek lafz zabani
khuda ra na tum aisa sitam karo
na karo tum aisi naadani ...,

Kis Darja Haseen Tha Mere Mahool ka Gham Bhi..!!
Main Bhool Gaya Aap ka Andaaz-e-Sitam Bhi....!!

Ek Lamha Toa Dum Leney Dhe Aaghoosh-e-Sukoon Main..!
Aae Gardish-e-Haalat Kisi Moorr per Thamm Bhi….!!

Palkoon peh Sajaye Howey Zakhmoon k Nagenay...!!
Guzrain Gey Kisi Rooz Tere Sheher Sey Hum Bhi…….!!

Kyun Dard ki Qandeel Jalaye koi Dil Main……..?
Halaat ki Talkhi Toa Ziada Bhi... Hai kam Bhi……!!

Manzar Toa Zara Dekhe'ye Ruswayi-e-Fan ka…..!!
Bikney Lagey BaZaar Main Arbab-e-Qalam Bhi……!!

Kuch Dair Toa Phoota Hai Lahoo Meri Jabeen Sey..!!
Kuch Dair Toa Chamkey Gaa Tera Sang-e-Haram Bhi………!!

Ek Umar Jisey Zehen Ney Pooja Hai Beher Toar….!!
Mohsin Wo Sitam-kush Khuda Bhi Hai Sanam Bhi…!!,

Woh December Ki Udas Sham Thi

Jab Gali K Sunsan Morr Peh

Us Ne Mera Hath Thama Tha

Kitney Aram Say Us Na Kaha Tha

"MUJEH BHOOL JANA"

Me Tu Aj Bhi Heran Hon

Kaisey Sooch Liya Usne

K Itnaa Asaan Hota Hai

Roh K Rishtoon Ko Tor Kar

Rasta Badal Lena

Kisi Ko Chhor Dena

Faqat

Yeah Kah Kar

K

"MUJEH BHOOL JANA"

Usey Main Bhool Jana Chahta Hoon
Suno ! Main Muskurana Chahta Hoon
Dukhi Rehnay Ki Aadat Ho Gai Hai
Mager Ab Gungunana chahta Hoon

Puraney Sab Taluq Toor Ker Ab
Nai Duniya Basana Chahta Hoon
Woh Nazmen Paaon Se Lipti Hain Lakin
Main Un sey Jaan Chhurana Chahta Hoon

Woh Sab Tohfey Woh sookhey Phool Sarey
Main Ab Un Ko Jalana Chahta Hoon
Main Utna Pass Aata Hoon Tumharey
Main Jitna Door Jana Chahta Hoon

Maery Hamdam, Haqeeqat Hai Yeh Meri
Main Teray Pass Aana Chahta Hoon
Ubhrney Ki Koi Khahish Nahin Hai
K Ab Main Doob Jana Chahta Hoon

Teri Chahat Me Hum Zamana Bhool Gaye
Tere Baad Kisi ko Apnana Bhool Gaye

Phir Laga Sara Jahan Weeran Hum Ko
Jese Chaman Me Phool Mehknaa Bhool Gaye

Tumse Mohabbat hai bataya Sare jahan Ko
Yeh baat Tum Ko Batana Bhool gaye

Hum ne Mita Diya Jahan bhi Likha Tha Naam Tera
Magar Apne Dil Se Tera Naam mitana Bhool Gaye

Wo Juda Hue Humse Muskurate Hue
Magar Apni Palkon se Aansu hatana Wo bhool gaye

koi tumhe bhool jaye to kya karoge
saari yaadein mita jaye to kya karoge
kisi ko chodhne se pehle ye soch lena
agar koi tumhe chhodh jaye to kya karoge

Kahaan Aa Kay Rukney Thay Raastey,
Kahaan Morr Tha, Ussay Bhool Jaa,
Joo Mil Gaya Ussay Yaad Rakh,
Joo Nahien Mila Ussay Bhool Jaa,

Woh Tere Naseeb Ki Baarishein,
Kisi Aur Chhat Pe Baras Gayien,
Dil-e-Bekhabbar Meri Baat Sun,
Ussay Bhool Jaa, Ussay Bhool Jaa,

Mein Tou Gum Thaa Tere Hi Dehyaan Mein,
Teri Aass Tere Gumaan Mein,
Saba Keh Gayi Mere Kaan Mein,
Mere Paas Aa Ussay Bhool Jaa

Kisi Ki Aankh Mein Nahien Ashq-e-Gham,
Tere Baad Kuch Bhi Nahien Hai Kam,
Tujhe Zindagi Ney Bhulaa Diya,
Tu Bhi Muskuraa Ussay Bhool Jaa

Naa Woh Aankh Hi Teri Aankh Thi,
Naa Woh Khuaab Hi Tera Khuaab Thaa,
Dil-e-Muntazir Tou Yeh Kis Liye Tera Jaagnaa,

Ussay Bhool Jaa

Yeh Joo Raat Din Ka Hai Khel Saa,
Ussay Dekh Iss Pe Yakeen Naa Kar
Nahien Aks Koi Bhi Mustaqil Sar-e-Aaena, Ussay Bhool Jaa

Joo Bisaat-e-Jaan Hi Ulatt Gaya,
Woh Joo Raastey Mein Palatt Gaya
Ussay Rookney Sey Husool Kya,
Ussay Matt Bulaa Ussay Bhool Ja

jasbaton ko mere koi doondh ke lao zara,
bhool gaya hoon muskurana koi mujhe hansaye zara,
chhuney se bhi kisike ehsaas nahi hota,
koi mere dil ki dhadkano ko hath lagaye zara,
ruk gai hain meri saanse raah mein hi kahin,
meri zindagi ke liye koi unke ghar ka rasta unko dikhaye zara,
shayad marne ke baad hi usse mil paoon mein,
kaho maut ke farishton se aakar meri rooh ko le jaaye zara.