Search

Ashk Girtay hain to her Saans PIGHAL Jati hay,
De k Ek Dard Naya her Shaam DHAL Jati hay,

Tujh ko Seenay say Laga ker Milay Jannat ka Sakoon,
Tujh say Bichrron to Meri Jaan NIKAL Jati hay,

Ishq Kuch Aisay Mitata hay NISHAN-E-HASTI,
Jaise k Raat Ujaalay ko NIGAL Jati hay,

Tou Agar Dil pay Meray Hath hi Rakh De to,
Toot’ti Saans Bhi Kuch Dair SANBHAL Jati hay,

Zakhm Bharta hi Nahi Teri JUDAAI ka Magr,
Phir Teri YAAD Naya Dard UGAL Jati hy..

Kisi Roz Barish Me Ghar Se Niklna..
Khizan Me Girey Totey Paton Pe Chalna..
Tapakney Lagey Ga Jab Darakhton Se Paani..
Tumhen Yaad Aaigi Beeti Kahani..
K Jab Hum Kisi Sham Tum Se Miley Thay..
Muhabbat K Raston Pe Hum Tum Chale Thay..
Wo Barson K Qissey Wo Baaten Purani..
Tumhen Yaad Aaegi Beeti Kahani

Chandni shab thi..
Hawa bhi sard thi…
Kuch bhi zehn mein nahi
Bus itna yaad hai…
Tumharay kaandhay per mera sar tha
Aur mere kaandhay per tumharay bazoo….!

Chandni shab thi..
Hawa bhi sard thi…
Kuch bhi zehn mein nahi
Bus itna yaad hai…
Tumharay kaandhay per mera sar tha
Aur mere kaandhay per tumharay bazoo….!

Mujhey Yaad hai....

pichlay saal enhi dinon me..

main ne tumein apney andr..

Saatviein bar Qatl kr ke wohi kahein

kisi viraney me Dafan kr dia tha..

aur Tumari Qaber...

Framoshi ki bhari pathron se bhar di thi..

Aur uss se bhe pehley aik bar..

Door draz se aney waley kisi Deo haikal prindey ke
pairon se...

Tujhay baandh ke osey orha dia tha..

Aur phir uss se bhi pehlay bilkul enhi dinon me..

Main ne tujhey mokamal tor per Jala ke..

Tumari Raakh aik Tez raftar Daryya me baha di thi..

Lekan es sari Jankaahi ke bawajood...

Tum aaj phir..

Hamesha ki trah..

Meri Aankhon me Aankhen daley..

Aur mery Dil ko apni muthi me jakrey, meray

samney kharey ho

us shaam vo ruKhsat kaa samaa yaad rahegaa
vo shahar vo kuuchaa vo makaan yaad rahegaa

vo Tees k ubharii thii idhar yaad rahegi
vo dard ke uThaa thaa yahaan yaad rahegaa

ham shauq ke shole ki lapak bhuul jaayenge
vo shamaa-e-afsurdaa ka dhuaan yaad rahegaa

kuch meer ke abyaat the kuchh faiz ke misare
ik dard kaa thaa jin mein bayaan yaad rahegaa

jaan baKhsh si thi us gul barg ki taraavaat
vo lams-e-aziz-e-do-jahaan yaad rahegaa

ham bhool sake hain na tujhe bhool sakenge
tu yaad rahegaa hamen haan yaad rahegaa

Mein logon sy mulaqaton k lamhay yaad rakhta hn
Mein baatein bhool bhi jaun to lehjay yaad rakhta hn

Sar-E-mehfil nigahein mjh pe jin logon ki parti hein
Nigahon k maani sy wo chehray yaad rakhta hn

Zara sa hut k chalta hn zamany ki riwayat sy
K jin pe boajh mein dalun, wo kandhay yaad rakhta hn

Main yun to bhool jata hn, kharashain talkh baaton ki
Magar jo zakhm gehray dein, ravayye yaad rakhta hn...!!!

Aaj us ki yaad nay humain tarpaya bohat
Aaj na chahattay howay bhi woh yaad aayi bohat

Us kay baad to jaisay vehshatoon say dosti ho gayi
Phir kyon aaj tanhaiyoon nay darraya bohat

Woh mera tha, mera hai, mera rahay ga
Hum nay is khayal say khud ko behlaya bohat

Shamma kay jalnay per hum afsoos kerain kyoon
Hum nay bhi manind shamma khud ko jallaya bohat

Hum nay jis kissi ko bhi humdard samjha "APNA"
Woh humaray dukh pah na janay kyon muskuraya bohat

Buhat Muddaton k baad kal rat

Kitab-e-mazi ko mene khola

Buhat se chehre nazar men utre

Buhat se namon pe dil pasija

Ek safha aisa bhe aya

Likha hua tha jo ansu se

Unwaan jis ka tha "TERI YAAD"

Safha wo sb se hi mubarak tha

Khuahishon ka ek nagar tha

Kuch or ansu us pe tapkay

Kuch or thora dil pasiga

Kitab-e-mazi ko band

Kar K

Tere khyalon me kho gaya mein

Na jane kb phir so gaya mein !!!