Search

Sheher Barbaad Ho Raha Hey Abhi
Or Tu Hey K So Raha Hey Abhi

Dekh Weran Ho Raha Hey Jahan
Or Tu Dagh Dho Raha Hey Abhi

Terey Ander Bhi Koi Dukh Main Hey
Merey Ander Bhi Ro Raha Hey Koi

Abhi kuch aur karishmay ghazal ke dekhte hain,
Faraz ab zara lehja badal ke dekhte hain,
Judaeyaan tau muqaddar hain phir bhi ay jaan-e-safar,
Kuch aur door zara saath chal ke dekhte hain,
Rah-e-wafa mein hareef-e-kharaam koi to ho,
Sau apne aap se aagay nikal ke dekhte hain,
Tu samnay hai tau phir kyon yaqeen nahi aata,
Yeh baar baar jo aankhon ko mall ke dekhte hain,
Yeh kaun log hain moujood teri mehfil mein,
Jo lalichoon se tujhe, mujh ko jall ke dekhte hain,
Yeh qurb kya hai ke yakjaan huye na door huye,
Hazaar aik hi qaalib mein dhall ke dekhte hain,
Na tujh ko maat huyi hai na mujh ko maat huyi,
Sau ab ke dono hi chaalen badal ke dekhte hain,
Yeh kaun hai sar-e-saahil ke doobnay walay,
Samundaroon ki taho’n se ucchal ke dekhte hain,
Abhi talak tau na kundan huye na raakh huye,
Hum apni aag mein har roz jal ke dekhte hain,
Bohat dinon se nahi hai kuch us ki kher khabar,
Chalo Faraz kuu-e-yaar chal ke dekhte hain…

Abhi Ik Hijr Baaqi Hai ....
Abhi Ik Hijr Baaqi Hai.
Abhi Toh Bas Aziat Hai.
Aziat Dar Aziat Hai.
Abhi Kuchh Talkhia''n Bhi Hein.
Abhi Takleef Ke Manzar.
Bohot Pursoz Hein Lekin
Abhi Rastay Bhi Baaqi Hein.
Abhi Pa''on Salamat Hein.
Abhi Aankhen Nahin Thehri.
Abhi Manzil Se Mayoosi Nahin.
Umeed Toh Kuch Hai.
Abhi Tareekh Lamho''n Ne.
Seher Ki Baat Toh Ki Hai.
Abhi Zindah Hein Hum Lekin.
Kabhi Jab Hum Nahin Hon Ge.
Toh Ab Samjhe.
Abhi Ik Hiijr Baaqi Hai ...

Ik shakhs kar raha hai abhi tak wafa ka zikr
kaash! us zabaan-daraaz ka munh noch le koi

Abhi Kuch Din Mujhe
Meri Muhabbat Azmanay Do
Mujhe Khamosh Rehnay Do
Suna Hai Ishq Sacha Ho
Tu Khamoshi Laho Ban Kar
RagoN Main Nach UthTii Hai
Zara Uski RagoN Mai
Khamoshi Ko Jhoom Janay Do

Abhi Kuch Din Mujhe
Meri Muhabbat Azmanay Do

Usay Mai KyuN Bataon
Mai Ne Us Ko Kitna Chaha Hai
Bataya Jhoot Jata Hai
Sachi Baat Ki Khushboo Tu
Khud Mehsus Hoti Hai
Meri Baatain, Meri Sochain
Usay Jan Janay Do

Abhi Kuch Din Mujhe
Meri Muhabbat Azmanay Do

abhi nah khul abhi thora hijaab rehne day
kuch aur din mujhe yuhin kharab rehne day

ujaarr day mere dil ki tamam dharti ko
bas ik shehar, mera shehr-e khawab rehne day

wohi howa nah bichernay pay baat aa pohanchi
tujhe kaha tha, puranay hisaab rehne day

meri hatheli par likh day har ik nakami
mere khuda to usay kamyaab rehne day

waraq waraq nah to aisay lakerain khinchtaa ja
kitab Umar mein koi to baab rehne day

Abhi rona hai

zabt-e-ghum ka darya paar karna hai

abi to zehn ko

teri judaee k liye tayyar karna hai

abhi to akhri lamho'n mein tum ko pyar karna hai

abhi to qarya qarya

hum ko tere pyar mein badnaam hona hai

abhi yeh kaam hona hai

lab-e-sahil kharey ho kar

zuban-e-khamshi mein janey kitni bate'n karni hain

tumhare naam sari rate'n karni hai

wo jitney din mere jeewan k baqi hain

tumharey naam karney hain

abhi kuch kaam karney hain

abhi to zakhm chahat k teri khushboo se mehke'n ge

abhi to you'n bhi hona hai

k teri jheel si ankho'n mein

mujh ko doob jana hai

abhi waqt-e-wida k akhri manzar ko

ankho'n mein basana hai

abhi to hijr k samjhotey teh honey hain

hatho'n mein tumhara haath thamey

haa'n kisi weera'n sarak pe

chandni raato'n mein kitni door jana hai

abhi to mann mein ik ehsas jagey ga

kisi k paas aney ka

kisi k door janey ka

abhi to mujh ko teri god mein sar rakh k rona hai

abhi to you'n bhi hona hai

tere daman pe girney se zara pehley

tere ashko'n ne to rukhsar ka bosa bhi lena hai

tumhe'n ik akhri khat bhi to dena hai

abhi to husn ko palko'n ki dori mein pirona hai

abhi to ishq k sarey mehel neelam karney hain

abhi ruk jao

na jao

abhi kuch kaam karney hain.

Abhi bhi waqt hai tum laut jao,
Mujhe tum se muhabbat ho chali hai,
Bazaahir ek sukoon taari hai magar
Dil main Qayamat ho chali hai
Tumhary Naam se Phoolon k khilna
Tumhara roz ka yun milna
Tumhary Chaand se chehray ko takna,
Meri aankhon ki aadat ho chali hai,
Abhi bhi waqt hai tum Laut jao,
Mujhe tum se muhabbat ho chali hai...!

Abhi nasar nasar hai zindagi meri zindagi ko ghazal karo
Kabhi aarzuon ke jheel mein meri khwahishon ko kanwal karo


Kabhi khauf hijr-e-taweel ka kabhi shauq hai teri deed ka
Dil-e-muztarib k ye maslay hain jo aao to inhe hal karo


Ye jo sar bureda wajood hai isey apney honton ka lams do
Mujhay zindagi ki talab nahi mere naam bus koi pal karo


Na main khush guman hun wisaal se na tu badguman ho firaaq se
Tere dil ka jo bhi hai faisla meri jaa’n usi pe amal karo


Mere saath chalna hai gar chalo mere dil pe shahi tumhari hai
Mujhey chhorna hai to chhor do jo bhi faisla hai atal karo....!

Ruki hue hai abhi tak bahaar ankhon main
Shab-e-wisaal ka jese khumaar ankhon main

Mita sake gi isse gard-e-mah-o-saal kahan
Khinchi hue hai jo tasweer-e-yaar ankhon main

Bus ik shab ki musafat thi or ab tak hai
Mah-o-najoom ka saara ghubaar ankhon main

Hazaar sahib raksh saba mizaaj aaye
Basa hua hai wohi sehsawar ankhon main

Wo aik tha pe es ko jab tahe talwaar
To bat gaya wohi chehra hazaar ankhon main...!