Tag: Mohabbat

Mohabbat kar ke dekhi tou,

Mohabbat ko pehchana hai

Wafa bus naam ki hai,

Bey wafaai ka fasana hai..

Apni yad rakhnay ko kuch tou jan-e-mann deydo
Apni muskurahatain apna bholapun deydo
Apni ankhain baksh do apna husn nawaz do

Apna sakhan dey do apnay dil ka dhun daydo
Tumharay dum say meray jevan mein khushiyain hain bahar hay

Mein kuch kehna chahta hon mujhey tumse mohabbat hay, mujhey tum se pyar hay
Meri in khuwahishon ko umid ki koi kiran deydo

Apni yad rakhnay ko kuch tou jan-e-mann daydo
Tumhary siwa koi nahi meri soch, meray giyan mein
Meray aas pass, meray dour tuk, meray thory say wajdan mein

Mein nay zara si khushbo mangi hay kub kaha chaman daydo
Apni yad rakhnay ko kuch tou jan-e-man daydo

K jub tum door chalay jao koi tou tanhai mein sahara ho
Tumhari zaat say mansoob kuch tou hamara ho
Mujhey meray khuwab mujhey meray dulhan daydo

Meri zindagi lay lo mujhey apna daman daydo
Agar apni zaat say kuch bhi daina nahin chahtay
Mujhey apnay dukh apni aakhon ka sawan daydo

Apna Ehsas mar na jaye kahin
Dard hud se Guzar na jaye kahin

Un ko dekhey hoye hoi Sadian
Un ka Chehra bikhar na jaye kahin

Ab k Awaz doon tou aa jana
Dil Deewana Sudhar na jaye kahin

Un ka Wada tou hai magar Dil ko
Darr hai k kafir mukar na jaye kahin

Dard, Jugnoo, Hawa, Giley Shikwey
Yeh Mukaddar Sanwar na jaye kahin

Meri Dunya hai Dard ki Surat
Gul ki Surat Nikhar na jaye kahin

Khak se Aab tak tou aa pohnchey
Ab yeh Darya Utar na jaye kahin

Yeh Mohabbat b ek Balaa thehri
Hum ko Darr hai wo Darr na jaye kahin

Iss liye Muskuraye phirta hoon
Un ki Aankh bhi na bhar jaye kahin

Dil se guzra tou hai magar Saqi
Apni Jaan se guzar na jaye kahin

Kaise woh lot aye ke fursat usse nahin
duniya samajh rahi hai mohabbat usse nahin.

lagta hai aa chuki hai kami us ki chah main
kafi dinon se mujh se shikayet usse nahin.

dil ki zameen us ki hai banjar issi liye
jazbon ki barishon ki jo aadat usse nahin.

her cheez ikhtiar main rakhta hai woh magar
dil se rehai pane pe qudrat usse nahin.

Dil mein ab dard-e-mohabbat k siwa kuch bhi nahin
zindagi meri ibadat k siwa kuch bhi nahin

Mein teri baat bargah-e-naaz mein kia paish keron
Meri jhooli mein mohabbat k siwa kuch bhi nahin

Aey khuda mujh say na lay meray gunahon ka hisab
Meray paas ashk-e-nidamat k siwa kuch bhi nahin

Woh tou mit ker mujhey mil hi gaye rahat werna
Zindagi ranj-o-musibat k siva kuch bhi nahin...

Youn tou shikayat khud say roz kia kertay hain,
Shaam hotay hi khud ko rok lia kertay hain

Jaisay mujrim hay bina jurm karay koi,
Aisa woh hum say sulook rawan rakhtay hain,

Ho na jaye kahin un ka dedar hamain,
Iss liyay chehray ko chupa rakhtay hain,

Na koi dost na sathi jub apnay paas ho,
Aisay main aankh say aansu rawan rakhtay hain,

Yeh dil tou hay nadaan laikin,
Hum bhi mohabbat per pukhta yaqeen rakhtay hain

Jo mausam beet jata hai dobara kyon nahin ata
kahin se laut ker bachpan hamara kyon nahin ata

yahan anay ko tou har din kissi ke saath ata hai
jesay iss dil ne reh reh kar pukara kyon nahin ata

wo jis ki lo mohabbat ki jabeen ka istaara thi
tou phir rastay mai hamary wo roshan sitara kyon nahin ata

bohat heart hai ab bagon mein jab kalian chataktin hain
hamary dehyan mein lehja tumhara kyon nahin ata

kabhi phelay hoay pairon se jab kirnein jhalakty hain
tasawur main un ankhoon ka ishara kyon nahin ata

bhatakta phir raha hoon din ke iss weran jangal mein
mehakti sham ka rangeen kinara kyon nahin ata

AHL-E-Dil Youn Bhe Nibah Lete Hain
Dard Seene Main Chupa Lete Hain

Dil Ki Mehfil Main Ujaalon K Liye
Yaad Ki Shama Jala Lete Hain

Jalte Mausum Main Bhe Ye Deewane
Kuch Haseen Phool Khila Lete Hain

Apni Aankhon Ko Bana Ker Ye Zubaan
Kitne Afsane Suna Lete Hain

Jin Ko Jeena Hai Mohabbat K Liye
Apni Hasti Ko Mita Lete Hain

AHL-E-Dil Youn Bhe Nibah Lete Hain
Dard Seene Main Chupa Lete Hain

Kaha tha tum say mera intezaar na karna
dunya chahey jo kahey tum aitebar na karna

Aisa ho chuka hai kayee bar pehlay bhi
ab ki bar tum koi bhi sawal na karna

Din raat kat rahey hein ab tou ussi k khyal mein
wo lamhein wo ratein, unko yaad bar bar na karna

Zindagi tanha hi sahi.. kat rahi hai ab tak
kis nay keh diya tha mohabbat ka izhaar na karna...