Search

Kabhi yun jo ho kisi din agar
Kabhi tu mujhey sre-e-raah miley

Mein hazaar lamhon ko khainch kar
Yeh jo chalta waqt hai baandh doon

Yeh jo gardisheain hein zameen ki
Usi ik lamhey pe ruki rahain

Mein taka karoon tujhey jazb se
Yunhi pyar se yunhi ishq se
Teri her adaa ko samait loon

Mein hisaar-e-jaan mein sajaa rakhon
Na tu keh sakey , na mein keh sakon

Tu jo paas ho to mein jee sakon
Tu jo door ho na jiya karoon

Kabhi yun jo ho kisi din agar
Merey humsafar tu jo na miley
Mein hazaar dharkanon ko khainch kar
Ye jo chalta dil hai baandh doon

Ye jo silsiley hein meri saans ke
Teri doori mein hi haar doon

Tu jo paas ho to mein jee sakoon
Tu jo door ho , na jiya karoon

Kabhi yun jo ho kisi din agar
Merey hum safar tu jo na miley

us ka apna hi karishma hai fasoon hai yun hai
yun to kehne ko sabhi kehtay hain yun hai yun hai

jaisay koi darr e dil per ho stadah kab se,
aik saya na daroon hai na baaroon hai yun hai

tum ne dekhi hi nahin ab ke gulsitan may bahhar
ab to her khaar pe ik qatra e khoon hai yun hai

tum mohabbat main kahan sood o zyaan le aaye
ishq ka naam khiirad hai na junoon hai yun hai

ab tum aaye ho meri jaan tamasha karne
ab to darya main talatum na sukoon hai yun hai

naseha tujh ko khaber kya k mohabbat kya hai
roz aa jata hai samjhata hai yun hai yun hai

shairy tazah zamanoon ki hai maimaar FARAZ!
ye bhi ik silsilay e kun fa yakoon hai yun hai

Daikho Phir Se Na Yun Kehna
K Yeh Sher Acha Hai
Mujhay Acha Nahi Lagta
K Meray Dard Ki Shiddat Ko
Koi Ghazal Samjh Baithay
Suno..!
Mai Phir Se Ye Kehti Hoon
Kabhi Aisay Na Yun Kehna
K Buhat Tum Khoob Likhti Ho
Ye Tumnay Kahan Se Seekha Hai
Ye Ghazal Buhat Hi Achi Hai
Suno Ye Batain Na Phir Kehna.!!

Yun na mil mujh se KHAFA ho jaise
Saath chal MAUJ-E-SABA ho jaise


Log yun dekh kar HANS dete hain
Tu mujhe BHOOL gaya ho jaise


Ishq ko SHIRKK ki had tak na barha
Yun na mil humse KHUDA ho jaise


Maut b ai to is NAAZ ke saath
Mujh pe EHSAAN kiya ho jaise


Aise ANJAAN bane baithay ho
Tum ko kuch b na PATA ho jaise


Hichkiyan RAAT ko aati hi rahein
Tu ne phir YAAD kiya ho jaise


Zindagi beet rahi hai "DANISH"
Koi be-jurm SAZA ho jaise!!!!...........,

Dil Yun Dharka K Pareshan Hua Ho Jaisy
Koi Be-Dhiyani Mein Nuqsan Hua Ho Jaisy

Rukh Badalta Hon To Sheh-Rag Mein Chubhan Hoti Hai
Ishq Bhi Jang Ka Maidan Hua Ho Jaisy

Jism Yun Lams-E-Rafaqat K Asar Se Nikla
Doosry Daur Ka Samaan Hua Ho Jaisy

Dil Ne Yun Phir Mery Seeny Mein Faqeeri Rakh Di
Toot Kar Khud Hi Pashemaan Hua Ho Jaisy

Thaam Kar Haath Mera Aisa Wo Roya MOHSIN
Koi Kaafir Se Musalman Hua Ho Jaisy

Pyaar Se Pyaar Karo Pyaar Ko Ruswa Na Karo,
Meri Toh Aadat Hai Tum Khud Ko Afsurda Na Karo,

Meri Bahon mein Chalay Aao Dartay Kyun Ho,
Gehrai Hai Buhat Dil Mein Yun Jhanka Na Karo,

Main Toh Aashiq-e-Deedar Hon Koi Rehzan Toh Nahi,
Betho Mere Paas Yun Mujhse Parda Na Karo,

Kon Chalta Hai Tamam Umer Hi Sath,
Laikin waqt Se Pehle Toh Khud Se Juda Na Karo,

Badalon Ki Bhi Tum Ko Nazar Lag Saqti Hai,
Tang Qaba Ho Toh Barish Mein Nahaya Na Karo,

Bijliyan Girti Hain Kitnay sada Dilon par,
Aise Pe Parda Sehan Mein Aya Na Karo,

Tum Kya Jano Yeh Dil Ki Lagi Kya HOti Hai,
Kissi Masoom Se Yun Khaila Na Karo,

Dekho Nazuk Tumhari Ungliyan Buhat,
Inse Pholon Ko Yun Masla Na Karo,

Sham Dhalay Woh Pirota Hai Gham Apnay,
Tabassum Har Roz Usay Yun Mila Na karo.....!!!!

Yun dil na lagy na dard uthy, mat roz milo to acha hai,
Na piyar Barhay na Jhagra ho, tum door Baso to acha hai,

Kisi phool sè milty chèhry ko mèri dunya dèkhna chahy gi,
Jo paas tumhary kuch Bhi nahi, pardy mèn raho to acha hai,

Is pyar ki sundar Baanhoon mèn, ab Baanhèn daal k so Bhi chuko,
Yun Ji, Ji k ab marny sè, mar mar k gèo to achha hai,

Lè kar zanjèèrèn haathon mèn, kuch log tumhari taak mèn hain,
Aè ishq humari galiyon mèn na aur phiro to acha hai...

Bètaab Nazrain Yun Mili Iqraar Hum Karny Lagy,
Yè Kia Hua Kion Is Tarha Izhar Hum Karny Lagy.

Chhalky Huvy Jazbaat Kuch Aansu Bhi Kuch Bikhry Huvy,
Ab Qatra Qatra Zindgi Sarshaar Hum Karny Lagy.

Shaadab Hèn Aankhèn Lahu Sè Kuch Gulabi Shaam Hai,
Qos-E-Qaza Rangoon Mèn Guftar Hum Karny Lagy.

Vèèraan Kaday Mèn Aa Gayè Jo Wo Baharon Ki Tarha,
In K Tassavur Sè Sukhan Gulzar Hum Karny Lagy.

Rahny Lagy Hèn Gurèzaan To Tumhary Qurb Sè,
Is ehad-E-Ulfat Sè Ghazab Ka Piyar Hum Karny Lagy.

Shama Kion Shikwa Gila Ahl-E-Wafa Thèhry Jo Hum,,
Jalty Huvy Sholon Ka Dariya Paar Hum Karny Lagy~...

Yun to kisika peecha nahin karte,
Dard-e-dil diya aur liya nahin karte,
Ittefaq ki baat hai ye hamari dosti varna,
Itna kimti SMS kisi ko kiya nahin karte.