Love

usay khud se juda rakha nahi hay
wo mera ho ke bhii mera nahi hay

jisay khone ka hay darr mujh ko itna
usay mein nay abhii paya nahi hay

zamanay ko bhala badle ga wo kya?
ke jis ka khud pe bas chalta nahi hay

terii yaadon se raushan hay mera dil
ye wo sooraj hay jo dhalta nahi hay

merii ankhon ka ye darya ajab hay
ke behta hay to phir thamta nahi hay

khushii ka ho ya koi gham ka lamha
guzar jaata hay kyun rukta nahi hay

naqoosh ab zehn se mitne lagay hein
bohat din se usay dekha nahi hay

suna hay phool ab khilte nahi hein
to kya khul kar wo ab hansta nahi hay

nagar choRa hay jab se us ghazal ne
koii shayer ghazal kehta nahi hay

es shehr mein chehre bohat hein
magar koii bhii us jaisa nahi hay

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa! dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se chean le
Kuch dekhna nahi hai tujhe dekh kar mujhe

Mujhko bachpan wo yaad aata hai
Roz aakar mujhe rulata hai
Meri maa jab mujhe lagati gale
Abbu kandhe pe jab uthate the
Meri behnain mujhe satati thi
Bhai mere mujhe hansate the
Kitna pyara tha wo mera bachpan
Kitni pyari thi wo meri sakhiyan
Meri gudia ki jab hui shadi
Meri ankhon se ashq behte the
Yaad aye bidai meri mujhe
Ghar ke sab ro rhe the jab mere
Bebasi mei main bhi roi thi
Apne babul ka choar kar angna
Praye desh mein the log anjane
Ro rahi aankh yaad kar ke wo din
Dil mera bhi tarap raha hai yahan
Meri maa bhi wahan roti hai bahut
Na mein un ki rahi na apni hoon
Ab to bas zindgi mein hain yaadein
Aur mein hun meri tanhayi hai
Meri bachpan ki sirf yadein hein
Apna bachpan yad jaab bhi karo
Yeh nazam padh ke khoob ro lena!!!!

Chehrey pe gard pairoN meiN safar hey ke nahi hey
tu deikh ke meri manzil pe nazar hey k nahi hey!

jaa apney liye dhoondh ley kisi ahl-e-mehal ko
naa jaaney meri qismat mein ghar hey k nahi hey

terey paas heiN abhi aur dard to wo bhi mujhey dey
naa pooch ke mujh meiN aur sabar hey k nahi hey

ye soch ke ley aya hooN meiN jungle sey kuch jugnu
naa jaaney ab qismat meiN sehar hey k nahi hey

tu deikh mera shaoq, meri shikastoN ko na deikh
peron taley terey ghar ki dagar hey k nahi hey!

maaNga hey tujhey Rab sey k ik zid si hey kab sey
dekhooN to meri duaoN mein asar hey k nahi hey!

Woh aik masoom si chahat, woh aik bay naam si ulfat

woh meri zaat ka hissa, woh meri zaat ka qissa

mujhay mehsoos hota hai, woh mairay paas hai ab bhi

woh jab jab yaad aata hai, negahon mein samata hai


zabaan khamosh hoti hai, magar yeh aankhh roti hai

mein khud say puuch laita hon, jisay mein yaad karta hon

usay kya pyar hai mujh say, jawaab haan soch laita hon

usay bhi pyar hai shayad. ..

issi shayad say wabsta hai ab tou har khushi meri

yahi aik lafz shayad ban gaya hai zindagi meri.

Kabhi Socha Hay

Humaray Rishtay Ka Naam Kia Hay

Mohabbat, Zarorat, Khowahish, Janoon, Ishq Ya

Wo Rishta Jo

Aasmaan Ka Zameen Say Hay

Barish Ka Sehra Say Hay

Haqiqat Ka Khowabon Say Hay

Din Ka Raat Say Hay

Yeh Kabhi Ak Dosray Say

Mil Nahi Patay

Lakin Ak Dosray Kay Bagair Adhoray Bhi Hain

Shayed Aisa Hi Kuch Rishta

Mera Or Tumhara Bhi Hay.....

Kitni saada
Kitni pyari
Kaanch ki chouri jesi larhki
College k kamry mein bethi
Janay kya kuch soch rahi thi
Main bhe Oss k paas hee betha
us ko ghoor se dekh raha thaa
Kiya Qissa hai?
Main ne pocha?
us ki ankhein bheeg gayeen
Dheemi si awaaz mein boli
Dekho?.. ?
Chouri toot gai…

ik Anchal say bandha hai sab kuch
ik tasweer
aur tasveer pay bheegay huay hont
ik sandal ki pencil
ik bay rabt sa ukhra huwa khat
ik adad card
jis ko choonay say teri yaad chali aati hai
jis say manoos duaoon ki mehak ati hai
kisi gumnam say shair ka adhora misra
ik pazaib say bichra huwa ujla mooti
ik murjhaye hoi zard chameli ki kalli
jis main ab bhi teri zulfon kay bhanwar liptay hain
ik boseeda paper
jis k konay pay likha naam abhi taza hai
sharbati kanch ki totti hui nazuk chorri
ik toota huwa halka sa gulabi naakhun
ik bosida sa tissue paper bhi
jis pay mehkay huay ashkon k nishaan zinda hain
yehi dolat hai yehi kuch hai asaasa mera
ik anchal say bandha hai sab kuch
ik bheegay huay anchal say bandha hai sab kuch

Haqeeqat aashna mairay. ..
tujhay shayad khabar hogi
mujhay terei muhabbat ne
bohat buzdil bana dala
mein har es sheh say drta hon
tujhay jo chean sakti hai. .
mein in lamho say drta hon
judaie jin mein rehti hai
mein in ashqo say drta hon
jo ban kar yaad bahtay hain
mein in lafzon say drta hon
jo khamoshi mein rehtay hain
bichernay ki mairay hum dam
mein har soorat say drta hon. ..
tujhay shayad khabar ho gi
mujhay terei muhabbat ne,
bohat buzdil bana dala.