Love

woh kehta hai mohabbat sada milna nhi hota
main kehti hoon, mere hotay bicharnay ki na socho
woh kehta hai jo mango mein apni jaan day doon ga
mein kehti hon mujay fil hal apna naam he day do
woh kehta hai sar par aysay he anchal dakha rakho
mein kehti hon keh tum apni nazron ko jhuka rakho
woh kehta hai haray aur peelay rang ki churiyaan pehno
mein kehti hoon pehno gi agar kismat mein likha ho ga
woh kehta hai mere naam ki mehndi lagao tum
mein kehti hoon lagaoon gi agar tum lay kar aoo gaay

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj es mohabbat se mil jaane do

Meri saans chalti hai tere naam ki aahat pe
Mujh benaam ko es naam mein kho jaane do

Kasam tujhe chalne wali hawaon ki mehboob
Mujhe es mohabbat ki aag mein jal jaane do.

Koi Ghazal Suna Ker Kya Karna
Yoon baat barha Ker Kya Karna

Tum Mere Thay Tum Mere ho
Duniya Ko bata Kar Kya Kerna

Tum Ehad Nibhao Chaahat Say
Koi Rasm Nibha Kar Kya Karna

Tum Khafa bhi Achay Lagtay ho
Phir Tum Ko Manaa Kar Kya Karna

Tere Dar Pe Aa K bethay hain
Ab Ghar bhi Ja Ker Kya Karna

Din Yaad Se Acha Guzray Ga
Phir Tum Ko bhula Ker Kya Karna?

Mere janey pe ay jana

Pareshan tum nahin hona

Kabhi chhup kar nahin rona

Judai zehar hoti hai

Mujhey maloom hai lekin

Firaq o hijar ka mosam

Yaqenan beet jaye ga

Yaqenan wasl k lamhe

dobara lout aayen ge

Wohi shaamen' wohi raaten

Wohi qissey' wohi baaten

Wohi phir dastan ho gi

Mohabbat mehraban ho gi..

Suna Hai

Jab Hichki Aati Hai

To !!!

Koee Yaad Karta Hai

Ager Es Baat Main

Thori Se Bhi Haqiqat Hai

Tu Na Mumkin Hai

Keh

Tumhari Hichki

Ak Pal Bhi Rukti Ho!!!

ik mom ki guriya hae
ik pream kahani hae
ik shaakh hae nazuk c
kaliyon ki jawani hae
wo phul ki titli hae
shola hae k pani hae
hae shaan samndar ki
lehron main rawani hae
wo noor-e-sehar hae
ya shaam suhani hae
dekhon to sapna hae
sochon to kahani hea
kaya naam rakhon us ka
kaya baat kahon us se
wo din ka ujala hae
wo raat ki rani hae
Ik MoM ki guriya hae
ik pream kahani hae

Tumhara Aur Maira Woh Taaluq Hai
Jo Kisi Kitaab Mein Darj Nahin
Tumhari Awaaz Aur Mairi Samaat Ne
Hum Dono Ke Darmiyaan
Aik Rabt Qayam Kiya Hai
Humarey Darmiyaan
Koi Rishta Nahin Hai
Phir Bhi Hum Aik Doosrey Ke Liye
Laazim o Malzoom Hain!!
Tum Mairey Liye...
Behtey Darya Ki Maanind Ho
Jo Har Rishtey Ko Sairaab Karta Jaata Hai!!
Aur Main Tumharey Liye...
Aik Moj Ki Maanind
Jo Darya Say Alag Ho Jaaye To...
Tishnagi Uss Ka Muqadar Ban Jaati Hai!!
es Liye Mairi Dua Hai Ke
Mairi Tum Say Chahat Ko...
Kabhi Zawaal Na Aaye!!!!!

Teri saanson mein gulaabon si mehak lagti hai
Husun jis rung mein ho teri jhalak lagti hai

Shaam hotay hi nigaahon mein uter aatay ho
Dil ki dherkan teray pairon ki dhamak lagti hai

es liye phool main collar mein saja layta hoon
es ki khushboo teray aanchal ki mehak lagti hai

Kisi baarish k barastay hi jo ghar aati hai
Teri aankhon mein wo rangon ki dhanak lagti hai

es hi liye to main chand k husun ka garweedah hoon
es k paikar mein teri aankhon ki chamak lagti hai

Jaanay kiun wo meri aankhon ko bhala lagta hai
Jis k chehray pay zara teri jhalak lagti hai.

Chalo door Kahin chaltay hain
Kahin pairron kay saye Main
Kahin sapnon ki wadi main
Ya kahin jheel Kinaray Per
chalo chaltay hain Kahin Jana
Mohabbat Mehsoos Kartay hain
Teray Kandhay pay sar Rakhay
Jo baadal chu kay guzrain To
jo barish ham pay barsay To
Buhut si ankahi batain Khamoshi ki zaban main
Buhut aahista say jana Hamray dil main Utar ayain
kabhi shabnam pay nangay paon,
Teri qurbat kay lamhon main
zamanay bhar say be-khabar
Kahin shehr-e-mohabbat ki zamin pay dono ja pohnchain
nazar main tera chehra ho
faza main khusbu hamari ho
na apni khabar tumhain kuch ho na apna pata mujhe kuch ho
Mohabbat ki khamoshi ho,
Mohabbat ki kahani ho
Mohabbat ki zabani ho!!!!