Poetry / 0

Hafeez Ur Rehman

Sab Kuch Khaak Howa Hai

sab kuch khak howa hai laikin chehra kya noorani hai
pathar neechay baith gaya hai, oopar pani behta hai

bachpan say mairi adaat hai, phool chupa kar rakhta hoon
hathoon pay jalta souraj hai, dil mein raat ke raani hai

dafan howay ratoon kay qissay ik chat ki khamooshi hai
sanatoon ki chadar oorhay yeah divaar purani hai

ussko paa kar itraoo gi, kho kar jaan ganwa do gi
baadal ka saya hai duniya har she aani jaani hai

dil apna aik chand nagar hai, achee sorat waloo ka
shehar mein aa kar shaid hum ko yeah jageer ganwani hai

tairay badan par mein pholoon say uss lamhay ka naam likhoon
jis lamhay ka mein afsana tu bhi ik kahaani hai

· 1 Like · 5 Hours Ago
Category: 0
 
Poetry / 0

Hafeez Ur Rehman

Kabhi Dhoop Day Kabhi Badliyaan

kabhi youn millain koi maslayhat koi khoof dil mein zara na ho
mujhay apni koi khabar na ho, tujhay apna koi patta na ho

kabhi dhoop day, kabhi badliyaan, dil o jaan say dono qabol hain
magar is mehal mein na qaid kar jahaan zindagi ki hawa na ho

woh hazar baghoon ka baagh ho, tairi barkatoon ke bahaar say
jahaan koi shaakh huri na ho, jahaan koi phool khilla na ho

Tairay ikhtiyaar mein kya nahi, mujhay iss tarhaan say nawaz day
youn duaain mairi qabool hoon mairay lab pay koi dua na ho

kabhi hum bhi iss kay qareeb thay, dil o jaan say barh kay azeez thay
magar aaj aisay milla hai woh kabhi pehlay jaisay milla na ho

· 1 Like · 1 Days Ago
Category: 0
 
Poetry / 0

Hafeez Ur Rehman

Kuch Tu Pass Bacha Kar Rakho

kuch tu pass rakho, sab kuch karobaar na jano
dil kay darwazay mat kholo, iss ghar ko bazar na jano

maana rasta boht kathin hai phir bhi saya daar shajar hain
tehni ko talwar na samjho, anchal ko divaar na jano

sab kuch us ko day aya hoon, sab kuch us say lay aya hoon
mairi jeet ko jeet na samjho mairi haar ko haar na jano

din bhar dhoop mein chaltay chaltay hum dono ki sham hoi
thak kar banhon mein so jana ye jismani payar na jano

titli kay nazuk pankhon par ansoo ki tahreer ghazal hai
lafzoon ki meena kaari ko ilhaami ashaar na janoo

· 1 Like · Apr 28, 2021 at 13:04
Category: 0
 
Poetry / 0

Hafeez Ur Rehman

Kahen Wo Milta To Us Sey Lipat Ke Ro Leytey

Kisi Ki Yaad Mein Palkein Zara Bhigo Leytey
udaas raton ki tanhaiyon mein ro leytey

dukhon ka bojh akeley nahi sambhalta hey
kahen wo milta to us sey lipat ke ro leytey

agar safar mein hamara bhe hum safar hota
bari khoshi se inhi patharon pe so leytey

tumhari raah mein shakhon pe phool sookh gaye
kabhi hawaa ki tarha is tarf bhe ho leytey ....

yeh kiya ke roz wohi chandni ka bister ho
kabhi to dhoop ki chader bicha ke so leytey .... !

· 1 Like · Apr 28, 2021 at 05:04
Category: 0
 
Poetry / 0

Ijunoon

Shaam Kay Saaye

koi lashkar hai ke barhtay hovay gham aatay hain
shaam kay saaye bohat taiz qadam aatay hain

dil woh darwaish hai jo ankh utha'ta hee nahi
is kay darwazay pay soo ehal e karam atay hain

mujh say kya baat likhaani hai ke ab mairay liye
kabhi sonay kabhi chandi kay qalam aatay hain

mein nay do chaar kitaabain tu parhi hain laykin
shehar kay toor tareeqay mujhay kam aatay hain

khobsourat sa koee hadsa ankhoon mein liye
ghar ki dehleez pay dartay hovay hum atay hain

· 2 Like · Apr 27, 2021 at 16:04
Category: 0
 
Poetry / 0

Ijunoon

Tehreer Mairi Kismat Ki

sanwar nook e palak abroon mein khum kar day
giray paray howay lafzoon ko mohtaram kar day

gharoor uss pay bohat saja hai magar keh do
issi mein uss ka bhala hai gharoor kam kar day

yahaan libaas ki qeemat hai admmi ki nahi
mujhay gilaas baray day sharaab kam kar day

chamaknay wali hai tehreer mairi kismat ki
koi charagh ki lo ko zara sa kam kar day

kissi nay choom kay ankhoon ko yeh dua di the
zameen tairi khuda motiyoon say num kar day

· 1 Like · Apr 24, 2021 at 18:04
Category: 0
 
Poetry / 0

Ijunoon

Udaas Patjharoon Ke Shaam

hansi, masoom see bachoon ke copy mein abarat see
hiran ke peeth pay baithay parinday ke sharaat see

woh jaisay sardiyoon mein garam kapray day faqiroon ko
laboon pay muskurahat thi magar kaisi haqaarat see

udaasi pat jharoon ke shaam oorhay rasta taktee
pahari par hazaroon saal ke koyee amarat see

sajaye bazo'oon par bazoo woh maydan mein tunha tha
chamakti thi yeh basti dhoop mein taraj o gharat see

mairi ankhoon, mairay hontoon pay yeh kaisi tamazat hai
kabootar kay paroon ke raishmee ujlee hararat see

khilla dai phool mairay bagh mein pay'ghambaroon jaisa
raqum ho jis ke pay'shaani pay aik ayaat basharat see

· 1 Like · Apr 23, 2021 at 01:04
Category: 0
 
Poetry / 0

Ijunoon

Kashtee Kay Musafir Nay

apnoon mein raha dil mein utar kar nahi daikha
kashti kay musafir nay samandar nahi daikha

bay'waqat agar jaoon ga sab choonk parain gay
ik umar hoee din mein kabhi ghar nahi daikha

jis din say chala hoon mairi manzil pay nazar hai
ankhoon nay kabhi meel ka pathar nahi daikha

yeah phool mujhay koi warasat mein millay hain
tum nay maira kantoon bhara bistar nahi daikha

pathar mujhay kehta hai maira chahnay walla
mein moom hoon, uss nay mujhay choo kar nahi daikha

· 1 Like · Dec 20, 2018 at 02:12
Category: 0
 
Poetry / 0

Ijunoon

Asmaan Ki Khushboo

chamak rahi hai paroon mein uraan ke khushboo
bula rahi hai bohat asmaan ke khushboo

bhatak rahi hai purani dalaiyaan oorhay
havaili mein mairay khandaan ke khushboo

suna kay koye kahani, humain sulaatee theen
dua'oon jaisee, baray pandaan ke khushboo

daba tha phool koyee maiz poosh kay neechay
garaj rahi thee bohat paychwan ke khushboo

ajab waqar tha sookhay sunehray baloon mein
udasiyoon ke chamak, zard lawn ke khushboo

woh itar dan sa lehja mairay buzurgon ka
rachi bashi hoi urdu zubaan ke khushboo

khuda ka shukar hai mairay jawan baitay kay
badan say aanay lagi hai za'fran ke khushboo

umartoon ke bulandi pay koi mousam kya
kahan say aa gai kachay makaan ke khushboo

guloon pay likhti hoi La' illah il Lall Allah
pahariyoon say utartee azaan ke khushboo

· 2 Like · Dec 19, 2018 at 20:12
Category: 0
 
Poetry / 0

Ijunoon

Koee Phool

koee phool dhoop ke patioon mein haray ribbun say bandha howa
woh ghazal ka lehja naya naya, na kaha howa na suna howa

jissay lay gaiee hai abhi hawa, woh warq tha dil ke kitaab kaa
kaheen ansoon say mita howa, kaheen ansoon say likha howa

kaee meel rait ko kaat kar koye mouj phool khilla gayee
koi pair payaas say mar raha hai nadi kay paas khara howa

wohi khat keh jis pay jagah jagah do mehaktay hontoon kay chand thay
kisee bholay bisray say taaq par teh gard ho ga daba howa

mujhay hadsoon nay saja saja kay bohat haseen bana diya
mera dil bhi jaisay dulhan ka haath ho mehandiyon say racha howa

wohi sehar hai wohi rastay wohi ghar hai aur wohi lawn bhi
magar iss dareechay say poochna woh darakhat anar ka kya howa

mairay sath jugnoo hai humsafar, magar iss sharar ke bisaat kya
yeah chiragh koi chiraagh hai, na jala howa, na bujha howa

· 1 Like · Dec 19, 2018 at 13:12
Category: 0
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS