Search

Ishq Qatil sy bhi , Maqtool sy Hamdardi bhi ..
ye tou bta kIs sy Mohabbat ki Jaza mangay ga ?
SaJda KhalIq ko bhi , Iblees sy yaraana bhi ..
Hashar mein kis sy Aqeedat ka sila mangay ga ?

Shab Bakher.

Sochta Hoon Ke Usey Nind Bhi Aati Hogi,
Ya Meri Tarah Faqt Ashq Bahati Hogi,

Wo Meri Shakal Mera NaaM Bhulne Wali,
Meri Tasveer Se Kya Aankh Milati Hogi,

Is ZaMeen Pe Bhi Hai Sailab Mere Ashkon Se,
Mere MaataM Ki Sada Arsh Hilati Hogi,

ShaaM Hote Hi Wo Chokhat Pe Jala Ke ShaMayein,
Apni Palkon Pe Kayi Khwaab Sulati Hogi,

Usne Silwa Bhi Liye Honge Siyaah Rang Libaas,
Ab MoharraM Ki Tarah Eid Manati Hogi,

Mere Tareek ZaManon Se Nikalne Wali,
Roshni Tujhko Meri Yaad Dilati Hogi,

Dilki MasooM Ragein Khud Hi Sulagti Hogi,
Joon Hi Tasveer Ka Kona Wo Jalati Hogi,

Roop Dekar Mujhe Us Mein Kisi Shehzade Ka
Apne Bachhon Ko Kahani Sunati Hogi...

Hum Bhi Kitney Dewaaney Nikley

Diye Say Andehra Mitaney Nikley

Gham-e-Dil Pe Hamare Jo Hasa Kartey Hain

Hum Unko Hi Haal-e-Dil Sunaney Nikley

Kaaghzi Phoolon Par Aati Nahi Bahaarain

Ye Jaan Kar Bhi Gulshan Sajaney Nikley

Dunia Me Bikti Hain Jhooti Kahaniyan

Sachey Afsaney Sab Hum Jalaney Nikley

Log Behtay Hain Bhar Ke Muthi Me Namak

Janey Kia Soch Kar Hum Zakham Dikhaney Nikley

Ye Moujza Bhi Mohabbat Kabhi Dikhaye Mujhe

Ke Sang Tujh Pey Girey Aur Zakham Aaye Mujhe

wohi To Sab Say Ziada Hai Nuktaa Chee Mera

Jo Muskura Ke Hamesha Galey Lagaye Mujhe

Mai Apney Dil Say Nikalon Khayal Kis Kis Ka

Jo To Nahi To Koi Aur Yaad Aaye Mujhe

Wo Mera Dost Hai Sare Jahan Ko Hai Maloom

Dagha Kare Wo Kisi Say To Sharm Aaye Mujhe

Wo MeherBaan Hai To Iqrar Kio Nahi Karta

Wo BadGumah Hai To Soo Baar Aazmaye Mujhe

Mohabbat Ka Dhuwan Ankhon Men Pani Chhor Jata Hy,
Kisi Rasty Se Gham Guzry Nishani Chhor Jata Hy

Hamari Guftgu Se Bhi Wo Qayil Nhi Hota
Aur Apni Khamoshi K Bhi Ma’ani Chhor Jata Hy

Bharosa Jis Pe Ho Us Se Tawaqo Koi Mat Rakhna
Yehi Saiban Ek Be_Saibani Chhor Jata Hy

Bichar Kar Bhi Hum Aisy Shakhs Se Bichra Nhi Karty
Jo Ek Fiqra Ada Kar K Kahani Chhor Jata Hy

MOHSIN Maut Bhi Kam Khoobsurat To Nhi Hogi
Jo Us Ko Dekhta Hai Zindgani Chhor Jata Hy...

Pehlu mein mere dekh wahi dil hai aaj bhi

Roshan isi charagh se mahfil hai aaj bhi

Ab bhi hai kehkashan tere partu se raah-e-shoque

Pur noor sham-e-jaada-e-manzil hai aaj bhi

Ab bhi hyat-e-shaque ki kashti hai taiz ra'o

Her mauj ek ummeed ka saahil hai aaj bhi

Ab bhi hai eik kaif umeed-e-karam k saath

Ek lutf intezaar mein shamil hai aaj bhi

Ab bhi hai mujh ko ishq ki hikmat pe aitmaad

Dil ko umeed-e-hal-e- masaael hai aaj bhi

Ab bhi hai her nigah teri rooh-e-aarzoo

Tu jaan-e-shaque ban k muqabil hai aaj bhi

Woh dil k mujh ko naaz raha jis pe muddaton

E dost!tere naaz k qabil hai aaj bhi.....!!!!

Aj Bhi Barish khoob Hui
Aur Baadal Toot k Barsa tha
Galiyan koochy jal thal thay
Per soach ka sehra piyasa tha
Band
Darwazon k sheeshoon per
Jb boondain dastak deti thien
Ehsaas hua ....
Tum aaye ho
Andaaz tmharay jaisa tha!!!