iJunoon Archives |2014 | April

Samay thehra hua sa hai hamare gaaon mai ab tak
Wohi payal wohi cham cham wohi darya purana hai

sarah chand mah ki thi jab usay bachon ke dr ke paas le jana para aur dr ne is choti si bachi ko anti biotic dawa tajweez kar di .

faida nah honay ki wajah se dosray dr se rujoo kiya gaya aur jald hi sarah ke walidain usay bachon ke amraaz ki maahir professor dr zeenat aysani ke paas le gaye. dr aysani ne ghair zaroori anti biotic band kar di kyunkay sarah ko bemaar karne walay jaraseem par anti biotic be assar thi .

professor sahibaa ne sarah ke walidain ko bataya ke anti biotic ka istemaal bohat ahteyat se kiya jana chahiye. kyunkay jin cases mein anti biotic zaroori ho un mein to yeh jaan bacha sakti hain lekin agar ghair zaroori tor par istemaal kiya jaye to nah sirf yeh ke anti biotic faida nahi pohanchati balkay nuqsaan de saabit hoti hain .

dr aysani ka kehna hai ke kayi martaba to dr mareez ya is ke lawahiqeen ke israar par anti biotic likh dete hain .

aur bachon ke dr jim sears - jo duniya ke Maroof jareeday 'Readers Digest' mein likhte hain - ka bhi yahi kehna hai ke mareez ko dr se anti biotic ki farmaaish nahi karni chahiye balkay usay apne marz ki alamaat batani chahiye aur phir faisla mualij par chore dena chahiye .

dr sears ke baqol anti biotic ke zimni aur napasandeedah asraat mein ishaal bhi shaamil hain kyunkay anti biotic se anton mein mojood faida mand bacteria jaraseem bhi mar jatay hain aur yun anton ki karkardagi mutasir hoti hai .

dr jim sears haal hi mein shaya honay walay apne aik mazmoon mein likhte hain ke America mein bachon ke amraaz se mutaliq idaray,' american academy of paediatrics' ke mutabiq kam shiddat ke amraaz mein dawa lainay se qabal kuch intzaar kar lena chahiye kyunkay marz un jaraseem ki wajah se bhi ho sakta hai ke jin par anti biotic be assar hoti hain aur aisay amraaz kuch waqt ke baad khud hi theek ho jatay hain .

'Readers digest' ke isi shmare mein shirn bigli likhti hain ke insani jism ke andar aur oopar mukhtalif qisam ke jaraseem mojood hotay hain aur un mein faida mand jaraseem bhi hotay hain jin ki tadaad insani khalion se bhi ziyada hoti hai aur jaraseem ke is majmoay ko pareshan kar ke insaan sehat mand nahi reh sakta .

#health

science daano ka kehna hai ke unhon ne sayarah zuhal ke haley ya rang ke kinare aik aisi cheez daryaft ki hai jisay aik naye chaand ki paidaiesh kaha ja sakta hai .

ghair rasmi tor par abhi is ka naam' pegi' rakha gaya hai agar is ki tasdeeq ho jati hai to yeh zuhal ke madaar ka wahn chaand hoga .

is ke shawahid kesini khalayi jahaaz se li jaane wali black and white tasweer se haasil hue hain. yeh zuhal ke sab se baahiri dairay ya haley par nazar aaya hai .

Nasa ki tajurbah gaah jay pi ail ki lnda spelcker ne kaha :' aik nanhay chaand ki paidaiesh ka mushahida sansani khaiz aur ghair mutawaqqa amal hai. '

science danon ne zuhal ke haley ke kinare par aik ubhaar dekha jis se unhon ne yeh nateeja akhaz kya ke wahan kuch hai .

andazay ke mutabiq pegi ki lambai aur choraai adhay mil par muheet hai aur yeh taqreeban yakeeni tor par mukammal barf se bana hoga .

London ki koyn meri university ke science daan professor carl marey ne bi bi si ko bataya ke' yeh pehla mauqa hai jab is qisam ka mushahida howa hai. '

unhon ne kaha :' abhi hamein sirf itna hi maloom hai ke wahan kuch hai. hum bas is baat par nazar rakh satke hain ke kahin woh cheez haley ke gird ki cheezon mein khlal to peda nahi kar rahi hai. '

zuhal ke haley ke kinare ka hissa is cheez ki wajah se apne atraaf ke hisson se 20 fi sad ziyada chamak daar hai. is chamakdar hissay ki lambai kilometer hai jabkay choraai 9. 7 kilometer hai .

is baabat tafseel icors Nami journal mein shaya hui hai .

is daryaft ki ahmiyat yeh hai ke is tasweer mein zuhal ke gird baadalon ka jo Haala bana howa hai is ke darmain aik chaand ki paidaiesh ko qaid kya gaya hai .

professor marey ke mutabiq :' yeh chhlle barfani hain jis mein 90 fi sad khalis barfani pani hai jo ke anasir ke takaraane ki soorat mein kisi cheez ke wujood mein anay ka mozoon tareen mahol hai aur tasweer mein is ka muzahira hota hai. '

is ka wazeh usool yeh hai haley par bohat ziyada barf hai aur zuhal ke ziyada tar chaand bunyadi tor par barf ke hain is liye kaha ja sakta hai ke yeh haley zuhal ke chando ki nrsryan hain phir wahan se chaand madaar mein un se daur chalay jatay hain .

pegi ke sath kya hoga abhi yeh wazeh nahi hai. agar yeh zuhal ke halon ke madaar mein hi rehta hai to is ka barf ke kisi dosray ubhaar ya dhair se takaraane ka bohat khatrah hai jis se is nanhay chaand ke toot jaane ka imkaan hai .

bahar haal agar pegi zuhal ke halon ke madaar se bahar nikal jata hai to yeh barray chaand ki kashish ke thaperon mein aa jaye ga. har do sooraton mein apne chhootey size ki wajah se science daano ke liye is par mutawatar nazar rakhna namumkin hai .

#rose

#hadith #sahihbukhari